Arkivet: Dr. John
Dr. John, fødd Malcolm Rebennack.
Foto: John David Mercer
Då Malcolm John Rebennack jr., betre kjend som Dr. John, gjekk bort sommaren for tre år sidan, arbeidde han med ei ny plate. No er Things Happen That Way her, ei utgiving der New Orleans-legenda mellom anna røskar tak i nokre countryklassikarar og kler dei i ny, umiskjenneleg Dr. John-drakt.
Det er mykje å glede seg over på dette albumet. Det er klart det er kjekt når Dr. John spelar songar som «I’m So Lonesome I Could Cry» (Hank Williams), «Guess Things Happen That Way» (Jack Clement, men kanskje best kjend i Johnny Cash si framføring), og «Funny How Time Slips Away» (Willie Nelson).
Willie Nelson dukkar ikkje berre opp som komponist, men syng også med på «Gimme That Old Time Religion», og når Dr. John gjer ein versjon av Traveling Wilburys-låten «End Of The Line», er sjølvaste sølvrøysta Aaron Neville med på vokal, og gospelen snik seg inn i tonane.
Lyttarar som har følgt artisten opp gjennom åra, vil vere glad for ei ny tolking av hans eigen «I Walk on Guilded Splinters», opphavleg avsluttingssporet på Gris Gris (1968), der han har fått med seg Lukas Nelson og Promise of the Real. Det er som Karla R. Pratt, dottera til Dr. John, som har spela ei viktig rolle i å få musikken hans ferdigstilt og utgitt, sa i eit intervju for litt sidan: «På ein mystisk måte såg far bakover i tid, samstundes som han såg framover, medan han likevel var til stades i kvart augeblikk, her og no.»
Øyvind Vågnes
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Då Malcolm John Rebennack jr., betre kjend som Dr. John, gjekk bort sommaren for tre år sidan, arbeidde han med ei ny plate. No er Things Happen That Way her, ei utgiving der New Orleans-legenda mellom anna røskar tak i nokre countryklassikarar og kler dei i ny, umiskjenneleg Dr. John-drakt.
Det er mykje å glede seg over på dette albumet. Det er klart det er kjekt når Dr. John spelar songar som «I’m So Lonesome I Could Cry» (Hank Williams), «Guess Things Happen That Way» (Jack Clement, men kanskje best kjend i Johnny Cash si framføring), og «Funny How Time Slips Away» (Willie Nelson).
Willie Nelson dukkar ikkje berre opp som komponist, men syng også med på «Gimme That Old Time Religion», og når Dr. John gjer ein versjon av Traveling Wilburys-låten «End Of The Line», er sjølvaste sølvrøysta Aaron Neville med på vokal, og gospelen snik seg inn i tonane.
Lyttarar som har følgt artisten opp gjennom åra, vil vere glad for ei ny tolking av hans eigen «I Walk on Guilded Splinters», opphavleg avsluttingssporet på Gris Gris (1968), der han har fått med seg Lukas Nelson og Promise of the Real. Det er som Karla R. Pratt, dottera til Dr. John, som har spela ei viktig rolle i å få musikken hans ferdigstilt og utgitt, sa i eit intervju for litt sidan: «På ein mystisk måte såg far bakover i tid, samstundes som han såg framover, medan han likevel var til stades i kvart augeblikk, her og no.»
Øyvind Vågnes
Fleire artiklar
Dei siste par åra har den norske bonden fått kjenne konsekvensane av å produsere i eit system der utgiftene er styrte av marknaden, medan inntektene er styrte av politikarane, skriv Siri Helle.
Foto: Heiko Junge / NTB
Effektivisering er ikkje berginga
Korleis gje bønder rettferdig inntekt når dei framleis skal vere sjølvstendig næringsdrivande?
Judith Butler er filosof og ein frontfigur innanfor kjønnsteori.
Foto: Thomas Lohnes / NTB
Paven midt imot
Alle lèt til å misforstå kvarandre i kjønnsdebatten. Judith Butler blir både dyrka og demonisert av folk som ikkje har lese eit ord av bøkene hen skriv.
Bondelagsleiar Bjørn Gimming talar til demonstrantane utanfor Stortinget torsdag morgon. Bønder frå heile landet protesterer mot måten bondeinntekta blir rekna ut på.
Foto: Heiko Junge / NTB
Jordskjelvet
Senterpartiet ville løfte bøndene, men har skaka sitt eige grunnfjell.
Abortutvalet saman med helseminister Ingvild Kjerkol under overrekkinga av rapporten. Utvalet føreslår å flytte grensa for sjølvbestemt abort til veke 18.
Foto: Heiko Junge / NTB
Moralske kvalar
Å leggje restriksjonar på abort, er ein måte å anerkjenne menneskeverdet på, seier Morten Magelssen i abortutvalet. Han tok dissens.
Villreinbestanden i Noreg i dag er på rundt 25.000 dyr vinterstid. Sidan 2021 har villreinen vore klassifisert som nær truga på den norske raudlista.
Foto: Paul Kleiven / NTB
Villrein i eit villnis
Stortingsmeldinga om villrein er ikkje til å verte særleg klok av.