Manglande
dømmekraft
Facebook-meldinga til justisminister Sylvi Listhaug sist fredag med tittelen «Ap mener terroristenes rettigheter er viktigere enn nasjonens sikkerhet» var særs uklok og sterkt kritikkverdig.
Orsakinga, då ho fyrst kom, frå statsminister Erna Solberg på vegner av regjeringa var fornuftig og viktig. Men orsakinga kom lovleg seint. Statsministeren burde frå fyrste dag ha gjeve ordre om at meldinga skulle slettast. Her har statsministeren Solberg synt manglande dømmekraft. Ein trong ikkje fleire dagar på å skjøna at meldinga både var upassande og reint sakleg misvisande og ikkje kunne verta ståande som ei melding frå landets justisminister.
Vi bør likevel tru på Listhaug når ho seier at ho ikkje hadde 22. juli-massakren i tankane då ho publiserte innlegget. Men ho må skjøna at ho no er justisminister. Som justisminister, med ansvaret for rettsvesenet og alt lovarbeid, kan ein ikkje tillata seg usaklege og polemiske innlegg i eit så viktig tema som kampen mot terror.
Difor burde ho raskt og tydeleg orsaka innlegget og ikkje provosert ytterlegare ved å seia at ho sletta meldinga på grunn av manglande opphavsrett til biletet.
Dessutan syner ho mangel på sjølvinnsikt når ho på Stortinget i går seier at ho er lei seg for at vi ikkje har fått ein sakleg debatt om ein kan ta den norske statsborgarskapen frå framandkrigarar med dobbel statsborgarskap. Det er jo nettopp innlegg av den typen Listhaug har sendt, som gjer ein sakleg debatt umogeleg.
Det er å vona at denne saka vil medverka til at det norske ordskiftet i framtida vert mindre prega av polemiske innlegg og tvilsame argument.
Svein Gjerdåker
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Facebook-meldinga til justisminister Sylvi Listhaug sist fredag med tittelen «Ap mener terroristenes rettigheter er viktigere enn nasjonens sikkerhet» var særs uklok og sterkt kritikkverdig.
Orsakinga, då ho fyrst kom, frå statsminister Erna Solberg på vegner av regjeringa var fornuftig og viktig. Men orsakinga kom lovleg seint. Statsministeren burde frå fyrste dag ha gjeve ordre om at meldinga skulle slettast. Her har statsministeren Solberg synt manglande dømmekraft. Ein trong ikkje fleire dagar på å skjøna at meldinga både var upassande og reint sakleg misvisande og ikkje kunne verta ståande som ei melding frå landets justisminister.
Vi bør likevel tru på Listhaug når ho seier at ho ikkje hadde 22. juli-massakren i tankane då ho publiserte innlegget. Men ho må skjøna at ho no er justisminister. Som justisminister, med ansvaret for rettsvesenet og alt lovarbeid, kan ein ikkje tillata seg usaklege og polemiske innlegg i eit så viktig tema som kampen mot terror.
Difor burde ho raskt og tydeleg orsaka innlegget og ikkje provosert ytterlegare ved å seia at ho sletta meldinga på grunn av manglande opphavsrett til biletet.
Dessutan syner ho mangel på sjølvinnsikt når ho på Stortinget i går seier at ho er lei seg for at vi ikkje har fått ein sakleg debatt om ein kan ta den norske statsborgarskapen frå framandkrigarar med dobbel statsborgarskap. Det er jo nettopp innlegg av den typen Listhaug har sendt, som gjer ein sakleg debatt umogeleg.
Det er å vona at denne saka vil medverka til at det norske ordskiftet i framtida vert mindre prega av polemiske innlegg og tvilsame argument.
Svein Gjerdåker
Fleire artiklar
Stig Amdam og Ragnhild Gudbrandsen spelar hovudrollene i stykket av August Strindberg.
Foto: Magnus Skrede / Den Nationale Scene
Krigen mellom kjønna
Dødsdansen er eit ekteskapsdrama der komikken får for stor plass, men spelestilane utfordrar kvarandre på interessant vis.
Kina fyrer på alle sylindrane: Ingen bygger ut så mykje kolkraft som kinesarane gjer. Biletet viser eit kolkraftverk i Dingzhou i Hebei-provinsen.
Foto: Ng Han Guan / AP / NTB
Ein straum av problem
Straumforbruket i verda aukar framleis raskare enn fornybar kraftproduksjon. Kolkraftverk skal varme kloden i mange år enno.
Nana rise-Lynum er redaktør i Norsk Barneblad.
Foto: Per Anders Todal
Å gi barn det dei ikkje veit at dei vil ha
Norsk Barneblad vart skipa i 1887 og har kome ut kvart år sidan. Sist helg fekk Nana Rise-Lynum Målprisen frå Noregs Mållag for innsatsen som redaktør.
Den såkalla hysjpengesaka mot Donald Trump er inne i andre veke i retten i New York.
Illustrasjon: Jane Rosenberg / Reuters
Høgt spel i New York
Straffesaka som no går føre seg mot Trump, er den han har størst sjanse til å verte frikjend i. Og vert han det, kan saka òg gje han fleire veljarar, seier kommentator Jan Arild Snoen.
Frå markeringa av den internasjonale kvinnedagen i Oslo sentrum.
Foto: Håkon Mosvold Larsen / NTB
Bollestad sprer myter og faktafeil
Vi må skille mellom hva som skal løses av abortloven, og hva som skal løses andre steder.