JavaScript is disabled in your web browser or browser is too old to support JavaScript. Today almost all web pages contain JavaScript, a scripting programming language that runs on visitor's web browser. It makes web pages functional for specific purposes and if disabled for some reason, the content or the functionality of the web page can be limited or unavailable.

Takk for at du vil dele artikkelen

Den du deler artikkelen med, kan lese og eventuelt lytte til heile artikkelen.
Det gjer vi for at fleire skal oppdage DAG OG TID.

Namnet ditt vert synleg for alle du deler artikkelen med.

Frå matfatetKunnskap

Cottage cheese

Sjølv to alternativ kan av og til vere eitt for mykje.

Kvar veke les vi inn utvalde artiklar, som abonnentane våre kan lytte til.
Lytt til artikkelen
Kvit som snø – og sunn som cottage cheese.

Kvit som snø – og sunn som cottage cheese.

Foto: Pxhere.com

Kvit som snø – og sunn som cottage cheese.

Kvit som snø – og sunn som cottage cheese.

Foto: Pxhere.com

3992
20240223
3992
20240223

Finst det ei matvare heile verda er samd om er sunn? Det må jo vere ei grønsak, er det fyrste som slår meg, men så finst det faktisk ganske mange som meiner at ferske grønsaker inneheld for mykje av noko som heiter fytinsyre, og difor ikkje er så sunne å ete likevel.

Frukt kunne ein jo tru var allemannseige, men ein skal ikkje google lenge før ein kjem over dei som meiner det inneheld for mykje (frukt)sukker. Mange antroposofar unngår heilt tomat, potet og andre planter i søtvierfamilien – av litt uklare, men for dei viktige grunnar.

Nei, vi vert nok ikkje samde alle saman. Men om vi held oss til brorparten, til dømes dei av oss som bur i Noreg og på eitt eller anna nivå held oss til offisielle kosthaldsråd, har eg i det minste enno ikkje høyrt hevda at ferskosten cottage cheese er direkte usunn.

Snarare tvert om: Cottage cheese vert trekt fram som både slankemat og treningsmat. Eit produkt med lågt feittinnhald, høgt proteininnhald og nett høveleg karbohydratinnhald kan knappast verte sunnare, kan det det, då?

«Både vanleg og mager cottage cheese er altså sunne alternativ innanfor sin produktkategori.»

To tvillingar

Jau, ifylgje cottage cheese-produsent Tine kan det visst det. Dei produserer nemleg to typar cottage cheese: ein variant med 4,3 prosent feitt og ein mager variant med 2 prosent feitt.

Dette synest òg å vere den einaste skilnaden mellom dei to produkta. Innhaldslista er heilt lik: skumma mjølk, fløyte, mjølkesyrekultur, salt, konserveringsmiddel og mikrobiell løype pregar begge osteboksane. På Kiwien min er til og med prisen identisk – 31,90 kroner per boks eller 79,75 kroner per kilo.

På toppen av dette er begge variantane tildelte nøkkelholmerket: Både vanleg og mager cottage cheese er altså sunne alternativ innanfor sin produktkategori. Då klarar eg ikkje late vere å spørje: Kvifor treng vi to typar cottage cheese som er så like?

Eg kunne sjølvsagt byrja i andre enden – med å spørje om det er noko i vegen med å ha to ulike cottage cheese-variantar ved sida av kvarandre i butikkhylla? Det openberre svaret vert jo at sidan dei to produkta er så like, er det ingenting i vegen med nokon av dei, og difor heller ikkje noko problem med å late dei begge to eksistere. Det skadar ingen å kjøpe verken den eine eller den andre boksen.

Men ein liten skilnad er det jo – og den skilnaden utgjer 2,3 prosent feitt, rett og slett, verken meir eller mindre. Sidan begge variantane er ysta på skummamjølk og osten sidan er vend i ein dressing av fløyte (det er dette som gjer at osten nesten ligg i ein saus), går vi ut ifrå at desse feittprosentane er å finne i mengda fløyte som er brukt i denne dressingen.

På samvitet laus

Om vi omset dei prosentane til kaloriar, ser vi at vanleg cottage cheese har 96 kaloriar per 100 gram, medan magervarianten inneheld 79. 100 gram er om lag storleiken på éin porsjon – med andre ord sparer vi 19 kaloriar. Dette svarar til 2 gram feitt, som igjen ville fått plass i om lag ei tredjedels teskei.

Skilnaden mellom dei to variantane gjev med andre ord ikkje det heilt store utslaget på kaloriinntaket vårt. Men kan det ha større utslag på andre delar av oss?

Set at du slankar deg. For å sleppe å kutte ut matvarer du er skikkeleg glad i, byter du dei ut med magrare utgåver. Set at du byrjar med cottage cheese. Truleg skal det ganske mykje til for at det bytet gjer noko utslag på badevekta. Men nett det kan fort gje utslag mellom øyra, i form av kjensla av å mislukkast.

Eller omvendt: Set at du gjerne skulle ha slanka deg, men ikkje orkar. Kvar gong du vel den originale cottage cheese-varianten, får du bitte litt dårleg samvit.

Kan problemet med å ha to variantar av cottage cheese som er temmeleg like, men der den eine heiter «Mager» og den andre ikkje, vere nettopp det – at det skapar eit bilete av ein røyndom som ikkje eksisterer?

Valfridom er ikkje alltid eit gode, ikkje eingong i cottage cheese-verda. 

Siri Helle

Digital tilgang til DAG OG TID – heilt utan binding

Prøv ein månad for kr 49.
Deretter kr 199 per månad. Stopp når du vil.

Finst det ei matvare heile verda er samd om er sunn? Det må jo vere ei grønsak, er det fyrste som slår meg, men så finst det faktisk ganske mange som meiner at ferske grønsaker inneheld for mykje av noko som heiter fytinsyre, og difor ikkje er så sunne å ete likevel.

Frukt kunne ein jo tru var allemannseige, men ein skal ikkje google lenge før ein kjem over dei som meiner det inneheld for mykje (frukt)sukker. Mange antroposofar unngår heilt tomat, potet og andre planter i søtvierfamilien – av litt uklare, men for dei viktige grunnar.

Nei, vi vert nok ikkje samde alle saman. Men om vi held oss til brorparten, til dømes dei av oss som bur i Noreg og på eitt eller anna nivå held oss til offisielle kosthaldsråd, har eg i det minste enno ikkje høyrt hevda at ferskosten cottage cheese er direkte usunn.

Snarare tvert om: Cottage cheese vert trekt fram som både slankemat og treningsmat. Eit produkt med lågt feittinnhald, høgt proteininnhald og nett høveleg karbohydratinnhald kan knappast verte sunnare, kan det det, då?

«Både vanleg og mager cottage cheese er altså sunne alternativ innanfor sin produktkategori.»

To tvillingar

Jau, ifylgje cottage cheese-produsent Tine kan det visst det. Dei produserer nemleg to typar cottage cheese: ein variant med 4,3 prosent feitt og ein mager variant med 2 prosent feitt.

Dette synest òg å vere den einaste skilnaden mellom dei to produkta. Innhaldslista er heilt lik: skumma mjølk, fløyte, mjølkesyrekultur, salt, konserveringsmiddel og mikrobiell løype pregar begge osteboksane. På Kiwien min er til og med prisen identisk – 31,90 kroner per boks eller 79,75 kroner per kilo.

På toppen av dette er begge variantane tildelte nøkkelholmerket: Både vanleg og mager cottage cheese er altså sunne alternativ innanfor sin produktkategori. Då klarar eg ikkje late vere å spørje: Kvifor treng vi to typar cottage cheese som er så like?

Eg kunne sjølvsagt byrja i andre enden – med å spørje om det er noko i vegen med å ha to ulike cottage cheese-variantar ved sida av kvarandre i butikkhylla? Det openberre svaret vert jo at sidan dei to produkta er så like, er det ingenting i vegen med nokon av dei, og difor heller ikkje noko problem med å late dei begge to eksistere. Det skadar ingen å kjøpe verken den eine eller den andre boksen.

Men ein liten skilnad er det jo – og den skilnaden utgjer 2,3 prosent feitt, rett og slett, verken meir eller mindre. Sidan begge variantane er ysta på skummamjølk og osten sidan er vend i ein dressing av fløyte (det er dette som gjer at osten nesten ligg i ein saus), går vi ut ifrå at desse feittprosentane er å finne i mengda fløyte som er brukt i denne dressingen.

På samvitet laus

Om vi omset dei prosentane til kaloriar, ser vi at vanleg cottage cheese har 96 kaloriar per 100 gram, medan magervarianten inneheld 79. 100 gram er om lag storleiken på éin porsjon – med andre ord sparer vi 19 kaloriar. Dette svarar til 2 gram feitt, som igjen ville fått plass i om lag ei tredjedels teskei.

Skilnaden mellom dei to variantane gjev med andre ord ikkje det heilt store utslaget på kaloriinntaket vårt. Men kan det ha større utslag på andre delar av oss?

Set at du slankar deg. For å sleppe å kutte ut matvarer du er skikkeleg glad i, byter du dei ut med magrare utgåver. Set at du byrjar med cottage cheese. Truleg skal det ganske mykje til for at det bytet gjer noko utslag på badevekta. Men nett det kan fort gje utslag mellom øyra, i form av kjensla av å mislukkast.

Eller omvendt: Set at du gjerne skulle ha slanka deg, men ikkje orkar. Kvar gong du vel den originale cottage cheese-varianten, får du bitte litt dårleg samvit.

Kan problemet med å ha to variantar av cottage cheese som er temmeleg like, men der den eine heiter «Mager» og den andre ikkje, vere nettopp det – at det skapar eit bilete av ein røyndom som ikkje eksisterer?

Valfridom er ikkje alltid eit gode, ikkje eingong i cottage cheese-verda. 

Siri Helle

Fleire artiklar

Forsvarsminister Bjørn Arild Gram er på turné for å fortelje om langtidsmeldinga for Forsvaret. Her besøkjer han ubåten «KMN Utvær» i Bergen 10. april.

Forsvarsminister Bjørn Arild Gram er på turné for å fortelje om langtidsmeldinga for Forsvaret. Her besøkjer han ubåten «KMN Utvær» i Bergen 10. april.

Foto: Paul S. Amundsen / NTB

ForsvarSamfunn

Vil ruste opp ei lekk skute

Regjeringa lovar eit historisk forsvarsløft. I dag slit Forsvaret med å halde på mannskapet som alt er der.

Per Anders Todal
Forsvarsminister Bjørn Arild Gram er på turné for å fortelje om langtidsmeldinga for Forsvaret. Her besøkjer han ubåten «KMN Utvær» i Bergen 10. april.

Forsvarsminister Bjørn Arild Gram er på turné for å fortelje om langtidsmeldinga for Forsvaret. Her besøkjer han ubåten «KMN Utvær» i Bergen 10. april.

Foto: Paul S. Amundsen / NTB

ForsvarSamfunn

Vil ruste opp ei lekk skute

Regjeringa lovar eit historisk forsvarsløft. I dag slit Forsvaret med å halde på mannskapet som alt er der.

Per Anders Todal
Tore Pryser har skrive boka "Samarbeid, tilpasning og motstand. Mer svik og gråsoner". Delar av innhaldet vekkjer debatt.

Tore Pryser har skrive boka "Samarbeid, tilpasning og motstand. Mer svik og gråsoner". Delar av innhaldet vekkjer debatt.

Foto via Wikimedia Commons

Ordskifte
Bjørn Skåret

Tore Pryser og Reidar Hedemann

Tore Pryser gjev nytt liv til ei «ikkje-sak» i boka Samarbeid, tilpasning og motstand.

Kjønnsfilosof Judith Butler

Kjønnsfilosof Judith Butler

Foto: Elliott Verdier / The New York Times / NTB

EssaySamfunn
Ida Lødemel Tvedt

Feltnotat frå kulturkrigane

Kjønnsdebatten har innteke hovudscena i internasjonal politikk. På veg for å intervjue verdas mest innflytelsesrike kjønnsfilosof, Judith Butler, forsøker eg å orientere meg i ein raskt ekspanderande konflikt. 

Erlend Skjetne er frå Melhus og arbeider med norskopplæring for innvandrarar, i tillegg tl å vere forfattar og fast skribent i Dag og Tid.

Erlend Skjetne er frå Melhus og arbeider med norskopplæring for innvandrarar, i tillegg tl å vere forfattar og fast skribent i Dag og Tid.

Foto: Leikny Havik Skjærseth

BokMeldingar
Kjetil Berthelsen

Med lånt lyre

Erlend Skjetne går i nærsynt dialog med Olav Nygard i Liv, eg har drukke.

Etter ein betre middag blei det jam i gardsrommet. Frå venstre Zala Zulu og Deko Ébongué.

Etter ein betre middag blei det jam i gardsrommet. Frå venstre Zala Zulu og Deko Ébongué.

ReportasjeFeature

Om å snuble inn i ein framand kultur

Vi hadde høyrt Manu Dibango spele under Mela-festivalen på Rådhusplassen i Oslo. Det var freistande å følgje sporet hans attende til Kamerun.

Øyvind Pharo
Etter ein betre middag blei det jam i gardsrommet. Frå venstre Zala Zulu og Deko Ébongué.

Etter ein betre middag blei det jam i gardsrommet. Frå venstre Zala Zulu og Deko Ébongué.

ReportasjeFeature

Om å snuble inn i ein framand kultur

Vi hadde høyrt Manu Dibango spele under Mela-festivalen på Rådhusplassen i Oslo. Det var freistande å følgje sporet hans attende til Kamerun.

Øyvind Pharo

les DAG OG TID.
Vil du òg prøve?

Her kan du prøve vekeavisa DAG OG TID gratis i tre veker.
Prøveperioden stoppar av seg sjølv.

Komplett

Papiravisa
Digital utgåve av papiravisa
Digitale artiklar
Digitalt arkiv
Lydavis

Digital

Digital utgåve av papiravisa
Digitale artiklar
Digitalt arkiv
Lydavis

Komplett

Papiravisa
Digital utgåve av papiravisa
Digitale artiklar
Digitalt arkiv
Lydavis

Digital

Digital utgåve av papiravisa
Digitale artiklar
Digitalt arkiv
Lydavis