Bok
– Umogleg å skrive sjølvbiografisk og godt
Jon Fosse nektar for at Septologien er sjølvbiografisk, sjølv om det kan sjå slik ut. Og eitt veit han sikkert: Sjølvbiografi kjem han aldri til å skriva.
Jon Fosse seier at han deler nokre av tankane til romanfiguren Asle, andre ikkje.
Foto: Tom A. Kolstad
Bak Det andre namnet, som er fyrste band i Septologien, ligg tallause natte- og morgontimar. For Jon Fosse skriv helst mellom klokka fire–fem om natta og ni om morgonen. I ei handling som strekkjer seg over eit par døger, møter vi målaren Asle, som reflekterer over livet, kunsten og kristentrua si medan han køyrer fleire turar mellom heimstaden Dylgja og Bjørgvin for å hjelpa ein namnebror og målarkollega i byen.
– Eg skreiv som alltid berre i veg, lytta meg framover. Den eine Asle dukka opp, og så den andre, vel, som ein slags dobbeltgjengar.
I dei åra eg skreiv Septologien, las eg mykje teologi, mykje kyrkjehistorie, mykje kristen mystikk, ja, eit halvt lite prestestudium, vil eg nesten tru. Og for fyrste gong bestemte eg meg også for å sleppa noko essayistisk refleksjon inn i prosaen min, men det måtte sjølvsagt vera Asles tankar, ikkje mine. Og særskilt der tankar eg sjølv tenkte, stakk seg ut, strauk eg dei. Nesten alt som er stroke, er essayistiske parti, i alt eit par hundre sider. Eg bestemte meg vidare for at eg ville skriva heile verket ferdig før noko vart utgjeve. Nettopp fordi eg visste det ville koma endringar under skrivinga, som ville påverka det eg tidlegare hadde skrive. Og ein del slike endringar vart det, sjølvsagt. Men det meste står slik det vart skrive.
– Eg meiner å sjå mange ekko frå tidlegare bøker i denne boka. Er ho også ei slags «oppsummering»?
– Ja, det er mange minningar om ting eg tidlegare har skrive, så det vert ikkje heilt feil å kalla det ei oppsummering, sjølv om det ikkje kjennest slik for meg, men meir som om eg har skrive noko heilt nytt, rett nok ut frå det eg kjenner til, og slik eg no eingong får til å skriva.
– I stemning minner denne boka om Morgon og kveld. Det er noko uverkeleg, draumeaktig over det du skriv?
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
