Intervju
Americanadraumen
Songaren, låtskrivaren, jodlaren og strupesongaren Bjørn Tomren slo seg saman med den bergenske produsentlegenda HP Gundersen og reiste til Los Angeles for å spela inn eit nytt album.
Bjørn Tomren og HP Gundersen lanserer nytt album i dag.
Foto: Stein Inge Brækhus
Mange kjenner Bjørn Tomren frå seriane Våre beste år og Stjernekamp på NRK. Han er òg kjend frå duoen Polkabjørn og Kleine Heine, eller frå prosjekt der han går eller ror Noreg på langs, gjerne jodlande. Han kan oppfattast som ein vandrande musikalsk utopi der han tilsynelatande saumlaust hoppar frå éin sjanger til ein annan: frå Tomrefjord-punk til Hank Williams-låtar, frå folketonar ifrå Setesdal til mongolsk strupesong, frå alpejodling til hiphopbeats, alt etter kva samanheng og lune han er i.
Midt i ei Jimmie Rogers-influert bluegrassvise kan det til dømes ut av det blå dukka opp hint av europeisk samtidsmusikk, og så gjerne ein tur innom eit Snipp & Snapp-aktig Disney-kor, for så å gli rett inn raporienterte rytmar som kunne vore henta frå New York-undergrunnen. Litt som om ein skiftar mellom ulike kanalar på ein radio, utan at det læt særskilt unaturleg.
Sentral i bergensmiljøet
HP Gundersen har vore sentral i det bergenske musikkmiljøet sidan 1970-talet gjennom grupper som Nøkken, Hole in the Wall, Tweeterfriendly Music med fleire, og han vart på 1990- og tidleg på 2000-talet produsent for mykje av den såkalla «Bergensbølgen». Han produserte plater for mellom andre Sondre Lerche og Real Ones og prega i stor grad både deira og mange andre sin musikk med tenkinga si kring komposisjon og bruk av klangar. I tillegg har han seinare vore produsent for så ulike artistar som Ole Paus, deLillos og TNT. Han er òg kjend som ein begeistra musikkentusiast som evnar å få med seg folk, og som lyftar fram talent.
Eg har tidlegare vore musikar på ulike plateprosjekt saman med Bjørn Tomren og HP Gundersen, og spelte i korte periodar på 2000-talet i banda til HP, The American Dream og ei tidleg utgåve av The Last Hurrah (!!). Ein av fellesnemnarane for dei to musikarane er den store sjangerbreidda, og eg vart nyfiken på korleis dei har arbeidd denne gongen, i det fyrste samarbeidet dei har gjort på plate.
Hawaii
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
