Barnevernet
Vald i førstelinja til velferdsstaten
Det tragiske drapet på ein barneversntilsett i Oslo minner oss på at arbeidskvardagen i barnevernstenesta er prega av vald og trugsmål.
Blomar og lys utanfor barnevernsinstitusjonen der Tamima Nibras Juhar blei drepen natt til søndag, 34 år gammal.
Foto: Javad Parsa / NTB
Natt til søndag blei 34 år gamle Tamima Nibras
Juhar drepen av ein 18-åring ved eit privat barnevernstiltak i Oslo. Tenåringen
hadde høgreekstremistiske haldningar, melder politiet. Ifølgje vener av den
drepne skal ho sjølv ha varsla om den no terrorsikta tenåringen. Også
arbeidsgivaren, Gemt AS, hadde sendt bekymringsmeldingar til PST tidlegare i
sommar. Likevel var Juhar åleine på jobb den natta ho blei drepen.
Tysdag melde Oslo politidistrikt at
arbeidsgjevaren er mistenkt for brot på arbeidsmiljølova.
Det er ikkje det første drapet som har råka
norsk barnevernsteneste. I 2014 blei Anna Kristin Gillebo Backlund drepen av
ein 15-åring. Også ho var åleine på nattevakt. Ho blei 30 år gamal.
I førstelina
– Dei som arbeider i det kommunale
barnevernet, er utsette for trugslar og vald i særleg høg grad, fortel Morten
Birkeland Nielsen ved Statens arbeidsmiljøinstitutt.
Mellom 2019 og 2024 leidde han eit
forskingsprosjekt som kartla vald og trugsmål mot barnevernstilsette. I 2020
spurde forskarane tilsette i Oslo kommune om korleis dette prega arbeidskvardagen
deira.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
