Sjølvstyrte ferjer og auge under vatnet
Ved havet har vi alltid vore litt i forkant. Sjølvsagt gjeld det forskarane òg.
Lita ferje, stor forsking: «milliAmpère» som snart er verdas fyrste førarlause passasjerferje, tøffar på kanalen i Trondheim.
Alle foto: Siri Helle
Eg er nøydd til å vere ærleg: Ved fyrste augnekast ser ikkje den nye teknologien så veldig imponerande ut.
Framfor meg, fortøydd i kanalen ved jernbanebrua i Trondheim, ligg ei fem meter lang segldukskledd aluminiumsplattform. Midt på har ho eit særs lite maritimt telt. På toppen av teltet er det mange dippeduttar.
– Vi kallar ho Dart Vader, seier ferjeskaparen Egil Eide.
Eg seier at eg synest ho minner meir om R2D2. Det vekker latter.
Er dette framtida for norsk ferjefart? Det endelege punktumet for alle brukranglar, bokstavleg tala eit vendepunkt i kystnær byutvikling? For ja, plattforma er ei ferje, ho heiter «milliAmpère» og tek mål av seg til å vere ikkje mindre enn verdas fyrste førarlause passasjerferje.
Eg skal straks gå om bord og finne ut om innsida er meir verd å slå seg på brystet for. Fyrst må eg berre fortelje litt om kor «milliAmpère» kjem frå.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
