Sjefane er løns-
vinnarar i staten
Leiarane som er omfatta av leiarlønssystemet i staten, fekk ein lønsvekst på 4,8 prosent i fjor. Det er meir enn dobbelt så mykje som vanlege tilsette får både i privat og offentleg sektor.
Nav-direktør Sigrun Elisabeth Vågeng har høgast løn av leiarane i staten.
Foto: Terje Pedersen / NTB scanpix
Statsløner
vidar@dagogtid.no
Personaldirektøren i staten, Gisle Norheim, karakteriserer leiarlønsveksten i staten som «uheldig» og har mana departementa til å vise måtehald i 2017. Han strekar under kor viktig det er at statlege toppleiarar ikkje vedvarande får høgare lønsvekst enn arbeidstakargrupper elles.
Ein del av forklaringa på lønsveksten til leiarane i staten er effekten av politireforma, som gav færre og større politidistrikt og vesentleg høgare løn til dei politimeistrane som vart sitjande att. Fleire av politimeistrane har fått ein lønsauke på 200.000–300.000 kroner.
Store skilnadar
Dag og Tid har gått gjennom lønsutviklinga frå 2015 til 2016 i dei einskilde departementa og etatane som sorterer under dei. Det viser store skilnadar. To departement leia av Frp-statsrådar skil seg ut med særleg sterk lønsauke til leiarane. Det gjeld Olje- og energidepartementet med ein gjennomsnittleg leiarlønsauke på 87.572 kroner – eller 6,8 prosent – i fjor. Her er forklaringa i hovudsak at Elisabeth Berge kom tilbake som departementsråd frå permisjon med ei løn 226.000 meir enn vikaren. Dernest kjem Samferdsledepartementet der leiarane fekk ein lønsauke på 84.059 kroner – 6,4 prosent – i snitt. Hovudforklaringa her er at direktøren for styringsstaben i Vegdirektoratet og regionvegsjefane fekk ein lønsauke på 150.000–200.000 kroner. Det svarar til inntil 16 prosent.
Kulturdepartementet har ein auke på 66.941 kroner, eller 5,5 prosent, Kommunal- og moderniseringsdepartementet ein lønsvekst på 54.346 kroner, som utgjer 4,5 prosent, og Forsvarsdepartementet ein lønsvekst på 52.677 kroner, eller 4,2 prosent. Statsministerens kontor ligg klart over norma med ein gjennomsnittleg lønsauke på 48.157 kroner, som svarar til 3,4 prosent. Norma var 2,4 prosent.
Gullkanta
Særleg gullkanta var fjoråret for direktøren i Garantiinstituttet for eksportkreditt (GIEK), Wenche Nistad. Ho fekk ein lønsauke på 205.000 kroner, som tilsvarar 14,7 prosent. Luftfartsdirektør Stein Erik Nodeland fekk også ein solid lønsauke: 160.000 kroner. Det utgjer ein auke på 12,1 prosent, og løna kom opp i 1.482.000 kroner.
Best betalt var i fjor, som året før, Nav-direktøren, Sigrun Elisabeth Vågeng, med ei årsløn på 1.850.000 kroner. Ho fekk ingen lønsauke i fjor.
Enkelte nytilsette får klart meir i løn enn den dei erstatta. Hanne Bjurstrøm som overtok som likestillings- og diskrimineringsombod etter Sunniva Ørstavik, hadde ved årsskiftet 1,2 millionar i løn, 101.000 kroner meir enn forgjengaren. Det er også døme på at nytilsette leiarar får betydeleg mindre i løn enn den som forlèt stillinga.
Uroa
– At leiarane i staten får slike lønstillegg som vi no høyrer om, gjer ikkje situasjonen enklare inn i tariffoppgjeret i staten til våren, seier leiaren i LO Stat, Egil André Aas.
– Eg er uroa over at staten ikkje får kontroll over utviklinga. Medlemene våre og andre merkar seg sjølvsagt at kravet om moderasjon openbert ikkje gjeld alle. I yttarste konsekvens kan det truge frontfagsmodellen i lønnsoppgjera, seier Aas.
Dei best betalte i leiarlønssystemet var ved årsskiftet:
Nav-direktør
Sigrun Elisabeth Vågeng 1.850.000
Regjeringsråd
Anne Nafstad Lyftingsmo 1.758.192
Vegdirektør
Terje Moe Gustavsen 1.739.000
Finansråd
Hans Henrik Scheel 1.730.000
NTNU-rektor
Gunnar Bovim
1.698.000
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Statsløner
vidar@dagogtid.no
Personaldirektøren i staten, Gisle Norheim, karakteriserer leiarlønsveksten i staten som «uheldig» og har mana departementa til å vise måtehald i 2017. Han strekar under kor viktig det er at statlege toppleiarar ikkje vedvarande får høgare lønsvekst enn arbeidstakargrupper elles.
Ein del av forklaringa på lønsveksten til leiarane i staten er effekten av politireforma, som gav færre og større politidistrikt og vesentleg høgare løn til dei politimeistrane som vart sitjande att. Fleire av politimeistrane har fått ein lønsauke på 200.000–300.000 kroner.
Store skilnadar
Dag og Tid har gått gjennom lønsutviklinga frå 2015 til 2016 i dei einskilde departementa og etatane som sorterer under dei. Det viser store skilnadar. To departement leia av Frp-statsrådar skil seg ut med særleg sterk lønsauke til leiarane. Det gjeld Olje- og energidepartementet med ein gjennomsnittleg leiarlønsauke på 87.572 kroner – eller 6,8 prosent – i fjor. Her er forklaringa i hovudsak at Elisabeth Berge kom tilbake som departementsråd frå permisjon med ei løn 226.000 meir enn vikaren. Dernest kjem Samferdsledepartementet der leiarane fekk ein lønsauke på 84.059 kroner – 6,4 prosent – i snitt. Hovudforklaringa her er at direktøren for styringsstaben i Vegdirektoratet og regionvegsjefane fekk ein lønsauke på 150.000–200.000 kroner. Det svarar til inntil 16 prosent.
Kulturdepartementet har ein auke på 66.941 kroner, eller 5,5 prosent, Kommunal- og moderniseringsdepartementet ein lønsvekst på 54.346 kroner, som utgjer 4,5 prosent, og Forsvarsdepartementet ein lønsvekst på 52.677 kroner, eller 4,2 prosent. Statsministerens kontor ligg klart over norma med ein gjennomsnittleg lønsauke på 48.157 kroner, som svarar til 3,4 prosent. Norma var 2,4 prosent.
Gullkanta
Særleg gullkanta var fjoråret for direktøren i Garantiinstituttet for eksportkreditt (GIEK), Wenche Nistad. Ho fekk ein lønsauke på 205.000 kroner, som tilsvarar 14,7 prosent. Luftfartsdirektør Stein Erik Nodeland fekk også ein solid lønsauke: 160.000 kroner. Det utgjer ein auke på 12,1 prosent, og løna kom opp i 1.482.000 kroner.
Best betalt var i fjor, som året før, Nav-direktøren, Sigrun Elisabeth Vågeng, med ei årsløn på 1.850.000 kroner. Ho fekk ingen lønsauke i fjor.
Enkelte nytilsette får klart meir i løn enn den dei erstatta. Hanne Bjurstrøm som overtok som likestillings- og diskrimineringsombod etter Sunniva Ørstavik, hadde ved årsskiftet 1,2 millionar i løn, 101.000 kroner meir enn forgjengaren. Det er også døme på at nytilsette leiarar får betydeleg mindre i løn enn den som forlèt stillinga.
Uroa
– At leiarane i staten får slike lønstillegg som vi no høyrer om, gjer ikkje situasjonen enklare inn i tariffoppgjeret i staten til våren, seier leiaren i LO Stat, Egil André Aas.
– Eg er uroa over at staten ikkje får kontroll over utviklinga. Medlemene våre og andre merkar seg sjølvsagt at kravet om moderasjon openbert ikkje gjeld alle. I yttarste konsekvens kan det truge frontfagsmodellen i lønnsoppgjera, seier Aas.
Dei best betalte i leiarlønssystemet var ved årsskiftet:
Nav-direktør
Sigrun Elisabeth Vågeng 1.850.000
Regjeringsråd
Anne Nafstad Lyftingsmo 1.758.192
Vegdirektør
Terje Moe Gustavsen 1.739.000
Finansråd
Hans Henrik Scheel 1.730.000
NTNU-rektor
Gunnar Bovim
1.698.000
– Eg er uroa over at staten ikkje får kontroll over
utviklinga.
Egil André Aas, leiar i LO Stat
Fleire artiklar
Nicolas Leirtrø, Øyvind Leite og Amund Storløkken Åse utgjer trioen med namnet I Like to Sleep.
Foto: Sigrid Erdal
Spanande klangunivers
Trondheimstrioen har laga ei mangfaldig plate.
Isbilar er ikkje noko nytt, men heller ikkje nokon garanti for kvalitet.
Foto via Wikimedia Commons
Isbilen spelar høgt, men taper på kvalitet.
Kor mykje vatn er det eigentleg mogleg å ha i ein iskrem og framleis få han til å likne ein fløyteis?
Foto: Seth Wenig / AP / NTB
Eit teikn på frustrasjon
Korkje Trump eller Biden har i røynda full kontroll på auke og fall i inflasjon eller kriminalitet.
Else Hagen: «Familie» (1950), olje på lerret. Rolf E. Stenersens samling / Munchmuseet.
Etterlysing og turné
Else Hagen er i dag eit ukjent namn for mange, men det er i endring.
Anders Folkestad og Torbjørn Ryssevik meiner det er nødvendig å styrke den vidaregåande skulen si studieførebuande rolle.
Gorm Kallestad / NTB
Studieopptak og skulifisering
Statsråden gjer rett i å avvise opptaksprøver som hovudveg til høgare utdanning.