Krigen i Ukraina
Putins telefon ringjer allereie
Ikkje før hadde Russlands president erklært ei global energikrise, så ville Donald Trump snakke med han om Ukraina. Og om sanksjonar. Kva vil krigen i Midtausten og den stigande oljeprisen innebere for Kyiv?
Russlands president Vladimir Putin.
Foto: Gavriil Grigorov / Sputnik / Reuters / NTB
Får du ikkje lese heile artikkelen? Du må ha komplett eller digitalt abonnement for å lese nettartiklane vi omset frå Süddeutsche Zeitung. Gå til dagogtid.no/EndreTinging.
Han las
frå eit ark i ein tone som var forklarande og ikkje triumferande. Som så ofte
før minte Vladimir Putin om ein lærar som prøver å lære elevane dei fire
grunnleggjande reknemåtane. Leksjonen hans var ikkje først og fremst mynta på
rådgjevarane og regjeringsmedlemmene, som var innkalla til Kreml for å
diskutere korleis krigen i Midtausten påverka oljeprisen. Denne måndagen hadde
Putin ein bodskap til verda, særleg til europearane. Og sjølvsagt til Donald
Trump.
Leiaren i
Kreml forkynte at den globale energikrisa var ein realitet. Tilhøyrarane kunne
sjølve leggje til eit «omsider».
Han
oppmoda industrien i heimlandet om å utnytte den høge oljeprisen til eigen
fordel, sjølv om auken kanskje berre blei kortvarig. Russland kunne vere villig
til å bidra under krisa, la han til. Kanskje kunne ein òg under visse
omstende samarbeide med europeiske kjøparar att. Føresetnaden ville vere at ein
gjekk tilbake til «eit langsiktig og avpolitisert samarbeid».
Ikkje
overraskande kom det ingen reaksjon frå Europa på dette. Men den amerikanske
presidenten hadde høyrt kva Putin, støttespelaren til det iranske regimet, sa. Berre
nokre få timar etter at Putin kom med denne fråsegna, ringde Donald Trump til
leiaren i Kreml, ifølgje Jurij Usjakov, som er Putins utanrikspolitiske
rådgjevar. Samtalen varte i rundt ein time, og temaet skal ha vore krigen i
Ukraina. Tonen skal ha vore «sakleg og konstruktiv». Kort tid seinare kunngjorde
Trump at dei hadde hatt ein «svært god samtale». Ifølgje Trump skal Putin ha
sagt at han ønskte å vere til hjelp i krigen mot Iran. «Eg sa til han: Du hadde
vore endå meir til hjelp dersom du fekk orden på Ukraina.»
Nøyaktig kva Trump meiner med «å få orden på Ukraina», er eit ope
spørsmål. Å avslutte krigen? Det er i alle fall ikkje noko Putin tenkjer på no.
Volodymyr Zelenskyj, den ukrainske presidenten, åtvara nyleg om at Russland kan
bu seg på ein ny våroffensiv.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
