Klima
Presset på Amazonas aukar
Årets klimatoppmøte i Brasil skulle bli det viktigaste i historia. No vil den brasilianske kongressen opne for å hogge ned meir av regnskogen.
Globalt var tapet av regnskog større enn nokon gong tidlegare i fjor. No kan avskoginga auke, også i Brasil - der den norske staten har bidratt med store summar til skogvern.
Foto: Andre Penner / AP/ NTB
Ytst aust i Amazonas, der den uendelege
regnskogen møter Atlanterhavet, ligg Belém, den tolvte største byen i Brasil.
Stort meir hadde det ikkje vore å seie om denne staden, hadde det ikkje vore
for at han er omgjeven av kritisk truga atlanterhavsskog, og at han no i haust
blir åstad for ei av årets viktigaste politiske hendingar: FNs klimatoppmøte.
Klimakonferansen blir ein prøvestein for
president Lula da Silva og den brasilianske regjeringa. Då sosialisten Lula
vann presidentvalet mot den dåverande presidenten Jair Bolsonaro frå ytre høgre
i 2022, drog den nyvalde presidenten rett til klimatoppmøtet i Egypt og
erklærte at Brasil var tilbake i det internasjonale klimaarbeidet.
– Vi må avslutte kappløpet mot botnen. Verda
kan ikkje bergast mot klimaendringar utan at vi vernar Amazonas, sa Lula, og
lova samstundes at miljøpolitikk ville få høgste prioritet.
Krona på verket skulle vere årets
klimatoppmøte – og frå Belém, ved inngangen til Amazonas, skulle dei
internasjonale delegatane sjå med eigne auge kor viktig regnskogen er for
klimaet.
– Vi skal ha det beste klimatoppmøtet i
historia, lova presidenten.
Låg internasjonal prioritet
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
