Frå matfatet
Julekalender
Ein liten advent kan forte verte ein vane.
Her manglar det noko: Same kalender som i fjor? Og berre til barnet? Litt gamaldags, eller?
Foto: Gorm Kallestad / NTB
Skal vi snakke om jul alt no? Ja, mykje kan tyde på at vi er seint ute. Ifylgje ein artikkel frå den kommersielle avdelinga til VG – med andre ord ein annonse der VG får prosentar frå sal generert av teksten – vert det hevda at dei mest populære julekalendrane kan verte utselde lenge før desember. Med andre ord: Her gjeld det å hive seg rundt, ikkje minst fordi utvalet er monaleg mykje større enn eg kunne sett føre meg i mine villaste fantasiar.
Konseptet sjokoladekalender fyller faktisk nittini år i år, den fyrste var tysk og var altså i sal i 1926. Sjokolade står framleis sterkt i utvalet hjå det som må vere ein av dei største kalenderbutikkane her til lands – gåvenettstaden Coolstuff.no. Her finst andre ting òg – tru du meg – men sidan dette no er ei matspalte, held vi oss til kalendrar med innhald som kan enten etast eller drikkast.
Seks x Kong Haakon
I sjokoladeland er her alt frå 24 bitte små kindersjokoladar for 199 kroner til eksklusive sjokoladekalendrar i tre du må ut med 1749 kroner for å sikre deg. Då får du rett nok, i tillegg til seks ulike variantar av sjokoladetrøflar (med andre ord færre variantar enn det finst i ei standard konfekteske), eit trefinerhus med lys i.
Det er likevel verdt bryet, tenkjer eg, å rekne ut kiloprisen på sjokoladen: Å betale 1749 kroner for 288 gram sjokolade gjev ein kilopris på kring 6000 kroner. Det er seks til tolv gonger prisen eg finn på eit kilo Freia Kong Haakon-konfekt.
Verken kreativiteten eller salsviljen stoppar likevel ved sjokolade. Coolstuff sel nutellakalender, marmeladekalender, baconsvorkalender, dubaisjokoladekalender, nudelkalender med «trendy TikTok-smaker du ikke engang visste fantes», og lag din eigen drikke-, energidrikk- og snus-kalender. Dumme meg trudde ein augneblink at ein i desse kalendrane faktisk fekk blande sine eigne energidrikkar, men det dreier seg om spesiallaga papphylster som ein kjøper energidrikkar, andre drikkar eller snusboksar og puttar inn i.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
