¿ Det kompliserte koronalandskapet

Lytt til artikkelen:

Mange som les dette, fekk sin inngang til svart og tragisk humor gjennom romanen Catch 22 av Joseph Heller. Hovudpersonen er Yossarian, som er ein del av ein amerikansk bombeskvadron under andre verdskrigen i Europa. Yossarian er forståeleg nok heilt knekt over dei stadige bombeåtaka mot Tyskland han er ein del av. Dødsrisikoen er nemleg ekstrem, til dømes døydde 45 prosent av dei som var med i den britiske Bomber Command. Yossarian meiner at han vert galen av risikoen, og er du galen, skal du verta dimittert og sleppa å flyga meir.

Men, seier paragraf 22, som i boka var ein del av regelverket til det amerikanske flyvåpenet, om du hevdar du vert galen av å flyga, er det eit prov på at du veit at det er høg risiko, det er normalt å vera redd for å flyga bombefly. Då er du ikkje galen. Dessutan må du be om å verta dimittert om du meiner du er galen. Men seier du at du er galen, er det eit prov på at du tenkjer rasjonelt, og då er du ikkje galen. Kort sagt: Paragraf 22 enda i den paradoksale effekten at anten du var galen eller ikkje, måtte du halda fram med å flyga sjølv om regelverket sa at galne ikkje skulle flyga.

Paradoksalt smittevern

Ein skal ikkje strekkja analogiar for langt, men måten smittevernet rundt covid-19 vert praktisert i Noreg og mange andre land, kan minna litt om catch 22: Smittevernreglane skal vera der anten det er få eller mange smitta. Er det få som er smitta, er det eit prov på at regelverket fungerer, er det mange som vert smitta, er det eit prov på at regelverket må vera på plass for at endå fleire ikkje skal verta smitta.

Til å byrja med i pandemien skreiv norske og internasjonale aviser om kor mange som vart innlagde og døydde på sjukehus. Avisene var fulle av reportasjar og artiklar frå Wuhan, Nord-Italia, London, Stockholm og New York. Den vanlege illustrasjonen var kister med døde. Vi forstod at no måtte samfunna stengjast ned slik at færre skulle døy. No er vinklinga ei anna, no er det talet på nye smitta alt vert konsentrert om: «Norge har nå flere smittede enn Sverige.» «Snart kan Norge bli rødt». Norsk media er på ingen måte åleine om dette. Som britiske Daily Mail skreiv her om dagen: «Frankrike set med 8975 nye smitta på éin dag ny rekord». Men kva var talet på nye sjukehusinnleggingar? 28.

Er du abonnent? Logg på for å lese vidare

Digital tilgang – heilt utan binding

Prøv ein månad for kr 49.
Deretter kr 199 per månad. Stopp når du vil.

E-postadressa di

Eg godtek vilkåra

Eller kjøp eit anna abonnement

Er du abonnent? Logg på for å lese vidare