Nye Epstein-dokument
Frå ståstaden til gjerningspersonane
Fleire millionar nye Epstein-dokument er offentleggjorde. Har vi fått vite noko nytt? Den vonde gjennomgangen viser at gjerningspersonane alltid var ute etter å vise fram makta si. Kjendisar og offer er berre rekvisittar.
Jeffrey Epstein saman med Ghislaine Maxwell. Biletet er teke under ein pressekonferanse i New York i 2020 då tiltalen mot Maxwell vart kunngjord. Ho var tiltalt for å ha medverka til seksuell utnytting av mindreårige jenter i Epstein-saka.
Foto: John Minchillo / AP / File / NTB
«No er alt offentleggjort, det vil ikkje kome meir», sa den amerikanske
visejustisministeren Todd Blanche på fredag.
Då hadde
justisdepartementet nett publisert 3,5 millionar sider med dokument, 2000 videoar
og 180.000 bilete på heimesida
si.
Dette var
resten av det materialet som styresmaktene samla inn under etterforskinga av
Jeffrey Epstein og den tidlegare kjærasten hans Ghislaine Maxwell, som var
medskuldig i saka.
Sidan er
det nok mange som har dykka ned i det enorme materialet på leit etter «Donald Trump» eller
andre kjende namn. Det kan òg handle om ein kikarmentalitet eller eit ønske om
å leike detektiv.
Kanskje
vil ein løyse mysteriet rundt Jeffrey Epstein, som hengde seg på cella si i New
York i 2019: Ein tidlegare
mattelærar svingar seg opp til å bli finansrådgjevaren til nokre av dei mest
vellukka mennene på Wall Street, og tener fleire hundre millionar dollar. Han
byggjer nettverk og omgjev seg med verdsberømte kunstnarar, forskarar og
forretningsmenn. Og i fleire tiår misbruker han tallause mindreårige jenter og
svært unge kvinner, snakkar ope om dette med nære vener og tilbyr jentene til
venene sine.
Korleis
var dette mogleg?
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
