Natur
Fire hardingar om villrein
Del 1. Om villreinen på Hardangervidda er truga, kvifor ikkje slutte å jakte på dei? Her er fire jegerar med sterke meiningar om regjeringa si «Forslag til tiltaksplan for Hardangervidda villreinområde» . I del 2 kjem svar på påstandane.
Birgitte er ein nybyrjar når det gjeld jakt, og har så langt skote to reinsdyr. Bror min har skote eit sekstitals og Torgils ((i midten) nokre titals. Jarle V (til venstre) er i særklasse. Han har drive Litlos sidan 1999 og har skote 310 dyr. Her er mykje villreinkompetanse.
– Tiltaksplanen er eit makkverk, sa bror min.
– Kvalitetssikringa er ikkje god, sa Birgitte.
– Forskingsgrunnlaget er heilt elendig, sa Torgils.
– Vi diskuterer eigentleg noko som er tullete å diskutere, sa Jarle.
I nær to timar har dei sete på kjøkenet i Odda og diskutert villrein. Kvifor dei? Jo, fordi dei har sterke meiningar og ei overtyding om at dei sit på løysingar. Dei er sta, insisterande og høglydte, og dei veit best. Så kven er dei?
Øvst ved bordet sit Torgils Eide (60), søskenbarnet mitt. Han er gift med syster til Jarle Viskjer (56), han er styraren på DNT-hytta Litlos. I benken sit bror min Jarle Opedal (62), og ved sida av han Birgitte Skare Opedal (32), dotter hans, mi niese.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
