Politikk
Blokkpolitikk i vår tid
Sverigedemokraterna blir lova plass i ei komande regjering, og etter ein historisk klem er den borgarlege blokka endå meir samansveisa.
Statsminister Ulf Kristersson og Sverigedemokraternas partileiar Jimmie Åkesson under pressekonferansen 1. april, der dei kunngjorde at dersom riksdagsvalet i september går vegen for dei, skal SD gå inn i den borgarlege regjeringa med Kristersson som statsminister.
Foto: Anders Wiklund / TT / NTB
To blokker, to statsministerkandidatar, eit tydeleg
val. Samtidig som danske politikarar må forhandle om fantasifulle regjeringskoalisjonar
etter det uklare valresultatet den 24. mars, har blokkpolitikken styrkt seg i
Sverige.
Den 1. april blei nemleg dei borgarlege partia endå meir samansveisa. Då
heldt statsminister Ulf Kristersson pressekonferanse saman med Jimmie Åkesson,
leiaren for Sverigedemokraterna. Dei to partileiarane kom med ei kunngjering:
Dersom riksdagsvalet i september går vegen for dei, skal ikkje
Sverigedemokraterna (SD) lenger vere støtteparti, men gå inn i den borgarlege
regjeringa med Kristersson som statsminister.
«SD vil få stor innverknad på politikken som blir ført, og dei vil få
viktige ministerpostar. Det vil vere naturleg at det då er snakk om integrasjon
og innvandring», uttalte Ulf Kristersson, ifølgje Sveriges Television.
Ved valet i 2022 fekk dei tre borgarlege regjeringspartia –
Moderaterna, Kristdemokraterna og Liberalerna – røystene til nøyaktig 30 prosent
av veljarane. Sverigedemokraterna fekk ein oppslutnad på 20,5 prosent, og støtta
frå det høgreradikale partiet har vore ein føresetnad for den borgarlege
regjeringa i tre og eit halvt år.
No opna Ulf Kristersson døra til ministerkontora, og Jimmie Åkesson
kvitterte med ei fråsegn som la eit visst press på Kristersson: «Dette vil nok veljarane bli glade for å høyre. Vi har vore tydelege på
at vi etter det neste valet anten kjem i regjering eller går i
opposisjon.»
Den oppsiktsvekkjande framgangen som Sverigedemokraterna har hatt sidan
Jimmie Åkesson tok over som partileiar i 2005, er dermed snart fullkomen. Dei
har stadig erobra veljargrupper og har blitt respektable: Frå å vere ei høgreekstrem
sekt rykte dei inn i riksdagen i 2010. Og no er dei det nest største partiet og
ein sannsynleg regjeringspartnar.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
