¡Adios!
«Du køyrer godt nok. Bestått», konkluderte den bilsakkyndige etter praktisk prøve. 40 år etter den førre førarprøven og etter eit drygt år utan førarkort.
Bilen hans hadde stått i ro sidan i fjor, framleis på sommardekk, no under ei snøfonn og med flatt batteri. Berre i seta var det liv, for der hadde svartsoppen slege seg ned og opp og fram som i ei scene frå den nye serien The Last of Us.
Saknet av den materielle bilen, den som kan køyra vatn, ved og kjerringa på WC, hadde vore lett å bera her i byen. Verre var det med ideen, draumen, om bilen: Mange (med førarkort) av hans generasjon finn trøyst i å vita, i svevnlause netter, etter dagar og år med trøysteslaus jobb, nebbete sjefar, kjærleikslause ekteskap og bortskjemde born at det trass i alt står ein fluktbil med full tank og ventar utanfor. Om han ein dag skulle få nok, og haugen på nok, av å bli trakka i hel av gjæser, som Ibsen sa før han fór.
Det var nett han og ikkje Ibsen som sat på andre sida bordet den tida då ein viss kollega på jobben dreiv og pønska ut karakterane og plottet i romanen som skulle gjera henne til bestseljar og kioskveltar på heiltid. Romanheltinna Ingrid reiste som kjent i bubilen sin frå familien og heile småborgarlivet til ein fridom utan ansvar på iberiske parkeringsplassar. Forfattaren kan ha vore tankelesar.
Utan lappen hadde han i mellomtida leikt med tanken om å røma til havs med seglbåten. Men havet er stort, vilt og vått, og ein båt er ein bil utan bremser, i kupert landskap. Å rømma slik er eit mareritt og ingen dagdraum, kom han til.
Med nytt førarkort i hand kom fluktbilfantasien attende, men vraket på parkeringsplassen vil ikkje lenger vera med på leiken. Batteriet står til lading, dekket som lek, kan pumpast, og tekstilvaskemaskin kan setjast inn mot soppen i seta. Men på måndag er det EU-kontroll i den røynlege verda, der gjæsene rår.
Jox
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
«Du køyrer godt nok. Bestått», konkluderte den bilsakkyndige etter praktisk prøve. 40 år etter den førre førarprøven og etter eit drygt år utan førarkort.
Bilen hans hadde stått i ro sidan i fjor, framleis på sommardekk, no under ei snøfonn og med flatt batteri. Berre i seta var det liv, for der hadde svartsoppen slege seg ned og opp og fram som i ei scene frå den nye serien The Last of Us.
Saknet av den materielle bilen, den som kan køyra vatn, ved og kjerringa på WC, hadde vore lett å bera her i byen. Verre var det med ideen, draumen, om bilen: Mange (med førarkort) av hans generasjon finn trøyst i å vita, i svevnlause netter, etter dagar og år med trøysteslaus jobb, nebbete sjefar, kjærleikslause ekteskap og bortskjemde born at det trass i alt står ein fluktbil med full tank og ventar utanfor. Om han ein dag skulle få nok, og haugen på nok, av å bli trakka i hel av gjæser, som Ibsen sa før han fór.
Det var nett han og ikkje Ibsen som sat på andre sida bordet den tida då ein viss kollega på jobben dreiv og pønska ut karakterane og plottet i romanen som skulle gjera henne til bestseljar og kioskveltar på heiltid. Romanheltinna Ingrid reiste som kjent i bubilen sin frå familien og heile småborgarlivet til ein fridom utan ansvar på iberiske parkeringsplassar. Forfattaren kan ha vore tankelesar.
Utan lappen hadde han i mellomtida leikt med tanken om å røma til havs med seglbåten. Men havet er stort, vilt og vått, og ein båt er ein bil utan bremser, i kupert landskap. Å rømma slik er eit mareritt og ingen dagdraum, kom han til.
Med nytt førarkort i hand kom fluktbilfantasien attende, men vraket på parkeringsplassen vil ikkje lenger vera med på leiken. Batteriet står til lading, dekket som lek, kan pumpast, og tekstilvaskemaskin kan setjast inn mot soppen i seta. Men på måndag er det EU-kontroll i den røynlege verda, der gjæsene rår.
Jox
Fleire artiklar
Judith Butler er filosof og ein frontfigur innanfor kjønnsteori.
Foto: Thomas Lohnes / NTB
Paven midt imot
Alle lèt til å misforstå kvarandre i kjønnsdebatten. Judith Butler blir både dyrka og demonisert av folk som ikkje har lese eit ord av bøkene hen skriv.
Bondelagsleiar Bjørn Gimming talar til demonstrantane utanfor Stortinget torsdag morgon. Bønder frå heile landet protesterer mot måten bondeinntekta blir rekna ut på.
Foto: Heiko Junge / NTB
Jordskjelvet
Senterpartiet ville løfte bøndene, men har skaka sitt eige grunnfjell.
Abortutvalet saman med helseminister Ingvild Kjerkol under overrekkinga av rapporten. Utvalet føreslår å flytte grensa for sjølvbestemt abort til veke 18.
Foto: Heiko Junge / NTB
Moralske kvalar
Å leggje restriksjonar på abort, er ein måte å anerkjenne menneskeverdet på, seier Morten Magelssen i abortutvalet. Han tok dissens.
Villreinbestanden i Noreg i dag er på rundt 25.000 dyr vinterstid. Sidan 2021 har villreinen vore klassifisert som nær truga på den norske raudlista.
Foto: Paul Kleiven / NTB
Villrein i eit villnis
Stortingsmeldinga om villrein er ikkje til å verte særleg klok av.
Edvard Munch: «Dagen derpå» (1894).
Nasjonalmuseet
Bakrus
Verst er plagene utpå morgonkvisten når promillen ligg kring null.