– Alt vi har sagt, har blitt realitet
Om vi ikkje hadde følgt kriteria for statsstøtta, ville vi vore fjerna frå budsjettet for lenge sidan, seier Rita Karlsen i HRS.
Rita Karlsen, dagleg leiar i HRS, var ikkje kjend med rapporten frå IMDi før Dag og Tid senda han til henne.
– Dette var interessant lesnad. Dette fortel at dei ikkje likar HRS, og difor vil ha oss ut av ordninga, seier Karlsen.
– I rapporten heiter det at virket til HRS kan bidra til å skape mindre tillit og mindre samfunnsdeltaking i innvandrarbefolkninga – altså det motsette av intensjon med tilskotet?
– Å vere kritisk til dagens innvandringspolitikk er ikkje innanfor. Og kritisk til islam skal ein ikkje vere. Dei som har skrive rapporten, veit openbert ingenting om arbeidet vårt.
– I rapporten står det: «HRS har de senere årene hatt en retorikk som av flere blir ansett som fremmedfiendtlig og muslimfiendtlig.» Er det feil?
– Sjølvsagt er det feil, men eg kan ikkje nekte folk å meine det. Den enorme interessa for HRS viser at det er behov for oss. Men innvandringskritikk blir stempla som framandfiendtleg og muslimfiendtleg.
– På kva måte meiner du at verksemda til HRS bidreg til større tillit til samfunnet i innvandrarbefolkninga og større samfunnsdeltaking blant innvandrarar?
– Vi går framfor og brøytar veg. Vi er avantgarden på dette området, og alt vi har sagt, har blitt realitet. Ingen har påvist feil i rapportane og analysane våre. Vi var dei første som sette innvandrarrekneskap på dagsordenen.
– Men korleis bidreg HRS til større tillit til samfunnet i innvandrarbefolkninga?
– Fordi vi er ei røyst som seier frå om at det er ei rekkje problem med innvandringa. Om alle seier at alt er fint og flott, tek ingen tak i problema.
– «Vi kan ikke se at HRS har solid forankring i noe innvandrermiljø», heiter det i gjennomgangen til IMDi. Er du samd i den vurderinga?
– Eg veit ikkje kva dei meiner med innvandrarmiljø. Det er få som har kontaktar i så mange ulike innvandrargrupper som vi har.
– HRS har trekt fram boka Islam. Den 11. landeplage av Hege Storhaug som eit sentralt prosjekt for dykk. Er den boka eigna til å skape tillit til det norske samfunnet blant muslimske innvandrarar?
– Boka skulle skape debatt om islam, og det har ho gjort i rik mon. Vi går framfor og brøytar veg.
– Meiner du at verksemda til HRS er i tråd med kriteria for statstilskotet til ressursmiljø på integreringsfeltet?
– Sjølvsagt. Om vi ikkje hadde følgt kriteria, ville vi vore fjerna frå budsjettet for lenge sidan, seier Rita Karlsen.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Rita Karlsen, dagleg leiar i HRS, var ikkje kjend med rapporten frå IMDi før Dag og Tid senda han til henne.
– Dette var interessant lesnad. Dette fortel at dei ikkje likar HRS, og difor vil ha oss ut av ordninga, seier Karlsen.
– I rapporten heiter det at virket til HRS kan bidra til å skape mindre tillit og mindre samfunnsdeltaking i innvandrarbefolkninga – altså det motsette av intensjon med tilskotet?
– Å vere kritisk til dagens innvandringspolitikk er ikkje innanfor. Og kritisk til islam skal ein ikkje vere. Dei som har skrive rapporten, veit openbert ingenting om arbeidet vårt.
– I rapporten står det: «HRS har de senere årene hatt en retorikk som av flere blir ansett som fremmedfiendtlig og muslimfiendtlig.» Er det feil?
– Sjølvsagt er det feil, men eg kan ikkje nekte folk å meine det. Den enorme interessa for HRS viser at det er behov for oss. Men innvandringskritikk blir stempla som framandfiendtleg og muslimfiendtleg.
– På kva måte meiner du at verksemda til HRS bidreg til større tillit til samfunnet i innvandrarbefolkninga og større samfunnsdeltaking blant innvandrarar?
– Vi går framfor og brøytar veg. Vi er avantgarden på dette området, og alt vi har sagt, har blitt realitet. Ingen har påvist feil i rapportane og analysane våre. Vi var dei første som sette innvandrarrekneskap på dagsordenen.
– Men korleis bidreg HRS til større tillit til samfunnet i innvandrarbefolkninga?
– Fordi vi er ei røyst som seier frå om at det er ei rekkje problem med innvandringa. Om alle seier at alt er fint og flott, tek ingen tak i problema.
– «Vi kan ikke se at HRS har solid forankring i noe innvandrermiljø», heiter det i gjennomgangen til IMDi. Er du samd i den vurderinga?
– Eg veit ikkje kva dei meiner med innvandrarmiljø. Det er få som har kontaktar i så mange ulike innvandrargrupper som vi har.
– HRS har trekt fram boka Islam. Den 11. landeplage av Hege Storhaug som eit sentralt prosjekt for dykk. Er den boka eigna til å skape tillit til det norske samfunnet blant muslimske innvandrarar?
– Boka skulle skape debatt om islam, og det har ho gjort i rik mon. Vi går framfor og brøytar veg.
– Meiner du at verksemda til HRS er i tråd med kriteria for statstilskotet til ressursmiljø på integreringsfeltet?
– Sjølvsagt. Om vi ikkje hadde følgt kriteria, ville vi vore fjerna frå budsjettet for lenge sidan, seier Rita Karlsen.
«Dei som har skrive rapporten,
veit openbert ingenting om
arbeidet vårt.»
Rita Karlsen, HRS
«HRS sitt samlede virke kan bidra til å skape
mindre tillit og mindre deltakelse hos innvan-
drerbefolkningen.»
Rapport frå IMDi, 2016
Fleire artiklar
Teikning: May Linn Clement
Å forveksla aggressor med forsvarar
«Etter at Putin kom til makta hausten 1999, har Russland ført ei heil rad med krigar.»
Den nyfødde kalven.
Foto: Hilde Lussand Selheim
Ei ny Ameline er fødd
Vårsøg – også kalla Tripso sidan ho var så skvetten som ung, spissa øyro for ingenting og trippa med beina inn og ut av fjøset – fekk ein ny kalv natt til 13. mai.
Emma (Fanny L. Bornedal) arbeider som nattevakt ved rettsmedisinsk institutt, der foreldra i si tid vart utsette for drapsforsøk.
Foto: Another World Entertainment
Skrekkeleg skuffande
Likte du Nattevakten, kjem du ikkje til å elska Nattevakten: Demoner går i arv, dersom det var det du håpte på.
Som låtskrivar er Jessica Pratt meir oppteken av stemningar enn forteljingar, meiner Øyvind Vågnes.
Foto: Samuel Hess
Mindre er meir
Den nye plata til Jessica Pratt, Here in the Pitch, er hennar beste så langt.
Blaz (Aristote Luyindula) (t.v.) har ikkje stor tiltru til systemet, men aktivisten Haby (Anta Diaw) kjempar for å forbetre tilhøva i den falleferdige bustadblokka deira.
Foto: Laurent le Crabe
Oppussinga
Ladj Ly lenar seg mot melodrama etter ein rå debut.
Papiravisa