Ei av dei sterkaste sidene ved det amerikanske demokratiet er offentlege høyringar og den showarta framvisinga av motsetningar innan politikk og styringsverk. Gjennom det internasjonale mediehegemoniet blir interne stridigheiter til fengande politisk verdsteater. Ikkje minst utnemninga av nye høgsterettsdommarar utartar til sterke rettssalsdrama på fjernsynet. Slik får verda innsyn i saksgangen fram til utnemninga av nye medlemmer i den høgaste retten. Presidenten føreslår kandidatar, som med retorisk bravur blir grilla og godtekne eller avviste gjennom komitéhøyringar i senatet.