Er jussen vegen til fred eller katastrofe i Palestina?
Eit barn drepe av åtak frå israelske fly og eit sørgjetog i Khan Yunis, sør på Gazastripa 8. november 2023.
Foto: Ibraheem Abu Mustafa / Reuters / NTB
Ønskjer du å delta i debatten? Då kan du sende innlegget ditt til ordskifte@dagogtid.no
Gaza
Dag og Tid intervjua Israel-vennen Bjarte Ystebø 27. oktober. Han seier: «FN har ikkje moralsk autoritet i Midtausten-spørsmål. Spørsmålet er ikkje kva han [generalsekretæren] meiner, men kva jussen seier. Her forsvarer forskarar Israel.»
Eg fekk eit innblikk i den juridiske argumentasjonen, då eg las boka Palestina – Israels historiske og folkerettslige legitimitet, utgitt på Hermon forlag i 2020, openbert skriven for Israel-venner og kristenkonservative.
Her blir den juridiske tilnærminga framheva som den rette veg til sanning. Det som passar Israel si sak, blir framheva, mens motparten blir neglisjert og demonisert. San Remo-resolusjonen i 1920, då stormaktene gav jødane suverenitet over heile Palestina, som omfatta dagens Israel, Jordan, Judea, Samaria og Gaza, er det einaste folkerettsleg legale grunnlaget for oppretting av ein stat for det jødiske folket. Det som skjedde seinare med oppdelinga av det britiske mandatområdet i Palestina, mellom anna med opprettinga av Jordan, var eit svik og brot på folkeretten. FN si rolle blir karakterisert som utidig og ulovleg innblanding.
Oppgjeret etter første verdskrigen førte som kjent til nye katastrofar. Konferansen i San Remo, som var ein etterrakst av Versaillestraktaten, galdt mellom anna landegrenser i Midtausten. Med kolonimaktene Frankrike og Storbritannia i førarsetet vart resultatet prega av eigeninteresse.
Ein heim for jødane var nok til tider, og i visse krinsar, høgt på agendaen, men det var den strategiske realpolitikken som vog tyngst. Humanismen var ein underordna faktor.
Ein kan mislike hendingar i historia, men skal ein rette opp all verdas urett dei siste 3000 år, så fører det berre til nye katastrofar. Å gå i retten for Israel og prosedere på eit krav om heile det opphavlege Palestina er ekstremt og farleg. Men det blir meir og meir tydeleg at det er dette som er landet sin strategi, og at det palestinske folket skal fordrivast.
Forfattaren framstiller gjennomgåande Israel som eit offer som alltid har hatt retten på sin side. Rett nok hevdar han at Israel har gjort nokre feil, som for eksempel Camp David-avtalen i 1978, Oslo-avtalen i 1993, fredsavtalen med Jordan i 1994, og tilbaketrekkinga frå Gaza i 2005. Alle fredsforsøk var altså feilgrep!
Forfattaren underbygger prosedyren med å sitere amerikanske og israelske juristar som er ute i same ærend som han sjølv. Det gir sjølvsagt kraft og vekt i framstillinga av Israel si sak. Men vi bør i rettferdas namn også høyre motparten si framstilling før vi feller ein endeleg dom.
Korleis ville eg reagere på å bli jaga ut or heimen min, få huset mitt jamna med jorda, på mobbing og trakassering frå naboar som tek seg til rette i huset mitt og på mi jord? Når styresmakta skyt på meg, slår San Remos folkerett av 1920 i bordet og fortel at det slett ikkje er mi jord, ikkje min heim, då har eg lite å stille opp med på lovleg vis.
Den religiøse og politiske fanatismen må byggast ned på begge sider. Ein bør diskutere om statsdanning basert på religion, anten det er islam, jødedom eller kristendom, er framtidsretta, på grunn av konfliktar og diskriminering som det ofte fører med seg.
Ei statsdanning av to skilde landområde på Gaza og Vestbreidda er ein unaturleg konstellasjon og ikkje lenger realistisk. Palestina bør bli ein stat med dagens Israel inklusiv Vestbreidda og Gaza. Ei demokratisk grunnlov må på plass, med like rettar for alt folket som bur innanfor desse grensene. Staten må vere sekulær, utan ei religiøs overbygning. Dei religiøse heilagdomane må vere fritt tilgjengelege for alle. Sionismen må vike.
Ei slik løysing vil innebere at det palestinske folket kjem i fleirtal. Men evnar ein over tid å fokusere på framsteg til alle sitt beste, vil folk etter kvart innta politiske standpunkt på tvers av etnisk og religiøs bakgrunn. FN, landa i Midtausten og stormaktene må støtte opp om og presse gjennom ei slik statsdanning. Det er eit ikkje ubetydeleg mindretal av innbyggarane i Israel og dei palestinske områda som ønskjer ei slik løysing.
I dag kan dette synast urealistisk, men langvarig politisk arbeid er som kjent det moglege sin kunst. Ein må kaste av seg fundamentalismen og hatet, og stake ut ein ny kurs.
Kloke leiarar må gå føre og vise veg, og ikkje slik som no då ekstremistar på begge sider styrer mot avgrunnen.
Folkeretten er ikkje hoggen i stein. Det juridiske sporet, som Israel-venner forfektar, bidreg ikkje til fred, men til folkefordriving og nye katastrofar.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Ønskjer du å delta i debatten? Då kan du sende innlegget ditt til ordskifte@dagogtid.no
Gaza
Dag og Tid intervjua Israel-vennen Bjarte Ystebø 27. oktober. Han seier: «FN har ikkje moralsk autoritet i Midtausten-spørsmål. Spørsmålet er ikkje kva han [generalsekretæren] meiner, men kva jussen seier. Her forsvarer forskarar Israel.»
Eg fekk eit innblikk i den juridiske argumentasjonen, då eg las boka Palestina – Israels historiske og folkerettslige legitimitet, utgitt på Hermon forlag i 2020, openbert skriven for Israel-venner og kristenkonservative.
Her blir den juridiske tilnærminga framheva som den rette veg til sanning. Det som passar Israel si sak, blir framheva, mens motparten blir neglisjert og demonisert. San Remo-resolusjonen i 1920, då stormaktene gav jødane suverenitet over heile Palestina, som omfatta dagens Israel, Jordan, Judea, Samaria og Gaza, er det einaste folkerettsleg legale grunnlaget for oppretting av ein stat for det jødiske folket. Det som skjedde seinare med oppdelinga av det britiske mandatområdet i Palestina, mellom anna med opprettinga av Jordan, var eit svik og brot på folkeretten. FN si rolle blir karakterisert som utidig og ulovleg innblanding.
Oppgjeret etter første verdskrigen førte som kjent til nye katastrofar. Konferansen i San Remo, som var ein etterrakst av Versaillestraktaten, galdt mellom anna landegrenser i Midtausten. Med kolonimaktene Frankrike og Storbritannia i førarsetet vart resultatet prega av eigeninteresse.
Ein heim for jødane var nok til tider, og i visse krinsar, høgt på agendaen, men det var den strategiske realpolitikken som vog tyngst. Humanismen var ein underordna faktor.
Ein kan mislike hendingar i historia, men skal ein rette opp all verdas urett dei siste 3000 år, så fører det berre til nye katastrofar. Å gå i retten for Israel og prosedere på eit krav om heile det opphavlege Palestina er ekstremt og farleg. Men det blir meir og meir tydeleg at det er dette som er landet sin strategi, og at det palestinske folket skal fordrivast.
Forfattaren framstiller gjennomgåande Israel som eit offer som alltid har hatt retten på sin side. Rett nok hevdar han at Israel har gjort nokre feil, som for eksempel Camp David-avtalen i 1978, Oslo-avtalen i 1993, fredsavtalen med Jordan i 1994, og tilbaketrekkinga frå Gaza i 2005. Alle fredsforsøk var altså feilgrep!
Forfattaren underbygger prosedyren med å sitere amerikanske og israelske juristar som er ute i same ærend som han sjølv. Det gir sjølvsagt kraft og vekt i framstillinga av Israel si sak. Men vi bør i rettferdas namn også høyre motparten si framstilling før vi feller ein endeleg dom.
Korleis ville eg reagere på å bli jaga ut or heimen min, få huset mitt jamna med jorda, på mobbing og trakassering frå naboar som tek seg til rette i huset mitt og på mi jord? Når styresmakta skyt på meg, slår San Remos folkerett av 1920 i bordet og fortel at det slett ikkje er mi jord, ikkje min heim, då har eg lite å stille opp med på lovleg vis.
Den religiøse og politiske fanatismen må byggast ned på begge sider. Ein bør diskutere om statsdanning basert på religion, anten det er islam, jødedom eller kristendom, er framtidsretta, på grunn av konfliktar og diskriminering som det ofte fører med seg.
Ei statsdanning av to skilde landområde på Gaza og Vestbreidda er ein unaturleg konstellasjon og ikkje lenger realistisk. Palestina bør bli ein stat med dagens Israel inklusiv Vestbreidda og Gaza. Ei demokratisk grunnlov må på plass, med like rettar for alt folket som bur innanfor desse grensene. Staten må vere sekulær, utan ei religiøs overbygning. Dei religiøse heilagdomane må vere fritt tilgjengelege for alle. Sionismen må vike.
Ei slik løysing vil innebere at det palestinske folket kjem i fleirtal. Men evnar ein over tid å fokusere på framsteg til alle sitt beste, vil folk etter kvart innta politiske standpunkt på tvers av etnisk og religiøs bakgrunn. FN, landa i Midtausten og stormaktene må støtte opp om og presse gjennom ei slik statsdanning. Det er eit ikkje ubetydeleg mindretal av innbyggarane i Israel og dei palestinske områda som ønskjer ei slik løysing.
I dag kan dette synast urealistisk, men langvarig politisk arbeid er som kjent det moglege sin kunst. Ein må kaste av seg fundamentalismen og hatet, og stake ut ein ny kurs.
Kloke leiarar må gå føre og vise veg, og ikkje slik som no då ekstremistar på begge sider styrer mot avgrunnen.
Folkeretten er ikkje hoggen i stein. Det juridiske sporet, som Israel-venner forfektar, bidreg ikkje til fred, men til folkefordriving og nye katastrofar.
Fleire artiklar
Utvalsleiar Line Eldring leverer NOU-rapporten om EØS-avtalen til utanriksminister Espen Barth Eide (Ap).
Foto: Terje Pedersen / NTB
Kva er alternativet til EØS-medlemskap?
Anna Kleiva er forfattar og omsetjar.
Foto: Privat
Anna Kleiva er ny diktskribent i Dag og Tid
«Eg ser fram til å arbeida meir med einskilde dikt frå ulike forfattarar.»
Sofi Oksanen er av dei forfattarane som har fått flest prisar i Norden. Bøkene hennar er omsette til 46 språk. Biletet er frå bokmessa i Wien i 2022.
Foto: Nicola Montfort / Wikimedia Commons
Vald mot kvinner som våpen
Sofi Oksanen ønskte å skrive ei bok som er tilgjengeleg for vanlege lesarar, som kan lesast utan kart og utan at ein treng følgje krigsnyhenda dag for dag. At essayet Putins krig mot kvinner skulle bli så skremmande, såg ho ikkje heilt for seg.
For Balázs Orbán, som er politisk rådgjevar for statsministeren, er jobben å halda fast ved dei langsiktige måla til regjeringa mellom alle dei mindre og større oppgåvene i kvardagen.
Foto frå heimesida til Orbán Balázs i regjeringa
Verda ifølgje Orbán
BUDAPEST: I ei ny bok fortel ideologen til Viktor Orbán korleis Ungarn vil utfordra den liberale verdsordninga. Weekendavisen har møtt han.
Gjengkrim – ein varsla katastrofe
Det går knapt ein dag utan grove valdshendingar i Oslo. Bak står gjengar og mektige kriminelle nettverk som har vakse fram dei siste ti åra.