Film
Velskrive, velspelt, velfundert
Se meg treffer med sine ubehagelege premissar.
Tarek Zayat og Pia Tjelta i hovudrollene som asylsøkjaren Amir og læraren Eva.
Foto: Ymer Media
Lokalfolket troppar opp då syriske flyktningar kjem til vestlandsbygda, både ordførar Jostein (Joner) og kona Eva (Tjelta). Ho er lærar på vidaregåande til vanleg og stiller no opp som frivillig norsklærar.
Ein elev merkar seg ut, unge Amir (Zayat), og Eva kjenner stor omsorg for guten som er på alder med dottera som har flytta ut. Så kjenner ho på meir enn omsorg – og endå litt meir.
Dramadama
«Nei! Slutt! Ikkje gjer det!» Når premissen for filmen er eldre dame i maktposisjon fell for yngre mann som treng hjelp, så lukke til med å ikkje ha lyst til å ropa mot lerretet. Eigentleg er premissen nesten for enkel til at det skulle fungera, men det gjer det altså.
Det er mange delar som bidreg til at Se meg er ein høgst sjåverdig, fengande film, men den tyngste grunnen er Pia Tjelta. Ho gjer rett og slett si beste rolle kanskje nokosinne. Så skal Tarik Zayat ha æra for at det må vera lettare å verka overtydande med ein god motspelar, så kudos til castingavdelinga for kloke val av skodespelarar.
Kristoffer Joner som velmeinande, men midtlivskrisete ordførar fungerer også. Samlivet til Jostein og Eva har smuldra etter utruskap, men dei prøver å plukka opp smulane, som nok er vanlegare enn det reine brotet ein gjerne ser i fiksjonen. Røynda er ofte meir ullen, og såleis er Se meg, trass i for mykje drama, ikkje eit urealistisk drama.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
