Teater
Usikker tosemd
Bringar Fosse tilbake til det minimalistiske utgangspunktet.
Ola G. Furuseth (t.v.) spelar Mannen, Joachim Rafaelsen er Han og Birgitte Larsen Ho.
Foto: Det Norske Teatret
Kai Johnsen er regissøren som så å seie etablerte Jon Fosse som dramatikar. Men det aller første stykket Fosse skreiv, Nokon kjem til å kome, har han aldri regissert før no. Det var verdt å vente på.
Dette stykket om Han (Joachim Rafaelsen) og Ho (Birgitte Larsen), som vil trekkje seg tilbake frå verda og leve i isolasjon og dyrke kjærleiken sin, viser kor umogleg eit slikt prosjekt er. Og Kai Johnsens minimalistiske tolking illustrerer tydeleg det vonlause i dette. Han lèt spelet utfalde seg i mørket på ein naken scene, det er lenge før vi i det heile teke får eit glimt av skodespelarane, og han viser både ved å la aktørane kome inn frå kvar si side, ved ofte å plassere dei langt frå kvarandre og ved å la dei forlate scenen kvar for seg, at dette er eit samliv som ikkje har gode utsikter. Nærast kvarandre kjem faktisk Ho og «inntrengjaren», mannen som har selt dei det målingsslitne huset (Ola G. Furuseth).
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
