Unikt duosamarbeid
To sterke personlegdomar er på bølgelengd.
Jazz
Enrico Rava/ Fred
Hersch:
The Song Is You
Enrico Rava, flygelhorn, og Fred Hersch, piano.
ECM
At den amerikanske pianisten Fred Hersch før eller seinare skulle finna saman med den 16 år eldre italienske trompetaren og flygelhornisten Enrico Rava, høyrest så sjølvsagt ut. At det skulle skje med Manfred Eicher som produsent, er like lite overraskande. Plata The Song Is You etterlèt seg eit inntrykk av at noko uunngåeleg har funne stad. I den prislønte sjølvbiografien Good Things happen slowly seier Hersch om duosamarbeid: «Ein må vera kompatibel, men også ulik nok slik at den enkelte kan bidra med noko unikt.» Plata er eit samanhengande prov på akkurat denne hypotesen.
Dei har spelt inn fem klassikarar og levert ein originalkomposisjon kvar, og så har dei improvisert fram eit stykke i studio, men valet av repertoar opplever ein ikkje som vesentleg, fordi det er dialogen som trekkjer til seg det meste av merksemda. Det er sjølvsagt spanande å høyra kva dei to får ut av George Bassmans «I’m Getting Sentimental over You», Jerome Kerns «The Song Is You» eller «Misterioso» av Thelonius Monk, men det er utfordringane dei gjev kvarandre, og korleis dei svarar på desse, som fascinerer.
Høgdepunktet på plata er tolkinga deira av «Child’s Song» av Hersch. Når to musikarar har slik kontroll, kan dei musikalske stiane sno seg i det mest uframkomelege terrenget, men dei har likevel perfekt retningssans og kjem alltid i mål. Alt tyder på at ECM har lagt ein ny klassikar til katalogen sin.
Lars Mossefinn
Lars Mossefinn er frilans journalist og fast jazzmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Jazz
Enrico Rava/ Fred
Hersch:
The Song Is You
Enrico Rava, flygelhorn, og Fred Hersch, piano.
ECM
At den amerikanske pianisten Fred Hersch før eller seinare skulle finna saman med den 16 år eldre italienske trompetaren og flygelhornisten Enrico Rava, høyrest så sjølvsagt ut. At det skulle skje med Manfred Eicher som produsent, er like lite overraskande. Plata The Song Is You etterlèt seg eit inntrykk av at noko uunngåeleg har funne stad. I den prislønte sjølvbiografien Good Things happen slowly seier Hersch om duosamarbeid: «Ein må vera kompatibel, men også ulik nok slik at den enkelte kan bidra med noko unikt.» Plata er eit samanhengande prov på akkurat denne hypotesen.
Dei har spelt inn fem klassikarar og levert ein originalkomposisjon kvar, og så har dei improvisert fram eit stykke i studio, men valet av repertoar opplever ein ikkje som vesentleg, fordi det er dialogen som trekkjer til seg det meste av merksemda. Det er sjølvsagt spanande å høyra kva dei to får ut av George Bassmans «I’m Getting Sentimental over You», Jerome Kerns «The Song Is You» eller «Misterioso» av Thelonius Monk, men det er utfordringane dei gjev kvarandre, og korleis dei svarar på desse, som fascinerer.
Høgdepunktet på plata er tolkinga deira av «Child’s Song» av Hersch. Når to musikarar har slik kontroll, kan dei musikalske stiane sno seg i det mest uframkomelege terrenget, men dei har likevel perfekt retningssans og kjem alltid i mål. Alt tyder på at ECM har lagt ein ny klassikar til katalogen sin.
Lars Mossefinn
Lars Mossefinn er frilans journalist og fast jazzmeldar i Dag og Tid.
Fleire artiklar
Nana rise-Lynum er redaktør i Norsk Barneblad.
Foto: Per Anders Todal
Å gi barn det dei ikkje veit at dei vil ha
Norsk Barneblad vart skipa i 1887 og har kome ut kvart år sidan. Sist helg fekk Nana Rise-Lynum Målprisen frå Noregs Mållag for innsatsen som redaktør.
Kina fyrer på alle sylindrane: Ingen bygger ut så mykje kolkraft som kinesarane gjer. Biletet viser eit kolkraftverk i Dingzhou i Hebei-provinsen.
Foto: Ng Han Guan / AP / NTB
Ein straum av problem
Straumforbruket i verda aukar framleis raskare enn fornybar kraftproduksjon. Kolkraftverk skal varme kloden i mange år enno.
Den såkalla hysjpengesaka mot Donald Trump er inne i andre veke i retten i New York.
Illustrasjon: Jane Rosenberg / Reuters
Høgt spel i New York
Straffesaka som no går føre seg mot Trump, er den han har størst sjanse til å verte frikjend i. Og vert han det, kan saka òg gje han fleire veljarar, seier kommentator Jan Arild Snoen.
Line Eldring har leidd utvalet som tilrår at Noreg både bør vidareføre og utvide samarbeidet med EU på nye område framover. Ho la nyleg fram utgreiinga «Norge og EØS: Utviklinger og erfaringer» for utanriksminister Espen Barth Eide.
Foto: Terje Pedersen / NTB
Veksande fjernstyre
Tilknytinga vår til EU veks og veks, både gjennom EØS-avtalen og utanfor, ifølgje ei ny utgreiing. Og det er få som kjenner heilskapen.
Er overvaking prisen vi må betale for eit trygt samfunn?
Foto: The Right Frame Media / Shutterstock
E-tenesta ser deg
Kor langt kan E-tenesta gå i å overvake den elektroniske kommunikasjonen vår? Det får vi kanskje svar på denne våren.