Varm nostalgi
Muntert, vemodig og hjartevarmt om kjærleik mellom brør i ein familie som har sine løyndommar.
Pål Rønning i regnet. Bak står Kjersti Elvik og Herman Ljung Opedal.
Foto: Odd Mehus
Det Nationale Scene, Teaterkjelleren
Stig Holmås:
Regn
Regi: Anne-Karen Hytten
Scenografi og kostyme:
Christine Lohre
Komponist og musikar:
Harald Dahlstrøm
Stig Holmås er ein forfattar med hjarte for dei han skriv om, med evne til å skape situasjonar du trur på, og med eit språk rikt på poetiske kvalitetar. Slik er det også i romanen Regn frå 2009, og mykje av dette har regissør Anne-Karen Hytten fått med over i sceneversjonen ho har laga. I programheftet er det kalla ei dramatisering, men med det rommet forteljaren har fått i framsyninga, er nok scenisk forteljing ein minst like råkande karakteristikk.
Det er livet i ein liten kjernefamilie frå 1950-talet som blir framstilt på scenen, mor (Kjersti Elvik), far (Gerald Pettersen) og brørne Ole Johan (Pål Rønning) og Bjørnar (Herman Ljung-Opedal). Medan regnet pøser ned ute, effektfullt projisert på veggar og golv, rår tryggleiken inne. Ole Johan har stor omsut for veslebror sin, men opplever at det som skulle vere ei fin fødselsdagsgåve, endar i tragedie og sterk skuldkjensle. Og sjølv får han røyne at jenta han forelskar seg i, av ubehagelege grunnar er forboden frukt. Men han er ikkje den som lèt seg knekke, ikkje vil han gi opp bror sin heller.
Regn er blitt ei framsyning der dei gode kjenslene vekslar med dei vonde, der ei ikkje altfor fjern fortid blir skildra med truverd og varme, der regndansen har sin naturlege plass og der godt, kollektivt samspel, enkle sceneløysingar og eit veltilpassa tonefølgje skaper stemningar eg trur mange ønskjer å oppleve.
Jan H. Landro
Jan H. Landro er journalist og fast skribent i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Det Nationale Scene, Teaterkjelleren
Stig Holmås:
Regn
Regi: Anne-Karen Hytten
Scenografi og kostyme:
Christine Lohre
Komponist og musikar:
Harald Dahlstrøm
Stig Holmås er ein forfattar med hjarte for dei han skriv om, med evne til å skape situasjonar du trur på, og med eit språk rikt på poetiske kvalitetar. Slik er det også i romanen Regn frå 2009, og mykje av dette har regissør Anne-Karen Hytten fått med over i sceneversjonen ho har laga. I programheftet er det kalla ei dramatisering, men med det rommet forteljaren har fått i framsyninga, er nok scenisk forteljing ein minst like råkande karakteristikk.
Det er livet i ein liten kjernefamilie frå 1950-talet som blir framstilt på scenen, mor (Kjersti Elvik), far (Gerald Pettersen) og brørne Ole Johan (Pål Rønning) og Bjørnar (Herman Ljung-Opedal). Medan regnet pøser ned ute, effektfullt projisert på veggar og golv, rår tryggleiken inne. Ole Johan har stor omsut for veslebror sin, men opplever at det som skulle vere ei fin fødselsdagsgåve, endar i tragedie og sterk skuldkjensle. Og sjølv får han røyne at jenta han forelskar seg i, av ubehagelege grunnar er forboden frukt. Men han er ikkje den som lèt seg knekke, ikkje vil han gi opp bror sin heller.
Regn er blitt ei framsyning der dei gode kjenslene vekslar med dei vonde, der ei ikkje altfor fjern fortid blir skildra med truverd og varme, der regndansen har sin naturlege plass og der godt, kollektivt samspel, enkle sceneløysingar og eit veltilpassa tonefølgje skaper stemningar eg trur mange ønskjer å oppleve.
Jan H. Landro
Jan H. Landro er journalist og fast skribent i Dag og Tid.
Fleire artiklar
Foto: Vibeke Ekeland Grønn
«For nokre månader sidan fekk eg eit anonymt tips i posthylla på jobben»
Skodespelarane Joseph Engel (Bastien) og Sara Montpetit (Chloé) i regidebuten til Charlotte Le Bon.
Foto: Cinemateket
Søte sommarskrømt
Falcon Lake er ein ven og var knalldebut frå Quebec.
Palestinarar på veg ut av Rafah måndag, etter at Israel varsla nye åtak i byen lengst sørvest i Gaza.
Foto: Ramadan Abed / Reuters / NTB
Den raude streken i Rafah
Kanskje skal sluttspelet i Gaza-krigen stå i Rafah. Det blir neppe kort.
Titusenvis av menneske har samla seg framfor parlamentet i Tbilisi dei siste vekene, i protest mot det dei kallar «den russiske lova».
Foto: Ida Lødemel Tvedt
Krossveg i den georgiske draumen
TBILISI: Demonstrasjonane i Georgia kjem til å eskalere fram mot 17. mai.
Mange meiner at det er no landet tek vegvalet mellom Russland og Vesten.
Utvalsleiar Line Eldring leverer NOU-rapporten om EØS-avtalen til utanriksminister Espen Barth Eide (Ap).
Foto: Terje Pedersen / NTB