Migrasjon og menneskerettar i Europa

– Me må gå ut av Den europeiske menneskerettsdomstolen og oppheve menneskerettslova. De som er her på landsmøtet, eg vil at de skal vite at det neste konservative manifestet vil innehalde vårt løfte om å gå ut. Å forlate menneskerettskonvensjonen er eit naudsynt steg.

Desse orda kjem ikkje frå Nigel Farage eller eit lite ytre høgre-parti i Storbritannia. Det vart sagt av Kemi Badenoch, leiar av Det konservative partiet, under eit landsmøte søndag 5. oktober. Partiet ho leier, er eit av dei to partia som har veksla på å leie Storbritannia i over 100 år.

For eit par år sidan måtte du langt ut på høgresida i Storbritannia for å finne liknande politikk. No er det blitt mainstream.

Ein har sett same trenden i Europa. Etter initiativ frå Danmark og Italia signerte ni europeiske statsleiarar i mai eit brev der dei kritiserte Den europeiske menneskerettsdomstolen for å innskrenke handlingsrommet til nasjonale styresmakter når det gjeld deportering av immigrantar som gjer lovbrot.

Bodskapen i brevet er ikkje motstraums i Europa. EU jobbar no aktivt med å lage strengare innvandringspolitikk. EUs asyl- og migrasjonspakt, vedteke i 2024, handlar om raskare og strengare handsaming av immigrantar som kjem til EU på ulovleg eller uregelmessig vis. 

I 2025 har EU-kommisjonen lagt fram fleire lovforslag som er meinte å gjere det lettare å deportere ulovlege immigrantar (til dømes dei som har fått avslag på asylsøknad), med lågare krav til tryggleik i landa dei kan bli sende til.

Er du abonnent? Logg på for å lese vidare

Digital tilgang – heilt utan binding

Prøv ein månad for kr 49.
Deretter kr 199 per månad. Stopp når du vil.

E-postadressa di

Eg godtek vilkåra

Eller kjøp eit anna abonnement

Er du abonnent? Logg på for å lese vidare