Opnar sansane
Kant er leikent, fantasieggjande og teknisk briljant.
Régis Royer er åleine på scenen i rolla som guten Kristoffer.
Foto: Maxime Lethelier
Det Norske
Teatret, Scene 2
Jon Fosse:
Kant
Regi, konsept og scenografi: Emilie Anna Maillet
Videodesign: Maxime Lethelier
Ex Voto à la lune, Frankrike
Jon Fosse skriv ikkje barnebøker, men allalderlitteratur. Biletboka Kant (1990), illustrert av Akin Duzakin, er kanskje det aller beste dømet på det. Her lèt han åtte år gamle Kristoffer undre seg over universet. Er det endelaust? Kva vil det i så fall seie? Om det har ei yttergrense, kva ligg bortanfor kanten? Og kan det tenkjast at Kristoffer og far hans berre eksisterer i draumen til ei kjempe som er så stor at ingen på jorda kan sjå at det er ei kjempe? Finn den filosofiinteresserte far hans kanskje nokre svar hos filosofen Immanuel Kant?
Desse funderingane, som stundom skremmer åtteåringen, har det franske teaterkompaniet Ex Voto à la lune laga ei fabelaktig framsyning over. På scenen er det berre éin skodespelar, Régis Royer, som speler Kristoffer og gir att replikkane far hans har i boka. Og han løyser oppgåva si godt. Men det som lyftar denne produksjonen til stjernehimmelen, er den makelause bruken av video, som projisert mot både scenegolv og bakvegg frå sekund til sekund omskapar guterommet og hentar inn heile universet. I vekslinga mellom lys og mørker, inne og ute, rørsler og stille får Kristoffers undring – og angst – spele seg ut. Stundom får han leike seg med tyngdekrafta, stundom står han berre måpande overfor det som opnar seg for han – og oss. Kant er blitt ei framsyning som kallar på både undring og beundring, eit meisterleg stykke teater for alle aldrar.
Jan H. Landro
Jan H. Landro er journalist og fast skribent i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Det Norske
Teatret, Scene 2
Jon Fosse:
Kant
Regi, konsept og scenografi: Emilie Anna Maillet
Videodesign: Maxime Lethelier
Ex Voto à la lune, Frankrike
Jon Fosse skriv ikkje barnebøker, men allalderlitteratur. Biletboka Kant (1990), illustrert av Akin Duzakin, er kanskje det aller beste dømet på det. Her lèt han åtte år gamle Kristoffer undre seg over universet. Er det endelaust? Kva vil det i så fall seie? Om det har ei yttergrense, kva ligg bortanfor kanten? Og kan det tenkjast at Kristoffer og far hans berre eksisterer i draumen til ei kjempe som er så stor at ingen på jorda kan sjå at det er ei kjempe? Finn den filosofiinteresserte far hans kanskje nokre svar hos filosofen Immanuel Kant?
Desse funderingane, som stundom skremmer åtteåringen, har det franske teaterkompaniet Ex Voto à la lune laga ei fabelaktig framsyning over. På scenen er det berre éin skodespelar, Régis Royer, som speler Kristoffer og gir att replikkane far hans har i boka. Og han løyser oppgåva si godt. Men det som lyftar denne produksjonen til stjernehimmelen, er den makelause bruken av video, som projisert mot både scenegolv og bakvegg frå sekund til sekund omskapar guterommet og hentar inn heile universet. I vekslinga mellom lys og mørker, inne og ute, rørsler og stille får Kristoffers undring – og angst – spele seg ut. Stundom får han leike seg med tyngdekrafta, stundom står han berre måpande overfor det som opnar seg for han – og oss. Kant er blitt ei framsyning som kallar på både undring og beundring, eit meisterleg stykke teater for alle aldrar.
Jan H. Landro
Jan H. Landro er journalist og fast skribent i Dag og Tid.
Fleire artiklar
Emma (Fanny L. Bornedal) arbeider som nattevakt ved rettsmedisinsk institutt, der foreldra i si tid vart utsette for drapsforsøk.
Foto: Another World Entertainment
Skrekkeleg skuffande
Likte du Nattevakten, kjem du ikkje til å elska Nattevakten: Demoner går i arv, dersom det var det du håpte på.
Som låtskrivar er Jessica Pratt meir oppteken av stemningar enn forteljingar, meiner Øyvind Vågnes.
Foto: Samuel Hess
Mindre er meir
Den nye plata til Jessica Pratt, Here in the Pitch, er hennar beste så langt.
Blaz (Aristote Luyindula) (t.v.) har ikkje stor tiltru til systemet, men aktivisten Haby (Anta Diaw) kjempar for å forbetre tilhøva i den falleferdige bustadblokka deira.
Foto: Laurent le Crabe
Oppussinga
Ladj Ly lenar seg mot melodrama etter ein rå debut.
Eirik Holmøyvik har trekt seg trekt seg som forskingsleiar ved Det juridiske fakultet i Bergen.
Foto: Kim E. Andreassen / UiB
Israel-boikott splittar akademia
Jussprofessor Eirik Holmøyvik prøvde å få omgjort vedtaket om Israel-boikott ved Det juridiske fakultetet i Bergen, men vart røysta ned. No har han trekt seg som forskingsleiar ved fakultetet.
Lite mat: Det er ikkje mykje mat å spore i 17. mai-biletarkivet til NTB, men Andrea (2) har iallfall fått is. Hurra!
Foto: Per Løchen /NTB
Mat på nasjonaldagen
Kva bør vi ete i dag om vi lèt årstida styre menyen?