Leik til døden
Regissør Yana Ross har gjort Vildanden nokså uhøgtidleg.
Anne Sofie Kvalvik spelar Hedvig med ein ny vri på Den Nationale Scene.
Foto: Odd Mehus
Den Nationale Scene
Henrik Ibsen:
Vildanden
Konsept og regi: Yana Ross
Scenografi og kostyme:
Simona Bieksaité
I Bergen, på trygg avstand frå Ibsenfestivalen, har Den Nationale Scene late latvisk-amerikanske Yana Ross leike seg med Vildanden. Og leik er det blitt, så det held og vel så det.
I regien nyttar ho alle høve til å la aktørane leike seg, og stundom blir scenen reine leikestova – utan at det tilfører stykket noko radikalt nytt.
Ibsen kalla stykket for ein tragikomedie, og Ross har teke han på ordet ved å spele meir på humor og å gjere framsyninga nokså uhøgtidleg. Meir radikalt er det at ho endrar på Hedvig-karakteren. Her har ikkje 14-åringen dårlege augo, som skulle prove at ho er dotter av gamle Werle. Nei, ho har Downs syndrom, og blir spelt av Anne Sofie Kvalvik, som også har Downs.
Dette grepet gjer noko med heile framsyninga, men kan ikkje fullt ut forklare eller grunngi sluttscenen, der stykket får karakter av hemndrama. I Kvalviks skikkelse har Hedvig færre replikkar enn vanleg, men ho har eit nærvær som får løgnene og falskspelet bak den småborgarlege fasaden til å slå sprekkar. Hennar Hedvig er enkel, og det gjer det paradoksalt nok vanskelegare å manipulere henne. Når ho til slutt løyser oppgåva fundamentalisten Gregers Werle (Frode Bjorøy) har stilt henne, er det ved på dramatisk vis å hogge over den gordiske knuten.
Regien har mange videoinnslag, og musikkvala til Ross, som spenner frå Grieg via Lionel Ritchie til Wagner, er gjennomført filmatiske i måten ho nyttar dei på. Det fungerer svært godt. Især når den fæle sluttscenen blir akkompagnert av fredsbøna frå Bellini-operaen Norma. Til gjengjeld blir ein del av symbolbruken så overtydeleg at det knapt er noko att til publikum å fundere over. Men framleis er den evig aktuelle konflikten mellom «vakker» livsløgn og kompromisslaus sanning intakt, sjølv om Dr. Rellings klassiske replikk her kling mindre overtydande enn vi til vanleg høyrer han.
Jan H. Landro
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Den Nationale Scene
Henrik Ibsen:
Vildanden
Konsept og regi: Yana Ross
Scenografi og kostyme:
Simona Bieksaité
I Bergen, på trygg avstand frå Ibsenfestivalen, har Den Nationale Scene late latvisk-amerikanske Yana Ross leike seg med Vildanden. Og leik er det blitt, så det held og vel så det.
I regien nyttar ho alle høve til å la aktørane leike seg, og stundom blir scenen reine leikestova – utan at det tilfører stykket noko radikalt nytt.
Ibsen kalla stykket for ein tragikomedie, og Ross har teke han på ordet ved å spele meir på humor og å gjere framsyninga nokså uhøgtidleg. Meir radikalt er det at ho endrar på Hedvig-karakteren. Her har ikkje 14-åringen dårlege augo, som skulle prove at ho er dotter av gamle Werle. Nei, ho har Downs syndrom, og blir spelt av Anne Sofie Kvalvik, som også har Downs.
Dette grepet gjer noko med heile framsyninga, men kan ikkje fullt ut forklare eller grunngi sluttscenen, der stykket får karakter av hemndrama. I Kvalviks skikkelse har Hedvig færre replikkar enn vanleg, men ho har eit nærvær som får løgnene og falskspelet bak den småborgarlege fasaden til å slå sprekkar. Hennar Hedvig er enkel, og det gjer det paradoksalt nok vanskelegare å manipulere henne. Når ho til slutt løyser oppgåva fundamentalisten Gregers Werle (Frode Bjorøy) har stilt henne, er det ved på dramatisk vis å hogge over den gordiske knuten.
Regien har mange videoinnslag, og musikkvala til Ross, som spenner frå Grieg via Lionel Ritchie til Wagner, er gjennomført filmatiske i måten ho nyttar dei på. Det fungerer svært godt. Især når den fæle sluttscenen blir akkompagnert av fredsbøna frå Bellini-operaen Norma. Til gjengjeld blir ein del av symbolbruken så overtydeleg at det knapt er noko att til publikum å fundere over. Men framleis er den evig aktuelle konflikten mellom «vakker» livsløgn og kompromisslaus sanning intakt, sjølv om Dr. Rellings klassiske replikk her kling mindre overtydande enn vi til vanleg høyrer han.
Jan H. Landro
Fleire artiklar
Teikning: May Linn Clement
Å forveksla aggressor med forsvarar
«Etter at Putin kom til makta hausten 1999, har Russland ført ei heil rad med krigar.»
Den nyfødde kalven.
Foto: Hilde Lussand Selheim
Ei ny Ameline er fødd
Vårsøg – også kalla Tripso sidan ho var så skvetten som ung, spissa øyro for ingenting og trippa med beina inn og ut av fjøset – fekk ein ny kalv natt til 13. mai.
Emma (Fanny L. Bornedal) arbeider som nattevakt ved rettsmedisinsk institutt, der foreldra i si tid vart utsette for drapsforsøk.
Foto: Another World Entertainment
Skrekkeleg skuffande
Likte du Nattevakten, kjem du ikkje til å elska Nattevakten: Demoner går i arv, dersom det var det du håpte på.
Som låtskrivar er Jessica Pratt meir oppteken av stemningar enn forteljingar, meiner Øyvind Vågnes.
Foto: Samuel Hess
Mindre er meir
Den nye plata til Jessica Pratt, Here in the Pitch, er hennar beste så langt.
Blaz (Aristote Luyindula) (t.v.) har ikkje stor tiltru til systemet, men aktivisten Haby (Anta Diaw) kjempar for å forbetre tilhøva i den falleferdige bustadblokka deira.
Foto: Laurent le Crabe
Oppussinga
Ladj Ly lenar seg mot melodrama etter ein rå debut.