Inn til kaoskreftene i oss
Manes er rått, primitivt og direkte om det dyriske og instinktive.
I det baskiske gjestespelet er publikum tett på skodespelarane.
Foto: Anita Vedå
Teater
La Fura dels Baus:
Manes
Regi og konsept: Pera Tantiñà
Video: Pep Pujol
Festspillene / Grieghallen
Kor ofte blir du før ei framsyning møtt med ei oppmoding om å gå med klede som kan vaskast? Ikkje ofte, men slik er det med dette baskiske gjestespelet. Og tilrådd alder for publikum er «frå 16 år». Åtvaringane skal vise seg å vere på sin plass.
Manes er fysisk og ekstremt teater, ingen publikummar kan kjenne seg trygg. Heile det svære scenerommet i Grieghallen er teke i bruk, og som tilskodarar bevegar vi oss stadig mellom aktørane – eller omvendt. Det skjer ting på fleire stader om lag samstundes, og berre skiftande lys og lyd fortel kor vi skal vende merksemda. Stadig risikerer vi å bli rende i senk av skodespelarar som kjem brasande fram med ulike remediar, eller dei dreg tunge vogner eller høge master over det spegelglatte golvet. Innimellom haglar kjøtstrimlar, fruktbetar, mjøl og eg veit ikkje kva over oss. Eller vi blir spylte med vatn og anna væske. Det som skjer på scenen, er eit sant kaos, akkompagnert av ei blanding av støy og tung, hamrande puls.
Det er visst dei menneskelege urkreftene som er sleppte laus, knytte til fødsel, død, sex og mat. Så primitivt og uforedla som tenkjast kan, og heile tida i stadig rørsle. Å få med seg alt i dette stasjonsspelet er uråd, det er vel heller ikkje naudsynt. Som happening er dette fascinerande, men ut over det? Eller som protest mot eit samfunn der menneskeverdet druknar i teknologi? Eg veit ikkje heilt. Tanken på keisarens nye klede kom snikande undervegs. Og på dei som skulle vaske og rydde opp etter utskeiingane.
Jan H. Landro
Jan H. Landro er journalist og fast skribent i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Teater
La Fura dels Baus:
Manes
Regi og konsept: Pera Tantiñà
Video: Pep Pujol
Festspillene / Grieghallen
Kor ofte blir du før ei framsyning møtt med ei oppmoding om å gå med klede som kan vaskast? Ikkje ofte, men slik er det med dette baskiske gjestespelet. Og tilrådd alder for publikum er «frå 16 år». Åtvaringane skal vise seg å vere på sin plass.
Manes er fysisk og ekstremt teater, ingen publikummar kan kjenne seg trygg. Heile det svære scenerommet i Grieghallen er teke i bruk, og som tilskodarar bevegar vi oss stadig mellom aktørane – eller omvendt. Det skjer ting på fleire stader om lag samstundes, og berre skiftande lys og lyd fortel kor vi skal vende merksemda. Stadig risikerer vi å bli rende i senk av skodespelarar som kjem brasande fram med ulike remediar, eller dei dreg tunge vogner eller høge master over det spegelglatte golvet. Innimellom haglar kjøtstrimlar, fruktbetar, mjøl og eg veit ikkje kva over oss. Eller vi blir spylte med vatn og anna væske. Det som skjer på scenen, er eit sant kaos, akkompagnert av ei blanding av støy og tung, hamrande puls.
Det er visst dei menneskelege urkreftene som er sleppte laus, knytte til fødsel, død, sex og mat. Så primitivt og uforedla som tenkjast kan, og heile tida i stadig rørsle. Å få med seg alt i dette stasjonsspelet er uråd, det er vel heller ikkje naudsynt. Som happening er dette fascinerande, men ut over det? Eller som protest mot eit samfunn der menneskeverdet druknar i teknologi? Eg veit ikkje heilt. Tanken på keisarens nye klede kom snikande undervegs. Og på dei som skulle vaske og rydde opp etter utskeiingane.
Jan H. Landro
Jan H. Landro er journalist og fast skribent i Dag og Tid.
Fleire artiklar
Foto: Terje Pedersen / NTB
FHI svikter sitt samfunnsoppdrag
«Det er svært viktig at FHI er tydelig overfor publikum på at de ikke jobber med årsaken til long covid.»
Eirik Holmøyvik har trekt seg trekt seg som forskingsleiar ved Det juridiske fakultet i Bergen.
Foto: Kim E. Andreassen / UiB
Israel-boikott splittar akademia
Jussprofessor Eirik Holmøyvik prøvde å få omgjort vedtaket om Israel-boikott ved Det juridiske fakultetet i Bergen, men vart røysta ned. No har han trekt seg som forskingsleiar ved fakultetet.
Anne Kalvig er religionsvitar og tidlegare professor ved Universitetet i Stavanger. I fjor etablerte ho Medvit forlag.
Foto: Anja Bakken
Tru og tvil
Vi må framleis snakke om kvinner og menn. Men kan vi ikkje samstundes ta rimeleg omsyn til dei andre?
Emilie Enger Mehl avbilda på veg til pressetreff på Grøndland for å presentere Revidert nasjonalbudsjett, 14.05.2024. I budsjettet vert det mellom anna satt av penger til å reversere domstolsreforma. Foto: Javad Parsa / NTB.
Javad Parsa
– Uforståeleg domstolsendring
Sorenskrivar Kirsti Høegh Bjørneset er kritisk til at regjeringa vil reversere domstolsreforma.
Foto: Universitetet i Bergen
Nord-Noreg ord for ord
Bak Nordnorsk ordbok ligg livsverket til ein stor kvinneleg språkforskar frå Lofoten. Ho kjempa seg forbi mange hinder, men møtte alltid nye og fekk aldri anerkjenninga ho fortente.