Eit
vakkert møte
Lena Kvitvik spelar den vesle prinsen.
Foto: Gisle Bjørneby
NORDLAND TEATER
ANTOINE de SAINT-
EXUPÉRY:
Den lille prinsen
OMSETJING, DRAMATISERING, REGI, MANUS, SCENOGRAFI, KOSTYME: BIRGITTE STRID
Det ser ikkje ut til å ha plaga teatersjef Birgitte Strid at ho har måtta ha hand om dei aller fleste funksjonar for å få denne allalderklassikaren opp på scena. Strid har eit godt grep om det meste og har skapt ei vakker og stemningsfull framsyning, der også vemodet får sin plass.
Historia om piloten som må naudlande i Sahara-ørkenen og der møter ein ung prins som på mystisk vis har komme til jorda frå ein fjern asteroide, B612, er like fortryllande i dag som då den korte romanen låg føre for 75 år sidan. Ho er rik på refleksjon og livsvisdom. Den unge prinsen stiller heile tida spørsmål, men får ikkje så mange svar. Det som likevel gjer denne forteljinga så innhaldsrik, er at piloten har mykje av barnet og det barnlege tenkjesettet i behald.
Dei står svært godt til kvarandre, dei to som er aleine på scenen. Lena Kvitvik er ein ung prins full av undring og med ein logikk som er heilt hans eigen. Og i Andreas Kolstad har prinsen fått ein motspelar som i mangt er på same nivå som han. Likevel blir dette eit møte – eit produktivt møte – mellom det barnlege og det vaksne, fantasi og røyndom. Ei forteljing med sin eigen poesi.
Alt ved denne oppsetjinga er enkelt, og det fungerer godt. Bak på scenen står ein «himmelstige» som er stilt skrått og som prinsen kan klatre i og hente hjelpemiddel i, men som òg kan gjere teneste som stjernestrødd himmelkvelving.
Det er to einsame sjeler som møtest på den heite ørkensanden. Dei finn kvarandre i eit venskap som dei stundom rett nok også prøver å spøkje bort. Men dei veit at det kan ikkje vare. Piloten arbeider med å få ordna flymotoren, prinsen ventar på melding om at han skal vende attende til si verd. Så skilst dei.
Var det berre ein draum?
Jan H. Landro
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
NORDLAND TEATER
ANTOINE de SAINT-
EXUPÉRY:
Den lille prinsen
OMSETJING, DRAMATISERING, REGI, MANUS, SCENOGRAFI, KOSTYME: BIRGITTE STRID
Det ser ikkje ut til å ha plaga teatersjef Birgitte Strid at ho har måtta ha hand om dei aller fleste funksjonar for å få denne allalderklassikaren opp på scena. Strid har eit godt grep om det meste og har skapt ei vakker og stemningsfull framsyning, der også vemodet får sin plass.
Historia om piloten som må naudlande i Sahara-ørkenen og der møter ein ung prins som på mystisk vis har komme til jorda frå ein fjern asteroide, B612, er like fortryllande i dag som då den korte romanen låg føre for 75 år sidan. Ho er rik på refleksjon og livsvisdom. Den unge prinsen stiller heile tida spørsmål, men får ikkje så mange svar. Det som likevel gjer denne forteljinga så innhaldsrik, er at piloten har mykje av barnet og det barnlege tenkjesettet i behald.
Dei står svært godt til kvarandre, dei to som er aleine på scenen. Lena Kvitvik er ein ung prins full av undring og med ein logikk som er heilt hans eigen. Og i Andreas Kolstad har prinsen fått ein motspelar som i mangt er på same nivå som han. Likevel blir dette eit møte – eit produktivt møte – mellom det barnlege og det vaksne, fantasi og røyndom. Ei forteljing med sin eigen poesi.
Alt ved denne oppsetjinga er enkelt, og det fungerer godt. Bak på scenen står ein «himmelstige» som er stilt skrått og som prinsen kan klatre i og hente hjelpemiddel i, men som òg kan gjere teneste som stjernestrødd himmelkvelving.
Det er to einsame sjeler som møtest på den heite ørkensanden. Dei finn kvarandre i eit venskap som dei stundom rett nok også prøver å spøkje bort. Men dei veit at det kan ikkje vare. Piloten arbeider med å få ordna flymotoren, prinsen ventar på melding om at han skal vende attende til si verd. Så skilst dei.
Var det berre ein draum?
Jan H. Landro
Fleire artiklar
Teikning: May Linn Clement
Å forveksla aggressor med forsvarar
«Etter at Putin kom til makta hausten 1999, har Russland ført ei heil rad med krigar.»
Den nyfødde kalven.
Foto: Hilde Lussand Selheim
Ei ny Ameline er fødd
Vårsøg – også kalla Tripso sidan ho var så skvetten som ung, spissa øyro for ingenting og trippa med beina inn og ut av fjøset – fekk ein ny kalv natt til 13. mai.
Emma (Fanny L. Bornedal) arbeider som nattevakt ved rettsmedisinsk institutt, der foreldra i si tid vart utsette for drapsforsøk.
Foto: Another World Entertainment
Skrekkeleg skuffande
Likte du Nattevakten, kjem du ikkje til å elska Nattevakten: Demoner går i arv, dersom det var det du håpte på.
Som låtskrivar er Jessica Pratt meir oppteken av stemningar enn forteljingar, meiner Øyvind Vågnes.
Foto: Samuel Hess
Mindre er meir
Den nye plata til Jessica Pratt, Here in the Pitch, er hennar beste så langt.
Blaz (Aristote Luyindula) (t.v.) har ikkje stor tiltru til systemet, men aktivisten Haby (Anta Diaw) kjempar for å forbetre tilhøva i den falleferdige bustadblokka deira.
Foto: Laurent le Crabe
Oppussinga
Ladj Ly lenar seg mot melodrama etter ein rå debut.