Eit sterkt ja til livet
Ei varmande framsyning til muntrasjon og ettertanke.
Johanna Mørck er åleine på scena.
Foto: Teatret Vårt
Teatret Vårt, Molde
Duncan Macmillian og Jonny Donahue:
Alle fantastiske ting
Omsett av: Hans Morten Hansen
Regi: Kjersti Botn Sandal
Den enkle og evig aktuelle bodskapen i dette stykket har adresse til alle som slit: Hald ut! Livet er alltid verdt å leve.
Ei sju år gammal jente opplever at mor hennar hamnar på sjukehus etter eit sjølvmordsforsøk. På venterommet gir jenta seg til å lage ei liste over ting som gjer livet verdt å leve, til trøyst for dei begge. Frå iskrem via overraskingar til gamle menneske som er snille og ikkje er merkelege og ikkje luktar rart. Lista veks og veks og følger jenta gjennom livet.
Framsyninga er ein monolog, ei historie fulle av rare, små ting som kallar på latteren og ettertanken. Det er også eit stykke som føreset samspel med publikum, som får utdelt nummererte lappar med «fantastiske ting» dei skal lese opp når hovudpersonen ber om det. Men det er ikkje alltid føreseieleg korleis publikummarane agerer, og her syner Johanna Mørck eit imponerande scenisk nærvær og kjapp evne til å improvisere.
Med si sterke utstråling og fine evne til kommunikasjon etablerer Mørck raskt kontakt med publikum. Framsyninga svingar mellom humor og djupt alvor, og desse svingingane taklar ho fint. Spelet hennar er inderleg og inkluderande, uttrykksfullt og vitalt med god taiming og verknadsfulle pausar. På premieren verka ho til tider litt hektisk og nervøs, men det går seg nok til.
Debuterande Kjersti Botn Sandal har hatt ei stø hand på regien.
Jan H. Landro
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Teatret Vårt, Molde
Duncan Macmillian og Jonny Donahue:
Alle fantastiske ting
Omsett av: Hans Morten Hansen
Regi: Kjersti Botn Sandal
Den enkle og evig aktuelle bodskapen i dette stykket har adresse til alle som slit: Hald ut! Livet er alltid verdt å leve.
Ei sju år gammal jente opplever at mor hennar hamnar på sjukehus etter eit sjølvmordsforsøk. På venterommet gir jenta seg til å lage ei liste over ting som gjer livet verdt å leve, til trøyst for dei begge. Frå iskrem via overraskingar til gamle menneske som er snille og ikkje er merkelege og ikkje luktar rart. Lista veks og veks og følger jenta gjennom livet.
Framsyninga er ein monolog, ei historie fulle av rare, små ting som kallar på latteren og ettertanken. Det er også eit stykke som føreset samspel med publikum, som får utdelt nummererte lappar med «fantastiske ting» dei skal lese opp når hovudpersonen ber om det. Men det er ikkje alltid føreseieleg korleis publikummarane agerer, og her syner Johanna Mørck eit imponerande scenisk nærvær og kjapp evne til å improvisere.
Med si sterke utstråling og fine evne til kommunikasjon etablerer Mørck raskt kontakt med publikum. Framsyninga svingar mellom humor og djupt alvor, og desse svingingane taklar ho fint. Spelet hennar er inderleg og inkluderande, uttrykksfullt og vitalt med god taiming og verknadsfulle pausar. På premieren verka ho til tider litt hektisk og nervøs, men det går seg nok til.
Debuterande Kjersti Botn Sandal har hatt ei stø hand på regien.
Jan H. Landro
Fleire artiklar
Foto: Vibeke Ekeland Grønn
«For nokre månader sidan fekk eg eit anonymt tips i posthylla på jobben»
Skodespelarane Joseph Engel (Bastien) og Sara Montpetit (Chloé) i regidebuten til Charlotte Le Bon.
Foto: Cinemateket
Søte sommarskrømt
Falcon Lake er ein ven og var knalldebut frå Quebec.
Palestinarar på veg ut av Rafah måndag, etter at Israel varsla nye åtak i byen lengst sørvest i Gaza.
Foto: Ramadan Abed / Reuters / NTB
Den raude streken i Rafah
Kanskje skal sluttspelet i Gaza-krigen stå i Rafah. Det blir neppe kort.
Titusenvis av menneske har samla seg framfor parlamentet i Tbilisi dei siste vekene, i protest mot det dei kallar «den russiske lova».
Foto: Ida Lødemel Tvedt
Krossveg i den georgiske draumen
TBILISI: Demonstrasjonane i Georgia kjem til å eskalere fram mot 17. mai.
Mange meiner at det er no landet tek vegvalet mellom Russland og Vesten.
Utvalsleiar Line Eldring leverer NOU-rapporten om EØS-avtalen til utanriksminister Espen Barth Eide (Ap).
Foto: Terje Pedersen / NTB