Draum og røyndom i muntert spel
Tankespelet er morosamt, men går ikkje inn i teaterhistoria.
Skodespelarane blir inviterte inn i ein teaterleik.
Foto: Magnus Skrede
DEN NATIONALE SCENE, TEATERKJELLEREN
KAMILLA WARGO
BREKLING:
Plutselig står jeg igjen med meg selv i hånden og ser utover byen …
REGI: KAMILLA WARGO BREKLING
MANUS: KAMILLA WARGO BREKLING, KARINA DICHOV LUND OG DEI MEDVERKANDE
SCENOGRAFI/KOSTYME: SVEN HARALDSSON
MED: KAMILLA GRØNLI HARTVIG, RENY M.G. FOLGERØ, MARIANNE NIELSEN, IRENE WAAGE, KJERSTI ELVIK
Danske Kamilla Wargo Brekling og medspelar Karina Dichov Lund har invitert fem kvinnelege skodespelarar med på ein teaterleik der manuset og framsyninga blir til i prøvetida. Grunnlag for oppsetjinga er intervju Brekling har hatt med dei fem om draumane og røynslene deira.
Som kjent kan det vere stor avstand mellom det vi drøymer om, og det vi opplever. Slik er det også i dette stykket, som er laust sett saman av korte innslag, med kontrasten mellom draum og brutal røyndom som berande tema. Og konklusjonen er klar: Røyndommen har ikkje ein sjanse!
Veggane i scenerommet er rosa, sjølvsagt, og aktørane vassar i rekvisittar, medrekna fleire gardintrapper og ein kvit elefant. Framsyninga opnar med at dei fem presenterer ønske for alle mellom fem og 105 år. Det kan vere frå det heilt enkle slaget til dei villaste millionærdraumar. Vi ser kor lite som ofte kan utløyse dei største dagdraumane – og kor fjerne dei kan vere frå det vi står oppe i og realistisk sett kan håpe på.
Dessutan: Er ønskedraumar berre av det gode? Kan dei ikkje gjere oss slitne? Gjer dei ikkje noko med korleis vi opplever kvardagen og det nære? Tek dei kanskje òg bort noko av glansen ved det gode vi trass alt har kring oss?
Framsyninga er ei stund til ettertanke, og det har jo aldri gjort vondt.
JAN H. LANDRO
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
DEN NATIONALE SCENE, TEATERKJELLEREN
KAMILLA WARGO
BREKLING:
Plutselig står jeg igjen med meg selv i hånden og ser utover byen …
REGI: KAMILLA WARGO BREKLING
MANUS: KAMILLA WARGO BREKLING, KARINA DICHOV LUND OG DEI MEDVERKANDE
SCENOGRAFI/KOSTYME: SVEN HARALDSSON
MED: KAMILLA GRØNLI HARTVIG, RENY M.G. FOLGERØ, MARIANNE NIELSEN, IRENE WAAGE, KJERSTI ELVIK
Danske Kamilla Wargo Brekling og medspelar Karina Dichov Lund har invitert fem kvinnelege skodespelarar med på ein teaterleik der manuset og framsyninga blir til i prøvetida. Grunnlag for oppsetjinga er intervju Brekling har hatt med dei fem om draumane og røynslene deira.
Som kjent kan det vere stor avstand mellom det vi drøymer om, og det vi opplever. Slik er det også i dette stykket, som er laust sett saman av korte innslag, med kontrasten mellom draum og brutal røyndom som berande tema. Og konklusjonen er klar: Røyndommen har ikkje ein sjanse!
Veggane i scenerommet er rosa, sjølvsagt, og aktørane vassar i rekvisittar, medrekna fleire gardintrapper og ein kvit elefant. Framsyninga opnar med at dei fem presenterer ønske for alle mellom fem og 105 år. Det kan vere frå det heilt enkle slaget til dei villaste millionærdraumar. Vi ser kor lite som ofte kan utløyse dei største dagdraumane – og kor fjerne dei kan vere frå det vi står oppe i og realistisk sett kan håpe på.
Dessutan: Er ønskedraumar berre av det gode? Kan dei ikkje gjere oss slitne? Gjer dei ikkje noko med korleis vi opplever kvardagen og det nære? Tek dei kanskje òg bort noko av glansen ved det gode vi trass alt har kring oss?
Framsyninga er ei stund til ettertanke, og det har jo aldri gjort vondt.
JAN H. LANDRO
Fleire artiklar
Christine Hope, Thomas Bye og Gisle Børge Styve står på scenen i revyen om E16.
Foto: Andreas Roksvåg
Syltynt
E16 Dødsvegen er ei framsyning som har lite å melde – og som melder det i over halvannan time.
Eskil Skjeldal har skrive fleire bøker, både sakprosa og romanar.
Foto: Vegard Giskehaug
Der mørkeret bur
Eskil Skjeldal er ikkje redd for å gå dit det gjer mest vondt.
Foto: Terje Pedersen / NTB
Tendensiøs statistikk om senfølger
Myndighetene må anerkjenne at senfølger eksisterer og utgjør et samfunnsproblem.
Klima- og miljøminister Andreas Bjelland Eriksen (Ap)
Foto: Javad Parsa / NTB
Bedre forhold for villreinen
Villreinen som lever i fjellområdene i Sør-Norge, sliter. Skal vi lykkes med å snu utviklingen, må vi finne løsninger sammen.
Titusenvis av menneske har samla seg framfor parlamentet i Tbilisi dei siste vekene, i protest mot det dei kallar «den russiske lova».
Foto: Ida Lødemel Tvedt
Krossveg i den georgiske draumen
TBILISI: Demonstrasjonane i Georgia kjem til å eskalere fram mot 17. mai.
Mange meiner at det er no landet tek vegvalet mellom Russland og Vesten.