J.Lo, før og no
Jennifer Lopez er i storform på sitt første album på ti år.
Pop / RnB
Jennifer Lopez:
This Is Me...Now
Nuyorican / BMG
This Is Me...Now er tittelen på soul- og latinpop-ikonet Jennifer Lopez’ niande album og ein oppfølgjar til hennar tredje plate, This Is Me...Then frå 2002. «Now» og «then», «no» og «då», «altså», «då»: Kven har vel – eigentleg – nokosinne vore i stand til å motstå den spretne synkoperte vokalen og silkemjukt knallharde stilen i megahiten hennar «Jenny From The Block»? På This Is Me...Now er det ei modna utgåve av old school J.Lo-stil som vert servert, og ho er i storform i den opne handsaminga av eksistensen som gjenstand for sladderbladspekulasjon og ekte menneske.
«Dette er ei sjelfull plate der Jennifer viser musikalske musklar.»
Knasande sprø trommer piskar trommehinnene i sving og jagar nervesystemet inn i dansemodus. Chaka Khan har bidratt med vokal på den storbandfunkliknande songen «Can’t Get Enough». «Rebound», med sin forknytte musikkvideo og urovekkande lyriske parforholdstankefelledans i glashus, oser av klassisk R&B à la Destiny’s Child og Christina Aguilera kring år 2000. Djupe pianoakkordar og svære strykarar vert blanda inn i miksturen på «Hearts And Flowers», og dei stadfester (svart på kvitt og bokstaveleg) at 54-åringen stadig er Jenny frå blokka.
Dette er ei sjelfull plate der Jennifer viser musikalske musklar. I møte med slikt som dette skal ein vere høveleg kontrollert for å halde hoftebøyarar og nakkemusklar i sjakk. I ljos av handsaminga hennar av livets flokete karakter kan ein vel seie at vi alle er Jennifer Lopez no og då.
Rasmus Hungnes
Rasmus Hungnes er kunstnar, musikar og fast musikkmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Pop / RnB
Jennifer Lopez:
This Is Me...Now
Nuyorican / BMG
This Is Me...Now er tittelen på soul- og latinpop-ikonet Jennifer Lopez’ niande album og ein oppfølgjar til hennar tredje plate, This Is Me...Then frå 2002. «Now» og «then», «no» og «då», «altså», «då»: Kven har vel – eigentleg – nokosinne vore i stand til å motstå den spretne synkoperte vokalen og silkemjukt knallharde stilen i megahiten hennar «Jenny From The Block»? På This Is Me...Now er det ei modna utgåve av old school J.Lo-stil som vert servert, og ho er i storform i den opne handsaminga av eksistensen som gjenstand for sladderbladspekulasjon og ekte menneske.
«Dette er ei sjelfull plate der Jennifer viser musikalske musklar.»
Knasande sprø trommer piskar trommehinnene i sving og jagar nervesystemet inn i dansemodus. Chaka Khan har bidratt med vokal på den storbandfunkliknande songen «Can’t Get Enough». «Rebound», med sin forknytte musikkvideo og urovekkande lyriske parforholdstankefelledans i glashus, oser av klassisk R&B à la Destiny’s Child og Christina Aguilera kring år 2000. Djupe pianoakkordar og svære strykarar vert blanda inn i miksturen på «Hearts And Flowers», og dei stadfester (svart på kvitt og bokstaveleg) at 54-åringen stadig er Jenny frå blokka.
Dette er ei sjelfull plate der Jennifer viser musikalske musklar. I møte med slikt som dette skal ein vere høveleg kontrollert for å halde hoftebøyarar og nakkemusklar i sjakk. I ljos av handsaminga hennar av livets flokete karakter kan ein vel seie at vi alle er Jennifer Lopez no og då.
Rasmus Hungnes
Rasmus Hungnes er kunstnar, musikar og fast musikkmeldar i Dag og Tid.
Fleire artiklar
Christian Treutmann-orgelet frå 1737 i stiftskyrkja St. Georg i Grauhof.
Foto via Wikimedia Commons
Monumental pedal
Masaaki Suzukis frasering gjev rom for smertelege dissonansar.
Trålar utanfor Måløy sentrum.
Foto: Gorm Kallestad / NTB
Barents blues, også et flytende samfunn
Min tiårige til-og-fra-periode i den tøffe trålbobla har preget meg nokså sterkt.
Ludmila Shabelnyk syner bilete av sonen Ivan i landsbyen Kapitolivka ved Izium i Ukraina, 25. september 2022. Russiske okkupasjonsstyrkar mishandla Ivan grovt før dei drap han. Landsbyen vart seinare gjenerobra av ukrainske styrkar.
Foto: Evgeniy Maloletka / AP / NTB
Overgrep som skakar folkeretten
Okkupasjonsmakta Russland viser ingen respekt for konvensjonen som skal verne sivile i krig.
Det oppstår misvisande biletet av at covid-19 forårsakar Alzheimer, meiner Preben Aavitsland ve FHI.
Foto: Erik Johansen / NTB
Meir om seinfølgjer
Den årlege rapporten FHI har publisert, syner at dødeligheita blant personar under 40 år har vore nokså stabil sidan 2015.
Salman Rushdie har skrive 15 romanar. Den siste boka handlar om knivåtaket på han i 2022.
Foto: Rachel Eliza Griffiths
Ein takk til livet
Salman Rushdie nyttar språket som terapi.