Bitande varm folketechno
Remutes nyaste spelkonsollproduksjon, som er laga for Atari Jaguar, bit frå seg som det mest kosete rovdyr.
Samandrag
Oppsummeringa er laga av AI-vertkøyet ChatGTP
Elektronisk
musikk
Remute:
There Is Hope
Bandcamp
Hamburgske Remute er tilbake med eit album på obskurt spelkonsollformat, og denne gongen er det Atari Jaguar frå 1993, den første «64-bits»-spelkonsollen, som er avspelar. Jaguar var ein spektakulær marknadsflopp, og dei færraste har nok ein slik konsoll kopla opp til hi-fi-anlegget. Frykt ikkje, det er håp, for There Is Hope er tilgjengeleg i vanlege digitale format òg.
På menyen står fengjande techno med knasande sprø trommer og ihuga, songbare synthbassliner som sender tankane til new wave-musikk à la New Order og Kraftwerk. Sistnemnde var viktig for utviklinga av arbeidarklassesjangeren «Detroit techno», som fann inspirasjon i rommet mellom dette tyske maskinmusikkpionerbandet, George Clinton og Parliament-Funkadelics p-funk, med maskinell kulde og varm funk som dannar grunnlaget for miksturen: kvasse tenner og mjuk, varm pels.
På «Unknown Walker» glideflyg frosne synthliner over urbane ruinar, og på «Oblivious» poppar kornete syntharpeggiato halvvegs lystig i veg medan synthpop-vokalen viser til Bowies cyberpunkete utflukter på albumet Outside. Remutes songstemme osar ikkje akkurat av virtuositet, men funkar til føremålet: Når eg høyrer den heller kvarmannslege kaukinga på tittelsporet på «There Is Hope», får eg assosiasjonar til Joy Devision, forgjengaren til nemnde New Order.
«Come together», syng han med laus intonasjon, inkluderande, folkeleg, demokratisk. Bruken av gløymd teknologi læt på den eine sida som ei åtvaring, men så er det jo håp i dystopien, som tittelen seier. Dersom vi kjem saman om eit felles mål, som vi må no, då.
Rasmus Hungnes
Rasmus Hungnes er kunstnar, musikar og fast musikkmeldar i Dag og Tid.
Fleire artiklar
Det oppstår misvisande biletet av at covid-19 forårsakar Alzheimer, meiner Preben Aavitsland ve FHI.
Foto: Erik Johansen / NTB
Meir om seinfølgjer
Den årlege rapporten FHI har publisert, syner at dødeligheita blant personar under 40 år har vore nokså stabil sidan 2015.
Gukesh kan verta den klart yngste verdsmeisteren i historia. Carlsen var nesten fem år eldre då han vann kandidatturneringa og vart verdsmeister i 2013.
Foto: Maria Jemeljanova / Fide
«Sjølv har eg heller aldri sett ein så mogen 17-åring, korkje på eller utanfor sjakkbrettet.»
Line Eldring har leidd utvalet som tilrår at Noreg både bør vidareføre og utvide samarbeidet med EU på nye område framover. Ho la nyleg fram utgreiinga «Norge og EØS: Utviklinger og erfaringer» for utanriksminister Espen Barth Eide.
Foto: Terje Pedersen / NTB
Veksande fjernstyre
Tilknytinga vår til EU veks og veks, både gjennom EØS-avtalen og utanfor, ifølgje ei ny utgreiing. Og det er få som kjenner heilskapen.
Kina fyrer på alle sylindrane: Ingen bygger ut så mykje kolkraft som kinesarane gjer. Biletet viser eit kolkraftverk i Dingzhou i Hebei-provinsen.
Foto: Ng Han Guan / AP / NTB
Ein straum av problem
Straumforbruket i verda aukar framleis raskare enn fornybar kraftproduksjon. Kolkraftverk skal varme kloden i mange år enno.
Ludmila Shabelnyk syner bilete av sonen Ivan i landsbyen Kapitolivka ved Izium i Ukraina, 25. september 2022. Russiske okkupasjonsstyrkar mishandla Ivan grovt før dei drap han. Landsbyen vart seinare gjenerobra av ukrainske styrkar.
Foto: Evgeniy Maloletka / AP / NTB
Overgrep som skakar folkeretten
Okkupasjonsmakta Russland viser ingen respekt for konvensjonen som skal verne sivile i krig.