Fotball, forfall og håp
Bakteppet når Rune Slagstads idéhistorie om sporten har kome i oppdatert versjon, er at fotballkorrupsjonen berre har blitt verre. Men finst det håp?
Rune Slagstad er aktuell med boka Den meningsløse sporten (2023), som er ein revidert versjon av delar av boka Sporten frå 2008.
Foto: Vidar Sandnes
Bokkommentar
Svein Tuastad
redaksjonen@dagogtid.no
Boka Den meningsløse sporten (2023) er ein revidert versjon av delar av Rune Slagstads bok Sporten frå 2008. Eg las det nye avsluttingskapittelet «Den korrupte fotballen som øyeblikksreligion» med interesse i lys av all sportsvaskinga som går føre seg, og at heimebana til Erling Braut Haaland heiter Etihad Stadium og bana til Martin Ødegaard ikkje lenger er Highbury, men Emirates. Kvar er sporten og fotballen på veg?
La meg først samanfatte nokre av hovudpoenga i boka til Slagstad. Slagstad viser korleis sporten fylte eit tomrom i samfunnet da dei store forteljingane svann inn. Ut med Gud og kommunismen, inn med kroppsdyrking, massekultur og å nyte stunda. Som Slagstad elegant formulerer det, sporten var ikkje ein erstatningsreligion, men sporten vart religionserstatning. Sporten kom til å bli «øyeblikkets kult».
Det er ein god ting at Slagstad identifiserer kva som er kjernen i all sport. Kvart utforrenn, kvar spydkastkonkurranse eller fotballkamp er målbar kroppsleg tevling, avgrensa i tid og rom. Konkurranse med kroppsutfalding skaper i sport konsentrert spenning for tilskodaren. Det er som på ein teaterscene – men utan manus og der det alltid er open slutt. Sport er augneblinksdrama som ikkje har meining utanfor seg sjølv.
«I sum endar Slagstad med ein mollstemt tilstandsrapport om samfunnet og sporten.»
Det sosiale i fotballen
I det nye avsluttingskapittelet «Den korrupte fotballen som øyeblikksreligion» peiker Slagstad med rette på at sjølv om sportskapitalismen er eit samansurium av sportsvasking, korrupsjon og hysteriske spelarlønningar, benkar vi oss like fullt føre skjermen. Slagstad slår fast at den korrupte fotballen framleis har massiv appell, også i dei demokratisk opplyste landa. I ei fortetta formulering skriv han: «Fotballkulturen har antatt estetisk-religiøse dimensjoner som trumfer – eller blender for – de politisk-økonomiske dimensjoner.»
Slagstad har med nokre referansar til tilknyting og tilhøyrsle når han, som rett er, slår fast at også sosiale aspekt høyrer med. Men dei forsvinn raskt – for raskt, vil eg påstå – frå synsranda hans, dei som fortvilar når familieselskap kolliderer med kampen, kaffikokarane til fjerdedivisjonslaget, dei som støttar opp om barnefotballen og gjer fotball og idrett til vår største folkerørsle.
For det ville gitt meir tyngde dersom kulturanalysen hadde vorte kopla tettare saman med rolla fotball spelar i lokalsamfunna.
Dette rører ved eit større tema som Slagstads bok blæs liv i, om kva sporten fortel om samfunnsutviklinga, om økonomisk og kulturell globalisering og om politiske motkrefter.
I Slagstads teoretiske perspektiv har tida rent ut for dei større kollektive politiske prosjekta. Han skriv: «Horisonten er ikke moderniteten: fremskritt, arbeid og demokrati, men snarere den foruroligende postmodernitet: flyktighet, overflate og begjær.» I sum endar han med ein mollstemt tilstandsrapport om samfunnet og sporten. Men kor treffande er ein slik analyse?
I 2021 protesterte Chelsea-tilhengjarar mot at klubben skal vere med i den planlagde superligaen.
Foto: Matt Dunham / AP / NTB
Motkrefter må med
Avsløringane av korrupsjon og den ekstreme pengegaloppen gjer at ei stygg side av sporten kjem til syne. At det kritiske blikket trengst, er opplagt. Men eg vil spørje, vert Slagstad og andre med han likevel for unyanserte? Det må vere viktig å få med motkreftene også når sport og fotball vert assosierte med kynisme, sportsvasking og korrupt gubbemakt.
Ved første blikk kan to sentrale hendingar kalle på resignasjonen. For det første, på Fifa-kongressen i 2022 gjekk den norske fotballpresidenten Lise Klaveness opp på podiet og talte Fifa-toppane midt imot. Det var strålande! Men etter det, kunne ein innvende, har det ikkje skjedd endringar i Fifa. Så det var vel helst fånyttes, kunne ein tenkt.
Deretter gjeld ei anna viktig hending, Superligaen, nemleg initiativet frå europeiske toppklubbar som ville ha ein endå større del av den økonomiske kaka utan å måtte ta sosiale omsyn. Like før jul slo EU-domstolen fast at ein superliga ville vere lovleg etter dagens regelverk. Igjen grunn til pessimisme.
Men så endrar biletet seg om perspektivet vert justert eit par knepp. Lise Klaveness har trass alt allereie oppnådd at det framleis er stor merksemd mot VM-arrangørane når det gjeld sosiale rettar. Dessutan set ho vala til Fifa- og Uefa-styra på dagsordenen. Ho representerer eit symbol og motkrefter – noko å slåst for, nokon å slåst med.
Og Superligaen, kraftig mobilisering frå fans i England og ikkje minst langsamt politisk papirarbeid, først i eit fansinitiert utval i England og så etter kvart i den britiske regjeringa, ser ut til å hindre deltaking frå engelske klubbar. Dette vil i praksis stoppe Superligaen. Fotballfolket var ikkje fullstendig blenda og utan motmakt likevel.
Ikkje-vestleg eigarskap
Eg vil til slutt også driste meg inn på den meir ømtolige saka som gjeld eigarskapet til ikkje-vestlege oljestatar.
I dag vert det oppfatta som greitt om eigargrupper i oljestatar kjøper seg inn i slike verksemder som europeiske bankar og transportselskap. Men det er ikkje på same måten for fotballklubbane, der det helst skal vere vestlege eigarar. Spørsmålet er: Kan det vere urimeleg å leggje tyngre moralske byrder på skuldrene til sportsføretak samanlikna med andre føretak i dagens globaliserte økonomi? Eller vert det apologetisk å sjå det på denne måten?
Svaret er ikkje opplagt. Men det er verdt å minne om at når fleire land vert del av den globale fotballkulturen, betyr det i regelen meir og ikkje mindre merksemd om menneskerettane.
Svein Tuastad
Svein Tuastad er statsvitar ved Universitetet i Stavanger.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Bokkommentar
Svein Tuastad
redaksjonen@dagogtid.no
Boka Den meningsløse sporten (2023) er ein revidert versjon av delar av Rune Slagstads bok Sporten frå 2008. Eg las det nye avsluttingskapittelet «Den korrupte fotballen som øyeblikksreligion» med interesse i lys av all sportsvaskinga som går føre seg, og at heimebana til Erling Braut Haaland heiter Etihad Stadium og bana til Martin Ødegaard ikkje lenger er Highbury, men Emirates. Kvar er sporten og fotballen på veg?
La meg først samanfatte nokre av hovudpoenga i boka til Slagstad. Slagstad viser korleis sporten fylte eit tomrom i samfunnet da dei store forteljingane svann inn. Ut med Gud og kommunismen, inn med kroppsdyrking, massekultur og å nyte stunda. Som Slagstad elegant formulerer det, sporten var ikkje ein erstatningsreligion, men sporten vart religionserstatning. Sporten kom til å bli «øyeblikkets kult».
Det er ein god ting at Slagstad identifiserer kva som er kjernen i all sport. Kvart utforrenn, kvar spydkastkonkurranse eller fotballkamp er målbar kroppsleg tevling, avgrensa i tid og rom. Konkurranse med kroppsutfalding skaper i sport konsentrert spenning for tilskodaren. Det er som på ein teaterscene – men utan manus og der det alltid er open slutt. Sport er augneblinksdrama som ikkje har meining utanfor seg sjølv.
«I sum endar Slagstad med ein mollstemt tilstandsrapport om samfunnet og sporten.»
Det sosiale i fotballen
I det nye avsluttingskapittelet «Den korrupte fotballen som øyeblikksreligion» peiker Slagstad med rette på at sjølv om sportskapitalismen er eit samansurium av sportsvasking, korrupsjon og hysteriske spelarlønningar, benkar vi oss like fullt føre skjermen. Slagstad slår fast at den korrupte fotballen framleis har massiv appell, også i dei demokratisk opplyste landa. I ei fortetta formulering skriv han: «Fotballkulturen har antatt estetisk-religiøse dimensjoner som trumfer – eller blender for – de politisk-økonomiske dimensjoner.»
Slagstad har med nokre referansar til tilknyting og tilhøyrsle når han, som rett er, slår fast at også sosiale aspekt høyrer med. Men dei forsvinn raskt – for raskt, vil eg påstå – frå synsranda hans, dei som fortvilar når familieselskap kolliderer med kampen, kaffikokarane til fjerdedivisjonslaget, dei som støttar opp om barnefotballen og gjer fotball og idrett til vår største folkerørsle.
For det ville gitt meir tyngde dersom kulturanalysen hadde vorte kopla tettare saman med rolla fotball spelar i lokalsamfunna.
Dette rører ved eit større tema som Slagstads bok blæs liv i, om kva sporten fortel om samfunnsutviklinga, om økonomisk og kulturell globalisering og om politiske motkrefter.
I Slagstads teoretiske perspektiv har tida rent ut for dei større kollektive politiske prosjekta. Han skriv: «Horisonten er ikke moderniteten: fremskritt, arbeid og demokrati, men snarere den foruroligende postmodernitet: flyktighet, overflate og begjær.» I sum endar han med ein mollstemt tilstandsrapport om samfunnet og sporten. Men kor treffande er ein slik analyse?
I 2021 protesterte Chelsea-tilhengjarar mot at klubben skal vere med i den planlagde superligaen.
Foto: Matt Dunham / AP / NTB
Motkrefter må med
Avsløringane av korrupsjon og den ekstreme pengegaloppen gjer at ei stygg side av sporten kjem til syne. At det kritiske blikket trengst, er opplagt. Men eg vil spørje, vert Slagstad og andre med han likevel for unyanserte? Det må vere viktig å få med motkreftene også når sport og fotball vert assosierte med kynisme, sportsvasking og korrupt gubbemakt.
Ved første blikk kan to sentrale hendingar kalle på resignasjonen. For det første, på Fifa-kongressen i 2022 gjekk den norske fotballpresidenten Lise Klaveness opp på podiet og talte Fifa-toppane midt imot. Det var strålande! Men etter det, kunne ein innvende, har det ikkje skjedd endringar i Fifa. Så det var vel helst fånyttes, kunne ein tenkt.
Deretter gjeld ei anna viktig hending, Superligaen, nemleg initiativet frå europeiske toppklubbar som ville ha ein endå større del av den økonomiske kaka utan å måtte ta sosiale omsyn. Like før jul slo EU-domstolen fast at ein superliga ville vere lovleg etter dagens regelverk. Igjen grunn til pessimisme.
Men så endrar biletet seg om perspektivet vert justert eit par knepp. Lise Klaveness har trass alt allereie oppnådd at det framleis er stor merksemd mot VM-arrangørane når det gjeld sosiale rettar. Dessutan set ho vala til Fifa- og Uefa-styra på dagsordenen. Ho representerer eit symbol og motkrefter – noko å slåst for, nokon å slåst med.
Og Superligaen, kraftig mobilisering frå fans i England og ikkje minst langsamt politisk papirarbeid, først i eit fansinitiert utval i England og så etter kvart i den britiske regjeringa, ser ut til å hindre deltaking frå engelske klubbar. Dette vil i praksis stoppe Superligaen. Fotballfolket var ikkje fullstendig blenda og utan motmakt likevel.
Ikkje-vestleg eigarskap
Eg vil til slutt også driste meg inn på den meir ømtolige saka som gjeld eigarskapet til ikkje-vestlege oljestatar.
I dag vert det oppfatta som greitt om eigargrupper i oljestatar kjøper seg inn i slike verksemder som europeiske bankar og transportselskap. Men det er ikkje på same måten for fotballklubbane, der det helst skal vere vestlege eigarar. Spørsmålet er: Kan det vere urimeleg å leggje tyngre moralske byrder på skuldrene til sportsføretak samanlikna med andre føretak i dagens globaliserte økonomi? Eller vert det apologetisk å sjå det på denne måten?
Svaret er ikkje opplagt. Men det er verdt å minne om at når fleire land vert del av den globale fotballkulturen, betyr det i regelen meir og ikkje mindre merksemd om menneskerettane.
Svein Tuastad
Svein Tuastad er statsvitar ved Universitetet i Stavanger.
Fleire artiklar
Lars Elling har skrive eit portrett av venen Stian Carstensen.
Foto: Trond A. Isaksen
Singel og sanatorium
Lars Elling skriv sprudlande, intelligent overskotsprosa
frå sinnets undergrunn.
Oppsettingar og konsertar er ein viktig og synleg del av skolegangen på musikklinjene. Her frå Hakkebakkeskogen ved Stord vidaregåande skule.
Foto: Stord vgs
Kampen om kunstfaga
Om kunstfaglege linjer ved vidaregåande skolar har livets rett, er ein årleg debatt når elevplassar og kroner skal fordelast.
Den norske fiskeflåten er mangfaldig. Her er ringnotfartøy ved kai i Egersund våren 2017.
Foto: Per Anders Todal
Fiskar er fiskar verst
Striden om kvotemeldinga kan få Fiskarlaget til å rivne.
Mannsutvalet saman med kultur- og likestillingsminister Lubna Jaffery under overrekkinga av rapporten.
Foto: Ole Berg-Rusten
Vil avlive likestillingsmytar
Forskar Mari Teigen ønskjer seg ein kjønnsdebatt bygd på kunnskap.
Statsministeren i Storbritannia, Rishi Sunak, har varsla at dei fyrste flya mot Rwanda skal vere i lufta løpet av ti til tolv veker.
Foto: Toby Melville / Reuters / NTB
Vil nytte Rwanda
som asylskremsel
Den som prøver å ta seg til Storbritannia med båt over Den engelske kanalen for å søkje asyl, risikerer i framtida å verte sett på eit fly til Rwanda utan høve til å returnere.