Zambiske kunstnere

Kunstbanken Hedmark Kunstsenter, Hamar

16. mars–12. mai

Milumbe Haimbe (1974), Anawana Haloba (1978) og Victor Mutelekesha (1976) tematiserer Zambia og Afrika etter frigjeringa. Gjennom film, lyd, tekst og installasjon og skulptur set dei lys på postkolonialisme, økonomisk og sosial undertrykking og maktkamp.

Charlotte Wankel og l’esprit nouveau. Kambo-Kristiania-Paris-Høvik

Galleri F15

2. februar–22. mai

Dette er eit eineståande høve til å verte nærare kjend med kunsten til Charlotte Wankel (1888–1969). Wankel var elev av den franske målaren Henri Matisse i Paris. Ho kom til å markere seg i fransk kunstliv med kraftfulle nyvinningar innanfor det nonfigurative og abstrakte måleriet. Den kubistiske stilen hennar møtte stor motstand i Noreg både frå kunstmiljø og publikum. Ho trekte seg derfor vekk frå kunstmiljøet og stilte ikkje lenger ut. Men ho heldt fram med å måle, og måla nokre av dei beste måleria sine mot slutten av livet. Då ho døydde i 1969, hadde ho alt vore gløymt i mange år.

Helen Frankenthaler – Woodcuts

KODE 2, Bergen

8. februar–21. april

Utstillinga viser dristige og nyskapande tresnitt i saftige fargar av den amerikanske målaren og grafikaren Helen Frankenthaler (1928–2011). Verka spenner frå 1973 til 2009.

Rå kunst

Trastad Samlinger, Borkenes

1. januar 2012–31. mai 2023

Her får du sjå ei eineståande utstilling med verk av utviklingshemma kunstnarar. Bygget var tidlegare del av institusjonen Nord-Norges Åndssvakehjem, der eldsjela Sigvor Riksheim underviste i kunstfag. Resultata er imponerande. Samlinga med meir enn 26.000 kunstverk av utviklingshemma er verdas største. Mellom anna får du sjå verk av Herleik Kristiansen og Torstein Nilsen, dei einaste utviklingshemma med kunstnarstatus i Noreg. Nasjonalgalleriet har kjøpt inn tre arbeid av Kristiansen. Utstillinga viser i tillegg internasjonale verk.

Time for sculpture #2

Samisk senter for samtidskunst, Karasjok

1. mars­–31. mars

Utstillinga er den andre i ein serie på tre som tek føre seg skulpturar frå samlinga til RDM – Sámi Dáiddamagasiidna / Samisk Kunstmagasin. Denne gongen er hovudvekta lagt på verk i mjukare material som skinn, fiber, tekstil, tråd og lerret. 13 kunstnarar er representerte.