Bergkunst i fare
På virtuellevingen.no kan du granske dei mange helleristingane i Vingenfeltet. Nettstaden er utarbeidd av Universitetsmuseet i Bergen og Arkikon AS, med støtte frå Riksantikvaren.
Foto: Universitetet i Bergen
Helleristingar er dei tidlegaste visuelle uttrykka vi kjenner til i Noreg. I fleire tusen år brukte menneske store ressursar på å hogge figurar i stein, former som er synlege den dag i dag. Her ser vi dyr og menneske rissa effektivt opp i ein sterkt forenkla stil.
Det er spennande å oppsøke felt med helleristingar og studere måten figurane vart komponerte for å harmonere med bergflatene dei vart hogde inn i. Mange av figurane har stor visuell kraft, berre sjå korleis figuren frå Vingenfeltet i Bremanger dannar essensen av eit menneske.
Vingen er eit av dei største helleristingsfelta i Europa med over 2200 figurar. Framleis gøymer truleg endå fleire figurar seg under torva i dette store feltet. Bilda stammar frå siste del av eldre steinalder. Vingenfeltet er så godt som urørt av moderne inngrep, noko som gjer det ekstra verdifullt, eit fascinerande kikhol som lèt oss få glimt av menneska som levde her for meir enn 6000 år sidan.
Landskapet som ristingane er laga i, er såleis med på å hjelpe oss å lære meir om korleis steinalderfolk levde og tenkte. Vingen var nok ein særs viktig stad, kan hende ein heilagdom. Her var også ei trekkrute for hjort som må ha hatt mykje å seie. Denne unike kombinasjonen av kulturhistorie og eit intakt naturmangfald er utruleg nok truga av noko så prosaisk som eit steinbrot.
Regjeringa har sagt ja til å opprette eit steinbrot med utskipingshamn berre nokre få kilometer frå Vingenfeltet. Alle faginstansar frårår dette brutale inngrepet, men talar for døve øyre. Vanvitet har skapt internasjonal merksemd, mellom anna hadde både The Guardian og det nettbaserte kunstmagasinet artnet.com store oppslag om vandalismen i mars i år.
I over 6000 år har dette unike funnet fått ligge i fred. Det er sjokkerande at regjeringa vil ofre ein slik skatt.
Eva Furseth
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Helleristingar er dei tidlegaste visuelle uttrykka vi kjenner til i Noreg. I fleire tusen år brukte menneske store ressursar på å hogge figurar i stein, former som er synlege den dag i dag. Her ser vi dyr og menneske rissa effektivt opp i ein sterkt forenkla stil.
Det er spennande å oppsøke felt med helleristingar og studere måten figurane vart komponerte for å harmonere med bergflatene dei vart hogde inn i. Mange av figurane har stor visuell kraft, berre sjå korleis figuren frå Vingenfeltet i Bremanger dannar essensen av eit menneske.
Vingen er eit av dei største helleristingsfelta i Europa med over 2200 figurar. Framleis gøymer truleg endå fleire figurar seg under torva i dette store feltet. Bilda stammar frå siste del av eldre steinalder. Vingenfeltet er så godt som urørt av moderne inngrep, noko som gjer det ekstra verdifullt, eit fascinerande kikhol som lèt oss få glimt av menneska som levde her for meir enn 6000 år sidan.
Landskapet som ristingane er laga i, er såleis med på å hjelpe oss å lære meir om korleis steinalderfolk levde og tenkte. Vingen var nok ein særs viktig stad, kan hende ein heilagdom. Her var også ei trekkrute for hjort som må ha hatt mykje å seie. Denne unike kombinasjonen av kulturhistorie og eit intakt naturmangfald er utruleg nok truga av noko så prosaisk som eit steinbrot.
Regjeringa har sagt ja til å opprette eit steinbrot med utskipingshamn berre nokre få kilometer frå Vingenfeltet. Alle faginstansar frårår dette brutale inngrepet, men talar for døve øyre. Vanvitet har skapt internasjonal merksemd, mellom anna hadde både The Guardian og det nettbaserte kunstmagasinet artnet.com store oppslag om vandalismen i mars i år.
I over 6000 år har dette unike funnet fått ligge i fred. Det er sjokkerande at regjeringa vil ofre ein slik skatt.
Eva Furseth
Fleire artiklar
Christian Treutmann-orgelet frå 1737 i stiftskyrkja St. Georg i Grauhof.
Foto via Wikimedia Commons
Monumental pedal
Masaaki Suzukis frasering gjev rom for smertelege dissonansar.
Det oppstår misvisande biletet av at covid-19 forårsakar Alzheimer, meiner Preben Aavitsland ve FHI.
Foto: Erik Johansen / NTB
Meir om seinfølgjer
Den årlege rapporten FHI har publisert, syner at dødeligheita blant personar under 40 år har vore nokså stabil sidan 2015.
Gukesh kan verta den klart yngste verdsmeisteren i historia. Carlsen var nesten fem år eldre då han vann kandidatturneringa og vart verdsmeister i 2013.
Foto: Maria Jemeljanova / Fide
«Sjølv har eg heller aldri sett ein så mogen 17-åring, korkje på eller utanfor sjakkbrettet.»
Kina fyrer på alle sylindrane: Ingen bygger ut så mykje kolkraft som kinesarane gjer. Biletet viser eit kolkraftverk i Dingzhou i Hebei-provinsen.
Foto: Ng Han Guan / AP / NTB
Ein straum av problem
Straumforbruket i verda aukar framleis raskare enn fornybar kraftproduksjon. Kolkraftverk skal varme kloden i mange år enno.
Line Eldring har leidd utvalet som tilrår at Noreg både bør vidareføre og utvide samarbeidet med EU på nye område framover. Ho la nyleg fram utgreiinga «Norge og EØS: Utviklinger og erfaringer» for utanriksminister Espen Barth Eide.
Foto: Terje Pedersen / NTB
Veksande fjernstyre
Tilknytinga vår til EU veks og veks, både gjennom EØS-avtalen og utanfor, ifølgje ei ny utgreiing. Og det er få som kjenner heilskapen.