Inni og utanfor boksen
Aphex Twins dekonstruerte klubbmusikk byr sjela opp til dans.
Elektronisk musikk
Aphex Twin
Blackbox Life Recorder 21f/in a room7 F760
Warp
Richard David James, best kjent som Aphex Twin, er ein av dei mest innflytelsesrike artistane innan elektronisk musikk og IDM (intelligent dansemusikk). Det er kan hende ikkje så enkelt korkje å hugse eller uttale tittelen på den nye EP-en hans – Blackbox Life Recorder 21f/in a room7 F760 – men lytteopplevinga er heller behageleg.
«Uneasy listening», sa ein annan kritikar. Det gir meining, det, for det kviler ei dyster og tungsindig, til dels klaustrofobisk, men likevel romsleg og innbydande stemning over musikken.
Videoen til tittel- og opningssporet «Blackbox Life Recorder 21f» tar lyttar-sjåaren med på ei reise ut i indre og inn i ytre rom via ein slags stadig vekk vrengd hyperboks som ser ut til å ut- og innehalde det meste i mikro- og makromultiverset.
Det andre tittelsporet, tredjesporet «in a room7 F760», er ei melankolsk og spretten lita sak med kjappe trommemønster og subtil tonal krumming som manar fram vage kjensler av skeive grammofonplater, falma foto, utviska minne.
Andresporet, det einaste sporet som ikkje er tittelsporet, «zin2 test5», er drive av ei konsis syrebassline og katarsisk veksling mellom synkoperte og flate rytmar. Det tredje tittelsporet, som altså er fjerdesporet, «Blackbox Life Recorder 22 [Parallax Mix]» er ein meir flytande variant av opningssporet, overlessa med klang som manar fram underlege aningar av fuktige, bekmørke holer av uana skala.
Aphex Twins dekonstruerte maskinmusikk har noko svært menneskeleg over seg. Når det heile er over, i musikkvideoen, får vi sjå at verket er dedisert til foreldra til James, som nyleg har gått bort.
Rasmus Hungnes
Rasmus Hungnes er kunstnar, musikar, dj og fast musikkmeldar i Dag og Tid.
Spotify Blackbox Life Recorder 21f/in a room7 F760
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Elektronisk musikk
Aphex Twin
Blackbox Life Recorder 21f/in a room7 F760
Warp
Richard David James, best kjent som Aphex Twin, er ein av dei mest innflytelsesrike artistane innan elektronisk musikk og IDM (intelligent dansemusikk). Det er kan hende ikkje så enkelt korkje å hugse eller uttale tittelen på den nye EP-en hans – Blackbox Life Recorder 21f/in a room7 F760 – men lytteopplevinga er heller behageleg.
«Uneasy listening», sa ein annan kritikar. Det gir meining, det, for det kviler ei dyster og tungsindig, til dels klaustrofobisk, men likevel romsleg og innbydande stemning over musikken.
Videoen til tittel- og opningssporet «Blackbox Life Recorder 21f» tar lyttar-sjåaren med på ei reise ut i indre og inn i ytre rom via ein slags stadig vekk vrengd hyperboks som ser ut til å ut- og innehalde det meste i mikro- og makromultiverset.
Det andre tittelsporet, tredjesporet «in a room7 F760», er ei melankolsk og spretten lita sak med kjappe trommemønster og subtil tonal krumming som manar fram vage kjensler av skeive grammofonplater, falma foto, utviska minne.
Andresporet, det einaste sporet som ikkje er tittelsporet, «zin2 test5», er drive av ei konsis syrebassline og katarsisk veksling mellom synkoperte og flate rytmar. Det tredje tittelsporet, som altså er fjerdesporet, «Blackbox Life Recorder 22 [Parallax Mix]» er ein meir flytande variant av opningssporet, overlessa med klang som manar fram underlege aningar av fuktige, bekmørke holer av uana skala.
Aphex Twins dekonstruerte maskinmusikk har noko svært menneskeleg over seg. Når det heile er over, i musikkvideoen, får vi sjå at verket er dedisert til foreldra til James, som nyleg har gått bort.
Rasmus Hungnes
Rasmus Hungnes er kunstnar, musikar, dj og fast musikkmeldar i Dag og Tid.
Spotify Blackbox Life Recorder 21f/in a room7 F760
Fleire artiklar
Teikning: May Linn Clement
Å forveksla aggressor med forsvarar
«Etter at Putin kom til makta hausten 1999, har Russland ført ei heil rad med krigar.»
Den nyfødde kalven.
Foto: Hilde Lussand Selheim
Ei ny Ameline er fødd
Vårsøg – også kalla Tripso sidan ho var så skvetten som ung, spissa øyro for ingenting og trippa med beina inn og ut av fjøset – fekk ein ny kalv natt til 13. mai.
Emma (Fanny L. Bornedal) arbeider som nattevakt ved rettsmedisinsk institutt, der foreldra i si tid vart utsette for drapsforsøk.
Foto: Another World Entertainment
Skrekkeleg skuffande
Likte du Nattevakten, kjem du ikkje til å elska Nattevakten: Demoner går i arv, dersom det var det du håpte på.
Som låtskrivar er Jessica Pratt meir oppteken av stemningar enn forteljingar, meiner Øyvind Vågnes.
Foto: Samuel Hess
Mindre er meir
Den nye plata til Jessica Pratt, Here in the Pitch, er hennar beste så langt.
Blaz (Aristote Luyindula) (t.v.) har ikkje stor tiltru til systemet, men aktivisten Haby (Anta Diaw) kjempar for å forbetre tilhøva i den falleferdige bustadblokka deira.
Foto: Laurent le Crabe
Oppussinga
Ladj Ly lenar seg mot melodrama etter ein rå debut.