Hjarteskjerande om 11-åring som tok livet sitt

Kva skjedde då 11 år gamle Aina ikkje orka å leve lenger og tok livet sitt? Korleis taklar jentas far, mor og veslebror ein slik katastrofe? Kva kunne vore gjort annleis for å ha unngått at det fryktelege skjedde? Og korleis handterer rektor, læraren og medelevane tragedien i ettertid?

Stykket til Toril Goksøyr og Camilla Martens vart urframført ved Det Norske Teatret i 2017. Dei byggjer på intervju og samtalar med foreldre og barn, lærarar, psykologar, skulefolk og andre som kan noko om mobbing og sjølvmord. Likevel – av di emnet vekkjer slik skrekk hjå oss – er det freistande å tenkje at teaterduoen har vore vel dramatiske når dei lar tematikken utfalde seg på ein barneskule.

Men diverre skjer slike forferdelege hendingar. Forfattar og regissør Dag Johan Haugerud laga i 2019 filmen Barn med ei liknande problemstilling mellom 13-åringar. For tre år sidan vart ein livs levande familie i Rogaland ramma då den 12 år gamle dottera tok livet sitt.

Originalt grep

I mange år har teaterverda bruka video som visuelt verkemiddel på scena. Å utnytte det auditive er derimot sjeldan. Teaterduoen Goksøyr og Martens gjer det på ein original måte i 11 år: Alle publikummarane må ta på seg høyretelefonar der dei sit. Slik oppstår eit uvant dobbeltspel. Med augo ser vi ein skulegard etablert på golvet i Teaterhallen, der opp mot tjue ungar frå Barneteatret utfaldar seg i leikeapparata eller gjer lekser på bakken. Samtidig høyrer vi med øyra korleis foreldra til Aina blir med rektor og læraren inn til foreldresamtale i eit klasserom for å diskutere korleis ei minnesamling for Aina bør bli.

Samtalen går verkeleg ikkje bra og er hjarteskjerande å høyre på. Rektor (Bahareh Razekh) går i forsvarsposisjon og vil ikkje vedgå overfor mora at det var ho som fekk sendt ut mail til alle foreldra om at Aina skulle ha kome på skulen med ei øks. Meldinga, forstår vi snart, var teken fullstendig ut av proporsjonar. Ho fekk fatale følgjer for skulejenta.

Er du abonnent? Logg på for å lese vidare

Digital tilgang – heilt utan binding

Prøv ein månad for kr 49.
Deretter kr 199 per månad. Stopp når du vil.

E-postadressa di

Eg godtek vilkåra

Eller kjøp eit anna abonnement

Er du abonnent? Logg på for å lese vidare