Grundig om Arnfinn Nesset-saka

Boka Den usannsynlige seriemorderen – Arnfinn Nesset og hans 31 tilståelser er eit djupdykk i den snart 50 år gamle drapssaka.

Ein sjukeheimsstyrar som tok livet av pasientane sine med den dødelege gifta curacit, kom som eit sjokk på så vel lokalsamfunnet i Orkdal som heile Noreg tidleg på 1980-talet. Arnfinn Nesset blei i 1983 dømd for 22 drap og eitt drapsforsøk. Han fekk lovas strengaste straff, 21 års fengsel.

Forfattar Simen Sætre har arbeidd med boka i mange år. Første gongen han søkte kontakt med Nesset, var for 14 år sidan, men han fekk ikkje svar. Han gav ikkje opp, men fann andre vegar. Sætre har kontakta tallause kjelder og gått gjennom tjukke bunkar med dokumentasjon for å sjå nærare på historia. Litteraturlista bak i boka er som eit lite bibliotek. Resultatet av arbeidet er da også ein særs grundig gjennomgang av alle sider ved saka.

Spennande lesing

Dokumentarboka er delvis fortald kronologisk. Sætre vekslar elegant mellom skildring av sjølve kriminalsaka slik ho utviklar seg, og sine eigne opplevingar under arbeidet. Det er dette spennet som gjer boka god.

Han tek for seg det eine påståtte drapet etter det andre. Ja, det kan bli mykje å halde styr på for lesaren, men samla gir det rom for tvil der aktor, dommar og juryen ikkje var i tvil om skuld. At også forfattaren heile tida er i tvil om skuld og uskuld, er ein styrke ved boka.

Er du abonnent? Logg på for å lese vidare

Digital tilgang – heilt utan binding

Prøv ein månad for kr 49.
Deretter kr 199 per månad. Stopp når du vil.

E-postadressa di

Eg godtek vilkåra

Eller kjøp eit anna abonnement

Er du abonnent? Logg på for å lese vidare