Forvitneleg

Solidaritet i en ny tid er ei forvitneleg bok, som orienterer lesaren intelligent i dei mange forvirrande endringane i norsk arbeidsliv sidan tusenårsskiftet. Det gjeld ikkje minst vesentlege skifte i konkurrerande system, der LO især har streva for å etablere fellesprinsipp sjølv for dei som ikkje er organiserte.

Partifloraen som samarbeider med LO, har auka, og fleire er komne med i symbiosen. Arbeidstakarar er flytta kring i ulike tariffområde, ikkje minst grunna privatisering og konkurranseutsetting. Fleire organisasjonar har teke over mange av dei statstilsette som før var i Norsk Tjenestemannslag (NTL) eller andre LO-forbund. LO er vorten ei konservativ kraft dersom vi talar om oljeverksemda, mindre av ei vaktbikkje før det vert slege alarm om arbeidarrettar i nye område, og har godteke mange prinsipp ein tidlegare ikkje ville høyre snakk om, som i aksepten av samrøre mellom utanlandske og norske selskap og verksemder og av delprivatisering.

Avpolarisert

Nik. Brandal syner stegvis korleis arbeidarrørsla med Ap og LO hand i hand har avpolitisert sentrale samfunnsområde. Dette gjeld såleis sentrale velferdsgode, der ein har automatisert berekningsmåtar for helseføretak, handlingsregelen og pensjonen. Jau, det har vore konfliktar om fylgjene og justeringar av utrekningsmåtane, men stort sett kjem ein ingen veg dersom ein vil flytte desse emna inn i politikken igjen.

Her kunne ein nok sett nøgnare på korleis energipolitikken, økonomien i høgre utdanning og kommuneøkonomien også mindre og mindre kan diskuterast, sidan alt er samanfuga i system der inntekter ikkje alltid svarar til utgifter. 

Brandal kjem ikkje stort inn på endringane i energisystemet, som no også er unnateke reell politikk gjennom dei ordningane som er etablerte, men han syner fram den allmenne logikken. Difor maktar han å syne sentrale trekk i utviklinga.

Er du abonnent? Logg på for å lese vidare

Digital tilgang – heilt utan binding

Prøv ein månad for kr 49.
Deretter kr 199 per månad. Stopp når du vil.

E-postadressa di

Eg godtek vilkåra

Eller kjøp eit anna abonnement

Er du abonnent? Logg på for å lese vidare