Forunderleg parodipolka
Ei snurrig djupne oppstår i sidestillinga av lettbeinte, parodiske coverlåtar og tilsikta overdriven dramatisk filmmusikk.
Daniel Radcliffe i rolla som «Weird Al» Yankovic i filmen som er regissert av Eric Appel.
Foto frå filmen
Geek rock / filmmusikk
«Weird Al» Yankovic:
Weird: The Al Yankovic Story (OST)
Ear Booker / Legacy
Recordings
Den satiriske dokudramakomedien Weird: The Al Yankovic Story er laust basert på den amerikanske musikaren «Weird Al» Yankovics (f. 1959) liv og lagnad. Vi lærer om ambisjonen og drivkrafta til den unge musikaren, magisk og meisterleg spelt av Harry Potter (Daniel Radcliffe): å bli trekkspelvirtuos i ein «ekstremt spesifikk» musikksjanger som i store trekk går ut på å finne på nye tekstar til songar som alt eksisterer.
Det heile startar med ein lagnadstung moralpreike: «Livet er som ein parodi av favorittsongen din: Straks du trur du kan teksten: Overrasking! Du veit ingenting.» Ganske riktig: Her blir Knack-songen «My Sharona» til «My Balogna» (for høvet ein nyinnspelt versjon av Yankovics debutsingel frå 1979), Queens «Another One Bites the Dust» blir «Another One Rides the Bus», Madonnas «Like a Virgin», «Like a Surgeon», og – om ein tar kronologien i filmen for god fisk – Yankovics «Eat It» blei til Michael Jacksons «Beat It». «Now You Know» (ein kommentar til rulleteksten – og den nemnde introduksjonen) er derimot ein splitter ny, original Yankovic-komposisjon.
Opphavet til og utviklinga av ordet weird er samansett og har å gjere med det merkelege, artige, overnaturlege, trolske, ja, sjølve lagnaden: Urd, ei av dei tre nornene som spann lagnadstrådane ved røtene til Yggdrasil, verdstreet i norrøn mytologi, er blant dei etymologiske røtene til omgrepet, som har med vriding, endring og vrikking å gjere. Det er spinnvilt, innfløkt, såre enkelt – nett som musikken til «Weird Al». Som Einar Guldvog Staalesen så klokt sa i Mørkets opplevelser på P2: Humor er noko av det alvorlegaste som finst.
«Weird Al» speler på Folketeateret i Oslo i februar. Det har eg tenkt å få med meg.
Rasmus Hungnes
Rasmus Hungnes er kunstnar, DJ, taskenspelar og fast musikkmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Geek rock / filmmusikk
«Weird Al» Yankovic:
Weird: The Al Yankovic Story (OST)
Ear Booker / Legacy
Recordings
Den satiriske dokudramakomedien Weird: The Al Yankovic Story er laust basert på den amerikanske musikaren «Weird Al» Yankovics (f. 1959) liv og lagnad. Vi lærer om ambisjonen og drivkrafta til den unge musikaren, magisk og meisterleg spelt av Harry Potter (Daniel Radcliffe): å bli trekkspelvirtuos i ein «ekstremt spesifikk» musikksjanger som i store trekk går ut på å finne på nye tekstar til songar som alt eksisterer.
Det heile startar med ein lagnadstung moralpreike: «Livet er som ein parodi av favorittsongen din: Straks du trur du kan teksten: Overrasking! Du veit ingenting.» Ganske riktig: Her blir Knack-songen «My Sharona» til «My Balogna» (for høvet ein nyinnspelt versjon av Yankovics debutsingel frå 1979), Queens «Another One Bites the Dust» blir «Another One Rides the Bus», Madonnas «Like a Virgin», «Like a Surgeon», og – om ein tar kronologien i filmen for god fisk – Yankovics «Eat It» blei til Michael Jacksons «Beat It». «Now You Know» (ein kommentar til rulleteksten – og den nemnde introduksjonen) er derimot ein splitter ny, original Yankovic-komposisjon.
Opphavet til og utviklinga av ordet weird er samansett og har å gjere med det merkelege, artige, overnaturlege, trolske, ja, sjølve lagnaden: Urd, ei av dei tre nornene som spann lagnadstrådane ved røtene til Yggdrasil, verdstreet i norrøn mytologi, er blant dei etymologiske røtene til omgrepet, som har med vriding, endring og vrikking å gjere. Det er spinnvilt, innfløkt, såre enkelt – nett som musikken til «Weird Al». Som Einar Guldvog Staalesen så klokt sa i Mørkets opplevelser på P2: Humor er noko av det alvorlegaste som finst.
«Weird Al» speler på Folketeateret i Oslo i februar. Det har eg tenkt å få med meg.
Rasmus Hungnes
Rasmus Hungnes er kunstnar, DJ, taskenspelar og fast musikkmeldar i Dag og Tid.
Fleire artiklar
Nana rise-Lynum er redaktør i Norsk Barneblad.
Foto: Per Anders Todal
Å gi barn det dei ikkje veit at dei vil ha
Norsk Barneblad vart skipa i 1887 og har kome ut kvart år sidan. Sist helg fekk Nana Rise-Lynum Målprisen frå Noregs Mållag for innsatsen som redaktør.
Kina fyrer på alle sylindrane: Ingen bygger ut så mykje kolkraft som kinesarane gjer. Biletet viser eit kolkraftverk i Dingzhou i Hebei-provinsen.
Foto: Ng Han Guan / AP / NTB
Ein straum av problem
Straumforbruket i verda aukar framleis raskare enn fornybar kraftproduksjon. Kolkraftverk skal varme kloden i mange år enno.
Den såkalla hysjpengesaka mot Donald Trump er inne i andre veke i retten i New York.
Illustrasjon: Jane Rosenberg / Reuters
Høgt spel i New York
Straffesaka som no går føre seg mot Trump, er den han har størst sjanse til å verte frikjend i. Og vert han det, kan saka òg gje han fleire veljarar, seier kommentator Jan Arild Snoen.
Line Eldring har leidd utvalet som tilrår at Noreg både bør vidareføre og utvide samarbeidet med EU på nye område framover. Ho la nyleg fram utgreiinga «Norge og EØS: Utviklinger og erfaringer» for utanriksminister Espen Barth Eide.
Foto: Terje Pedersen / NTB
Veksande fjernstyre
Tilknytinga vår til EU veks og veks, både gjennom EØS-avtalen og utanfor, ifølgje ei ny utgreiing. Og det er få som kjenner heilskapen.
Er overvaking prisen vi må betale for eit trygt samfunn?
Foto: The Right Frame Media / Shutterstock
E-tenesta ser deg
Kor langt kan E-tenesta gå i å overvake den elektroniske kommunikasjonen vår? Det får vi kanskje svar på denne våren.
Papiravisa