JavaScript is disabled in your web browser or browser is too old to support JavaScript. Today almost all web pages contain JavaScript, a scripting programming language that runs on visitor's web browser. It makes web pages functional for specific purposes and if disabled for some reason, the content or the functionality of the web page can be limited or unavailable.

Takk for at du vil dele artikkelen

Den du deler artikkelen med, kan lese og eventuelt lytte til heile artikkelen.
Det gjer vi for at fleire skal oppdage DAG OG TID.

Namnet ditt vert synleg for alle du deler artikkelen med.

FilmMeldingar

Trass i godt manus og skodespel tek eg meg i sjå på klokka under siste filmen til Christian Petzold.

Kvar veke les vi inn utvalde artiklar, som abonnentane våre kan lytte til.
Lytt til artikkelen
Forfattarspira Leon (Thomas Schubert) saman med Nadja (Paula Beer) som også bur i sommarhuset han har leigd saman med kameraten Felix.

Forfattarspira Leon (Thomas Schubert) saman med Nadja (Paula Beer) som også bur i sommarhuset han har leigd saman med kameraten Felix.

Foto: Christian Schulz / Arthaus

Forfattarspira Leon (Thomas Schubert) saman med Nadja (Paula Beer) som også bur i sommarhuset han har leigd saman med kameraten Felix.

Forfattarspira Leon (Thomas Schubert) saman med Nadja (Paula Beer) som også bur i sommarhuset han har leigd saman med kameraten Felix.

Foto: Christian Schulz / Arthaus

3238
20240607
3238
20240607

Drama

Regi: Christian Petzold

Rød himmel (Orig. tittel: Roter Himmel)

Med: Thomas Schubert, Paula Beer, Langston Uibel, Enno Trebs
Kinofilm

Dei to unge kompisane Leon (Schubert) og Felix (Uibel) kjem endeleg fram til sommarhuset etter å ha havarert med bilen ei god mil unna. Då dei kjem fram, er huset okkupert av Nadja (Beer) og elskaren Devid (Trebs).

For forfattarspira Leon blir det ei irriterande overrasking å ha huset fullt når han skal jobba, mens positive Felix omfamnar dei frilynte sjelene som mor hans har sagt også kan bu i sommarhuset. Samtidig trugar flammane frå ein kraftig skogbrann, som om ikkje Leon hadde nok å tenka på.

Idyll-isk

Sommarhuset nord i Tyskland er akkurat eit sånt eg kunne budd i ein heil sommar – koseleg innreidd med gamle, stilige møblar i sekstitalsdesign. Kjøkenet ser ut som det luktar basilikum og raudvinseddik, og utandørs står ein pergola med fine designrottingstolar.

Kvar dag hiv Nadja seg på sykkelen for å koma seg på jobb i den vesle byen. Vegen er flat og innramma av lauvtre, og alt ser berre superduperidyllisk ut. Leon er derimot alt anna enn idyllisk, han er gretten og surmulande, og det er altså fordi han ventar på tilbakemelding på romanutkastet sitt.

«Det er så sommarleg at det er hakket før eg byrjar klø på imaginære myggstikk.»

Det kan ein jo kjenna seg att i – om ikkje romanutkast, så det at ein sjølv går på nåler mens alle andre tek livet så lett at det er til å bli galen av. Når ein i tillegg kanskje likar ho uimotståelege dama som har seg med den ditto irriterande uimotståelege badevakta, hjelper det ikkje på humøret når ein samtidig kjenner seg kvapsete og tung i kroppen, som det lyser av Leon at han gjer.

Histor-isk

Det er så sommarleg, alt i Rød himmel, at det er hakket før eg byrjar klø på imaginære myggstikk. Sjølv med eit tydeleg ubehag som ligg under det heile, er det ein film som er snill mot auga. Regissør og manusforfattar Christian Petzold er ein spennande filmskapar, med underlege Undine (2020) og spesielle Transit (2018) og krigstematisk interessante Barbara (2012) som mindre konvensjonelle motstykke enn denne.

For det er noko litt treigt med Rød himmel, trass i vriar og krumspring. Eg blir liksom aldri heilt engasjert. Blant anna blir historier fortalde som del av historia, noko som sikkert skal ha eit element av sjølvframdriving i seg, men som eg merkar kjennest distraherande og har motsett effekt på meg – eg blir utolmodig og vil koma vidare, utan sidehistoriene. Også høgtlesing av romanutkastet ser ut til å skulla ha same funksjon, og med same verknad på denne filmmeldaren.

Utover desse digresjonane så sit manus og dialog usedvanleg godt – akkurat sparsamt nok til å lada setningane utan å vera overtydeleg, og truverdig og godt framført av dei solide skodespelarane. Som når Felix i eit utbrot set den sjølvopptekne kompisen Leon på plass. Eg likar kanskje at filmen utmerkar seg meir ved ettertanke enn under sjølve sjåinga. Det vil likevel ikkje seia at eg synest Petzold har laga ein utmerkt film denne gongen.

Brit Aksnes

Brit Aksnes er skribent, program­skapar, kulturarbeidar og fast film­meldar i Dag og Tid.

Digital tilgang til DAG OG TID – heilt utan binding

Prøv ein månad for kr 49.
Deretter kr 199 per månad. Stopp når du vil.

Drama

Regi: Christian Petzold

Rød himmel (Orig. tittel: Roter Himmel)

Med: Thomas Schubert, Paula Beer, Langston Uibel, Enno Trebs
Kinofilm

Dei to unge kompisane Leon (Schubert) og Felix (Uibel) kjem endeleg fram til sommarhuset etter å ha havarert med bilen ei god mil unna. Då dei kjem fram, er huset okkupert av Nadja (Beer) og elskaren Devid (Trebs).

For forfattarspira Leon blir det ei irriterande overrasking å ha huset fullt når han skal jobba, mens positive Felix omfamnar dei frilynte sjelene som mor hans har sagt også kan bu i sommarhuset. Samtidig trugar flammane frå ein kraftig skogbrann, som om ikkje Leon hadde nok å tenka på.

Idyll-isk

Sommarhuset nord i Tyskland er akkurat eit sånt eg kunne budd i ein heil sommar – koseleg innreidd med gamle, stilige møblar i sekstitalsdesign. Kjøkenet ser ut som det luktar basilikum og raudvinseddik, og utandørs står ein pergola med fine designrottingstolar.

Kvar dag hiv Nadja seg på sykkelen for å koma seg på jobb i den vesle byen. Vegen er flat og innramma av lauvtre, og alt ser berre superduperidyllisk ut. Leon er derimot alt anna enn idyllisk, han er gretten og surmulande, og det er altså fordi han ventar på tilbakemelding på romanutkastet sitt.

«Det er så sommarleg at det er hakket før eg byrjar klø på imaginære myggstikk.»

Det kan ein jo kjenna seg att i – om ikkje romanutkast, så det at ein sjølv går på nåler mens alle andre tek livet så lett at det er til å bli galen av. Når ein i tillegg kanskje likar ho uimotståelege dama som har seg med den ditto irriterande uimotståelege badevakta, hjelper det ikkje på humøret når ein samtidig kjenner seg kvapsete og tung i kroppen, som det lyser av Leon at han gjer.

Histor-isk

Det er så sommarleg, alt i Rød himmel, at det er hakket før eg byrjar klø på imaginære myggstikk. Sjølv med eit tydeleg ubehag som ligg under det heile, er det ein film som er snill mot auga. Regissør og manusforfattar Christian Petzold er ein spennande filmskapar, med underlege Undine (2020) og spesielle Transit (2018) og krigstematisk interessante Barbara (2012) som mindre konvensjonelle motstykke enn denne.

For det er noko litt treigt med Rød himmel, trass i vriar og krumspring. Eg blir liksom aldri heilt engasjert. Blant anna blir historier fortalde som del av historia, noko som sikkert skal ha eit element av sjølvframdriving i seg, men som eg merkar kjennest distraherande og har motsett effekt på meg – eg blir utolmodig og vil koma vidare, utan sidehistoriene. Også høgtlesing av romanutkastet ser ut til å skulla ha same funksjon, og med same verknad på denne filmmeldaren.

Utover desse digresjonane så sit manus og dialog usedvanleg godt – akkurat sparsamt nok til å lada setningane utan å vera overtydeleg, og truverdig og godt framført av dei solide skodespelarane. Som når Felix i eit utbrot set den sjølvopptekne kompisen Leon på plass. Eg likar kanskje at filmen utmerkar seg meir ved ettertanke enn under sjølve sjåinga. Det vil likevel ikkje seia at eg synest Petzold har laga ein utmerkt film denne gongen.

Brit Aksnes

Brit Aksnes er skribent, program­skapar, kulturarbeidar og fast film­meldar i Dag og Tid.

Emneknaggar

Fleire artiklar

Ordskifte

Ny kurs med endra styrkeforhold?

«I konfliktar er styrke viktigare enn hensikter og narrativ.»

ErikKlepsvik
Ordskifte

Ny kurs med endra styrkeforhold?

«I konfliktar er styrke viktigare enn hensikter og narrativ.»

ErikKlepsvik
Andrew Jackson var president i USA frå 1829 til 1837.

Andrew Jackson var president i USA frå 1829 til 1837.

Foto via Wikimedia Commons

Ordskifte
Øyvind T. Gulliksen

Donald Trump og Andrew Jackson

Utruleg nok kan altså Trump, som no er dømd for kjeltringstrekar i stor skala, bli presidentkandidat for Det republikanske partiet.

Statsminister Jonas Gahr Støre på strategikonferansen til Arbeidarpartiet i november 2023.

Statsminister Jonas Gahr Støre på strategikonferansen til Arbeidarpartiet i november 2023.

Foto: Frederik Ringnes / NTB

Ordskifte
LarsKolbeinstveit

Svakt frå Agenda

At Ap gjer det dårleg, kan ha med heilt andre grunnar å gjere enn at folk vert meir opptekne av seg sjølve.

EssaySamfunn
Morten A. Strøksnes

iPad-bobla som brast

Samfunnet har nytta store ressursar på å digitalisere skolen. Grunnlaget var syltynt og har vore styrt av motetenking, gruppepress, framtidsangst og kommersielle interesser. No ser det ut til å snu.

Madame Nielsen har ei fortid som forfattaren Claus Beck Nielsen.

Madame Nielsen har ei fortid som forfattaren Claus Beck Nielsen.

Foto: Pelikanen forlag

BokMeldingar

Apokalyptisk

Madame Nielsen leverer litteratur av sjeldan kvalitet.

Oddmund Hagen
Madame Nielsen har ei fortid som forfattaren Claus Beck Nielsen.

Madame Nielsen har ei fortid som forfattaren Claus Beck Nielsen.

Foto: Pelikanen forlag

BokMeldingar

Apokalyptisk

Madame Nielsen leverer litteratur av sjeldan kvalitet.

Oddmund Hagen

les DAG OG TID.
Vil du òg prøve?

Her kan du prøve vekeavisa DAG OG TID gratis i tre veker.
Prøveperioden stoppar av seg sjølv.

Komplett

Papiravisa
Digital utgåve av papiravisa
Digitale artiklar
Digitalt arkiv
Lydavis

Digital

Digital utgåve av papiravisa
Digitale artiklar
Digitalt arkiv
Lydavis

Komplett

Papiravisa
Digital utgåve av papiravisa
Digitale artiklar
Digitalt arkiv
Lydavis

Digital

Digital utgåve av papiravisa
Digitale artiklar
Digitalt arkiv
Lydavis