Spenning i detaljane
Etterforskningen er noko så unikt som ein heiderleg, saktegåande, men medrivande krim.
Drapseininga til politiet i København etterforskar drapet på Kim Wall.
Foto: Viaplay
Sannkrim
Regi: Tobias Lindholm
Etterforskningen
Med: Søren Malling, Pilou Asbæk, Rolf Lassgård, Pernilla August
Viaplay
Drapsetterforskarsjef ved politiet i København, Jens Møller Jensen (Malling), leier laget av etterforskarar som prøver å finna ut om Peter Madsen tok livet av Kim Wall. Aktor i saka, Jakob Buch-Jensen (Asbæk) slit med å få nok bevis til å døma den mistenkte.
Respektfullt
Eg må innrømma at eg har sedvanleg interesse for det makabre, og få saker har vorte meir pikante og makabre enn den danske ubåtsaka der journalist Kim Wall vart funnen partert på botnen av Køge bugt. Slike scenario skal liksom berre skje i fiksjonskrim. Ein meir guffen fyr enn den no dømde gjerningspersonen skal ein vel leita lenge etter i røynda, difor er det ekstra tilfredsstillande at han ikkje vert nemnd ein einaste gong ved namn i serien. Det er heller ikkje naudsynt, for her er det kva som vert sagt på politikontoret og mellom etterforskarsjef Møller Jensen og aktor Buch-Jensen, som står for framdrifta. Ved å lata foreldra til Kim Wall få framtredande roller, spelte av Lassgård og August, kjem det betre fram kven offeret var. Ofte endar offeret nærast opp i bakgrunnen meir enn noko anna i mange filmatiserte drama. Det var eit ekte, levande, verdifullt menneske som mista livet omtrent tilfeldig og fordi ho utførte yrket sitt. Det skulle berre mangla at det var gjerningspersonen som enda i bakgrunnen.
Uvanleg god
Det er fleire forfriskande sider ved Etterforskningen – det er så langt unna dei glatte, effektive krimseriane som me etter kvart kjenner så godt. Framdrifta er til tider nærast langsam, mykje slik det nok verkeleg er store delar av tida under ei etterforsking. Ingen er heltar, minst av alt Møller Jensen, som typisk ville stått fram som den overlegent dyktige som med jernhand styrer avdelinga. Hardt arbeid og ein dose tilfeldige lukketreff er det som til sjuande og sist fører fram i ei sak som er såpass absurd og ullen på ein gong. Om nokon er helten, så er det Kim Wall. Serieskapar og regissør er Tobias Lindhom, som har skrive manus til kredible seriar som Mindhunter, Borgen og filmar som Jakten (2012) og Submarino (2010). Det er ein uvanleg god serie, om du ikkje forventar det vanlege.
Brit Aksnes
Brit Aksnes er frilans kulturarbeidar og fast filmmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Sannkrim
Regi: Tobias Lindholm
Etterforskningen
Med: Søren Malling, Pilou Asbæk, Rolf Lassgård, Pernilla August
Viaplay
Drapsetterforskarsjef ved politiet i København, Jens Møller Jensen (Malling), leier laget av etterforskarar som prøver å finna ut om Peter Madsen tok livet av Kim Wall. Aktor i saka, Jakob Buch-Jensen (Asbæk) slit med å få nok bevis til å døma den mistenkte.
Respektfullt
Eg må innrømma at eg har sedvanleg interesse for det makabre, og få saker har vorte meir pikante og makabre enn den danske ubåtsaka der journalist Kim Wall vart funnen partert på botnen av Køge bugt. Slike scenario skal liksom berre skje i fiksjonskrim. Ein meir guffen fyr enn den no dømde gjerningspersonen skal ein vel leita lenge etter i røynda, difor er det ekstra tilfredsstillande at han ikkje vert nemnd ein einaste gong ved namn i serien. Det er heller ikkje naudsynt, for her er det kva som vert sagt på politikontoret og mellom etterforskarsjef Møller Jensen og aktor Buch-Jensen, som står for framdrifta. Ved å lata foreldra til Kim Wall få framtredande roller, spelte av Lassgård og August, kjem det betre fram kven offeret var. Ofte endar offeret nærast opp i bakgrunnen meir enn noko anna i mange filmatiserte drama. Det var eit ekte, levande, verdifullt menneske som mista livet omtrent tilfeldig og fordi ho utførte yrket sitt. Det skulle berre mangla at det var gjerningspersonen som enda i bakgrunnen.
Uvanleg god
Det er fleire forfriskande sider ved Etterforskningen – det er så langt unna dei glatte, effektive krimseriane som me etter kvart kjenner så godt. Framdrifta er til tider nærast langsam, mykje slik det nok verkeleg er store delar av tida under ei etterforsking. Ingen er heltar, minst av alt Møller Jensen, som typisk ville stått fram som den overlegent dyktige som med jernhand styrer avdelinga. Hardt arbeid og ein dose tilfeldige lukketreff er det som til sjuande og sist fører fram i ei sak som er såpass absurd og ullen på ein gong. Om nokon er helten, så er det Kim Wall. Serieskapar og regissør er Tobias Lindhom, som har skrive manus til kredible seriar som Mindhunter, Borgen og filmar som Jakten (2012) og Submarino (2010). Det er ein uvanleg god serie, om du ikkje forventar det vanlege.
Brit Aksnes
Brit Aksnes er frilans kulturarbeidar og fast filmmeldar i Dag og Tid.
Om nokon er helten, så er det Kim Wall.
Fleire artiklar
Keith Jarrett har med seg bassisten Gary Peacock og trommeslagaren Paul Motian.
Foto: Anne Colavito / Arne Reimer / Jimmy Katz / ECM
Peiskos på første klasse
Keith Jarrett byr på fleire perler frå Deer Head Inn.
Små-ulovleg: Godtet er smått, men er denne reklamen retta mot små eller store menneske? Det kan få alt å seie dersom ei ny forskrift vert vedteken.
Foto: Cornelius Poppe / NTB
«Om høyringsinnspela frå Helsedirektoratet vert inkluderte, risikerer ein å kriminalisere heilt vanleg mat.»
To unge mormonmisjonærar, søster Paxton (Sophie Thatcher) og søster Barnes (Chloe East), blir tvinga til å setje trua si på prøve i møtet med herr Reed (Hugh Grant).
Foto: Ymer Media
«Mange av skrekkfilmane no til dags liknar meir på filmar frå syttitalet»
I tillegg til å vere forfattar er Kristina Leganger Iversen også litteraturvitar, samfunnsdebattant og omsetjar.
Foto: Sara Olivia Sanderud
Nedslåande sanning
Kristina Leganger Iversen leverer eit grundig studium av noko som burde vere opplagt for fleire.
Teikning: May Linn Clement
Papiravisa