Sorg og samliv
Love Life er både dramatisk og nedtona på same tid.
I filmen Love Life lever Geko eit hyggeleg og fredeleg liv med ektemannen Jiro og sonen Keita, heilt til det oppstår ein tragedie.
Drama
Regi: Kôji Fukada
Love Life
Med: Fumino Kimura, Kento Nagayama, Atom Sunada
Kinofilm
Det er duka for feiring av både vesle Keita og bestefaren i den vesle leilegheita. Stemninga er trykt, sidan Jiro (Nagayama) berre er stefar til Keita, som Taeko (Kimura) har frå eit tidlegare ekteskap. Foreldra hans klarar ikkje heilt å skjula at dei kjenner seg som ste-besteforeldre. Så skjer ei katastrofal ulukke som skal snur opp ned på heile tilværet, særleg då Park (Sunada), den biologiske faren til Keita, dukkar opp etter å ha vore vekke i fleire år.
Biologikken
«La oss berre få eit ekte barnebarn», seier svigermor til Taeko. Svigerfar har akkurat samanlikna Taeko med ei gjenbruksvare, sidan ho hadde eit barn då ho gifta seg med sonen hans. Svigermor kjeftar på han, men kva hjelper det når ho så opplagt avslører kva ho eigentleg kjenner på sjølv? Det er ikkje hyggeleg å sjå på, dette. Dei gamaldagse haldningane står i kontrast til den rause innstillinga Jiro har til å fullt ut vera far for Keita. Difor verkar det ekstra sårt at når Park, den tilsynelatande ubrukelege lasaron-eksen brått kjem inn i biletet, spelar brått biologien inn også i tankesettet til Taeko. Kor blir det plass til farskjenslene til Jiro oppi dette? Kor blir det plass til sorga? Dei kjennest framande, reaksjonsmønstera med alle sine japanske ritual, men under overflata ligg djupe, vonde kjensler så universelle som berre kjærleiken til eit barn kan vera.
Musikken
Det er ikkje lett å oppsummera Love Life. Her skjer så mykje at det til tider nesten vert såpeoperaaktig, utan at det er det som er hovudinntrykket av filmen samla sett. Til det er både tema og stil for alvorleg og nedtona. Med alle dei stadig nye store problemstillingane landar eg på det som vel kan kallast noko så konvensjonelt som eit tankevekkande drama, berre ikkje av den sakte, dvelande sorten. Ikkje minst er Love Life av den velspelte sorten – her er verkeleg kjensla av å vera til stades på ekte, alt frå vesle Keita som vimsar glad rundt, til den usedvanleg bra koreograferte kattepusen! Lydsporet er i grenseland såpeglatt, og samtidig – for nokon som elska gitarist Pat Metheny som tenåring – er dei velkjente nittitalstonane som følgjer den store popdivaen Akiko Yanos vokal, rørande på ein måte som eg kan tenka meg vil ha minst den effekten på sjåarar på min alder i Japan. Det er også songen «Love Life» som har gjeve tittel til filmen, så regissør Fukada spelar bokstaveleg talt på sentimentale strenger. Likevel styrer han elegant unna eindimensjonale rollefigurar utan eiga retning, og resultatet er ei på same tid nøktern og kompleks historie om mange slags kjærleiksliv.
Brit Aksnes
Brit Aksnes er skribent, programskapar, kulturarbeidar og fast filmmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Drama
Regi: Kôji Fukada
Love Life
Med: Fumino Kimura, Kento Nagayama, Atom Sunada
Kinofilm
Det er duka for feiring av både vesle Keita og bestefaren i den vesle leilegheita. Stemninga er trykt, sidan Jiro (Nagayama) berre er stefar til Keita, som Taeko (Kimura) har frå eit tidlegare ekteskap. Foreldra hans klarar ikkje heilt å skjula at dei kjenner seg som ste-besteforeldre. Så skjer ei katastrofal ulukke som skal snur opp ned på heile tilværet, særleg då Park (Sunada), den biologiske faren til Keita, dukkar opp etter å ha vore vekke i fleire år.
Biologikken
«La oss berre få eit ekte barnebarn», seier svigermor til Taeko. Svigerfar har akkurat samanlikna Taeko med ei gjenbruksvare, sidan ho hadde eit barn då ho gifta seg med sonen hans. Svigermor kjeftar på han, men kva hjelper det når ho så opplagt avslører kva ho eigentleg kjenner på sjølv? Det er ikkje hyggeleg å sjå på, dette. Dei gamaldagse haldningane står i kontrast til den rause innstillinga Jiro har til å fullt ut vera far for Keita. Difor verkar det ekstra sårt at når Park, den tilsynelatande ubrukelege lasaron-eksen brått kjem inn i biletet, spelar brått biologien inn også i tankesettet til Taeko. Kor blir det plass til farskjenslene til Jiro oppi dette? Kor blir det plass til sorga? Dei kjennest framande, reaksjonsmønstera med alle sine japanske ritual, men under overflata ligg djupe, vonde kjensler så universelle som berre kjærleiken til eit barn kan vera.
Musikken
Det er ikkje lett å oppsummera Love Life. Her skjer så mykje at det til tider nesten vert såpeoperaaktig, utan at det er det som er hovudinntrykket av filmen samla sett. Til det er både tema og stil for alvorleg og nedtona. Med alle dei stadig nye store problemstillingane landar eg på det som vel kan kallast noko så konvensjonelt som eit tankevekkande drama, berre ikkje av den sakte, dvelande sorten. Ikkje minst er Love Life av den velspelte sorten – her er verkeleg kjensla av å vera til stades på ekte, alt frå vesle Keita som vimsar glad rundt, til den usedvanleg bra koreograferte kattepusen! Lydsporet er i grenseland såpeglatt, og samtidig – for nokon som elska gitarist Pat Metheny som tenåring – er dei velkjente nittitalstonane som følgjer den store popdivaen Akiko Yanos vokal, rørande på ein måte som eg kan tenka meg vil ha minst den effekten på sjåarar på min alder i Japan. Det er også songen «Love Life» som har gjeve tittel til filmen, så regissør Fukada spelar bokstaveleg talt på sentimentale strenger. Likevel styrer han elegant unna eindimensjonale rollefigurar utan eiga retning, og resultatet er ei på same tid nøktern og kompleks historie om mange slags kjærleiksliv.
Brit Aksnes
Brit Aksnes er skribent, programskapar, kulturarbeidar og fast filmmeldar i Dag og Tid.
Fleire artiklar
Skodespelarane Joseph Engel (Bastien) og Sara Montpetit (Chloé) i regidebuten til Charlotte Le Bon.
Foto: Cinemateket
Søte sommarskrømt
Falcon Lake er ein ven og var knalldebut frå Quebec.
Palestinarar på veg ut av Rafah måndag, etter at Israel varsla nye åtak i byen lengst sørvest i Gaza.
Foto: Ramadan Abed / Reuters / NTB
Den raude streken i Rafah
Kanskje skal sluttspelet i Gaza-krigen stå i Rafah. Det blir neppe kort.
Titusenvis av menneske har samla seg framfor parlamentet i Tbilisi dei siste vekene, i protest mot det dei kallar «den russiske lova».
Foto: Ida Lødemel Tvedt
Krossveg i den georgiske draumen
TBILISI: Demonstrasjonane i Georgia kjem til å eskalere fram mot 17. mai.
Mange meiner at det er no landet tek vegvalet mellom Russland og Vesten.
Utvalsleiar Line Eldring leverer NOU-rapporten om EØS-avtalen til utanriksminister Espen Barth Eide (Ap).
Foto: Terje Pedersen / NTB
Kva er alternativet til EØS-medlemskap?
Anna Kleiva er forfattar og omsetjar.
Foto: Privat
Anna Kleiva er ny diktskribent i Dag og Tid
«Eg ser fram til å arbeida meir med einskilde dikt frå ulike forfattarar.»