Film
Kvalitetsfilmar få får sjå
I løpet av ei langhelg har festivalen Cine Latino i Bergen vist meir enn tre gonger så mange søramerikanske filmar som norske kinoar samla har synt dei siste to åra.
Julia Stockler i eit rørande menneskeleg brasiliansk drama om to kvinner som aldri får realisert draumane sine.
Truleg blir ikkje ein einaste av kvalitetsfilmane som var synte på Cine Latino-festivalen i Bergen sist helg, å sjå på kino her i landet. Kanskje slumpar det til at ein eller to kjem på norsk fjernsyn, men rekn ikkje med det.
Denne unnlatingssynda får skje år etter år trass i at Sør-Amerika for lengt har etablert seg som ein svært viktig filmregion. Ikkje berre i kraft av talet på produksjonar, over 700 kvart år, men også i kraft av høg kvalitet og stor spennvidde. Fem av dei siste sju Oscar-prisane for beste regi har gått til latinamerikanarar, og fem av dei åtte for beste fotografi. Men her heime blir vi tvangsfôra med hollywoodgraut.
Breitt utval
Trass i koronarestriksjonar blei festivalen avvikla i god orden og med rikeleg avstand. Tretten filmar frå ni land – dei fleste av dei slit med korrupsjon, vanstyre, fattigdom og anna elende, noko både fiksjonsfilm og dokumentarfilm tydeleg får fram. Men det betyr ikkje at festivalen berre syner tristesse og tungsinn. Truleg er utvalet ganske representativt med tanke på å få fram vesentlege sider ved det som skjer på den sørlege filmfronten.
Især to fiksjonsfilmar er av slik kvalitet og – kvar på sitt vis – så spesielle at det grensar til det kulturkriminelle om ingen importør tek dei inn til landet, og kinoane gir dei visingstid. Dei gir oss forteljingar med mange lag og lèt oss oppleve ulike sider ved det å vere menneske.
I A vida invisível (Eit usynleg liv) skildrar den brasilianske auteuren Karim Ainouz korleis to systrer i Rio på 1950-talet blir skilde på grunn av farens fordommar og løgner, korleis kjærleiken og lengten mellom dei aldri døyr, korleis dei på eit tidspunkt uvitande oppheld seg på same staden, og korleis sanninga først kjem for ein dag då det er for seint. Filmen er eit rørande menneskeleg drama om to kvinner som aldri får realisert draumane sine, som heile tida lengtar og må finne seg i ein annan lagnad enn dei hadde sett føre seg. Glimrande spel og god fotografering lyftar produksjonen.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
