Klamme tonar
Av og til kjem det filmar som er hårreisande, om enn harmlaust kalkulerte. Coda er ein slik.
17 år gamle Ruby (Emilia Jones) drøymer om å satse på musikken, men er redd for å svikte familien.
Foto: Norsk Film Distribusjon
Drama
Regi: Sian Heder
Coda
Med: Emilia Jones, Eugenio
Derbez, Marlee Matlin, Troy Kotsur
Kinofilm
Den einaste høyrande i familien, Ruby (Jones), viser seg å ha eit talent for song, men kva skal dei gjera om dottera reiser vekk for å studera musikk i staden for å hjelpa til med fiskeverksemda?
Motstandslaust
På eit vis er det kanskje rart at det tok såpass lang tid før franske Familien Belier (2015) fekk sin amerikanske blåkopi. Og som forventa er det smurt om mogleg endå tjukkare på med overtydeleg humor (ja, tenk, døve folk har sex) og overdrivne poeng (ja, tenk, døve folk kan bli skikkeleg forbanna).
Det er noko nedlatande med denne totale mangelen på nyansar, billege poeng som skal gå rett heim utan motstand. I ei verd full av Idol og The Voice passar det jo særs godt å bruka dette med song som raud tråd. Og tenk, dottera til døve folk kan synga! Synd at foreldra ikkje kan høyra henne, faktisk så synd at eg må gråta ein skvett. Skulle nesten tru det heile var tilsikta.
Knappane
Eg kan nærast sjå for meg filmskapar Sian Heder og teamet gå gjennom manuset hennar og planlegga kva som skal til for å røra publikum. Bruken av Joni Mitchells klassikar «Both sides now» er på grensa til kynisk. Den karikerte musikklæraren spør Ruby kva ho føøøøler når ho syng, og det eg føler, er at eg ikkje forstår kvifor akkurat ho skil seg sånn ut, med den ganske ordinære stemma si.
Men la ikkje mi himling med auga og mine armar i kryss hindra deg dersom du har lyst på ein eindimensjonal, rørande film, like effektiv som ein forsikringsreklame og med omtrent like klar bodskap.
Brit Aksnes
Brit Aksnes er frilans kulturarbeidar og fast filmmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Drama
Regi: Sian Heder
Coda
Med: Emilia Jones, Eugenio
Derbez, Marlee Matlin, Troy Kotsur
Kinofilm
Den einaste høyrande i familien, Ruby (Jones), viser seg å ha eit talent for song, men kva skal dei gjera om dottera reiser vekk for å studera musikk i staden for å hjelpa til med fiskeverksemda?
Motstandslaust
På eit vis er det kanskje rart at det tok såpass lang tid før franske Familien Belier (2015) fekk sin amerikanske blåkopi. Og som forventa er det smurt om mogleg endå tjukkare på med overtydeleg humor (ja, tenk, døve folk har sex) og overdrivne poeng (ja, tenk, døve folk kan bli skikkeleg forbanna).
Det er noko nedlatande med denne totale mangelen på nyansar, billege poeng som skal gå rett heim utan motstand. I ei verd full av Idol og The Voice passar det jo særs godt å bruka dette med song som raud tråd. Og tenk, dottera til døve folk kan synga! Synd at foreldra ikkje kan høyra henne, faktisk så synd at eg må gråta ein skvett. Skulle nesten tru det heile var tilsikta.
Knappane
Eg kan nærast sjå for meg filmskapar Sian Heder og teamet gå gjennom manuset hennar og planlegga kva som skal til for å røra publikum. Bruken av Joni Mitchells klassikar «Both sides now» er på grensa til kynisk. Den karikerte musikklæraren spør Ruby kva ho føøøøler når ho syng, og det eg føler, er at eg ikkje forstår kvifor akkurat ho skil seg sånn ut, med den ganske ordinære stemma si.
Men la ikkje mi himling med auga og mine armar i kryss hindra deg dersom du har lyst på ein eindimensjonal, rørande film, like effektiv som ein forsikringsreklame og med omtrent like klar bodskap.
Brit Aksnes
Brit Aksnes er frilans kulturarbeidar og fast filmmeldar i Dag og Tid.
Fleire artiklar
Palestinarar på veg ut av Rafah måndag, etter at Israel varsla nye åtak i byen lengst sørvest i Gaza.
Foto: Ramadan Abed / Reuters / NTB
Den raude streken i Rafah
Kanskje skal sluttspelet i Gaza-krigen stå i Rafah. Det blir neppe kort.
Titusenvis av menneske har samla seg framfor parlamentet i Tbilisi dei siste vekene, i protest mot det dei kallar «den russiske lova».
Foto: Ida Lødemel Tvedt
Krossveg i den georgiske draumen
TBILISI: Demonstrasjonane i Georgia kjem til å eskalere fram mot 17. mai.
Mange meiner at det er no landet tek vegvalet mellom Russland og Vesten.
Utvalsleiar Line Eldring leverer NOU-rapporten om EØS-avtalen til utanriksminister Espen Barth Eide (Ap).
Foto: Terje Pedersen / NTB
Kva er alternativet til EØS-medlemskap?
Anna Kleiva er forfattar og omsetjar.
Foto: Privat
Anna Kleiva er ny diktskribent i Dag og Tid
«Eg ser fram til å arbeida meir med einskilde dikt frå ulike forfattarar.»
Foto: Hatem Khaled / NTB
Krasnik og eg
Dei som følger debatten, kan sjå to ulike haldningar til Israel og Palestina utfalde seg.