For ein irriterande film!
Ansel Elgort spelar hovudrolla som den unge sjåføren Baby.
Foto: Wilson Webb
Actionkomedie
Regi: Edgar Wright
Baby Driver
Med: Ansel Elgort, Lily James, Kevin Spacey
Ungguten Baby (Elgort) er ein hylar til å køyra bil, noko som gjer han til den perfekte fluktsjåføren for bankranarar. Helst vil han berre finna kjærleiken og køyra mil etter mil, med den daude mora reinkarnert i ei pen jente ved si side.
Sjarmlaust
Det tek i underkant av eitt minutt før eg irriterer meg over denne filmen. Ikkje eingong Jon Hamm får smilet fram. Eg har to timar framfor meg med sladding, slemme machomenn og klisjear – og heldigvis eit tett og godt lydspor til å døyva gremminga. Eit snev av forventningar har eg kosta på meg. Regissør Edgar Wright har stått for festleg sjarmerande filmar som Shaun of the Dead (2004) og Hot Fuzz (2007). Diverre er den barnlege entusiasmen, som var så likande i dei førre britiske produksjonane, knapt til stades, utanom i sjølve biljaktsekvensane, som skal seiast er underhaldande nok.
Edgar Wrong
Å sjå god biljakt er som ein godt koreografert ballett, berre med tunge dosar testosteron. Og i Hollywood er det framleis best å vera kvit, heterofil mann, noko som sjeldan kjem tydeleg fram i Baby Driver. «Watch your mouth – that’s my lady you’re talking to». Unnskyld meg? 50-talet ringde og ville ha manuset sitt tilbake. Det er berre å bita tennene saman og sjå ferdig. Må nett sjekka om Baby klarar å redda ei jomfru i naud til slutt. Eg håpar Edgar Wright kryssar Atlanteren snart, og tek opp tråden frå tidlegare suksessar. Baby Driver kan han skriva av på tabbekvoten.
Brit Aksnes
Brit Aksnes er frilans kulturarbeidar og fast filmmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Actionkomedie
Regi: Edgar Wright
Baby Driver
Med: Ansel Elgort, Lily James, Kevin Spacey
Ungguten Baby (Elgort) er ein hylar til å køyra bil, noko som gjer han til den perfekte fluktsjåføren for bankranarar. Helst vil han berre finna kjærleiken og køyra mil etter mil, med den daude mora reinkarnert i ei pen jente ved si side.
Sjarmlaust
Det tek i underkant av eitt minutt før eg irriterer meg over denne filmen. Ikkje eingong Jon Hamm får smilet fram. Eg har to timar framfor meg med sladding, slemme machomenn og klisjear – og heldigvis eit tett og godt lydspor til å døyva gremminga. Eit snev av forventningar har eg kosta på meg. Regissør Edgar Wright har stått for festleg sjarmerande filmar som Shaun of the Dead (2004) og Hot Fuzz (2007). Diverre er den barnlege entusiasmen, som var så likande i dei førre britiske produksjonane, knapt til stades, utanom i sjølve biljaktsekvensane, som skal seiast er underhaldande nok.
Edgar Wrong
Å sjå god biljakt er som ein godt koreografert ballett, berre med tunge dosar testosteron. Og i Hollywood er det framleis best å vera kvit, heterofil mann, noko som sjeldan kjem tydeleg fram i Baby Driver. «Watch your mouth – that’s my lady you’re talking to». Unnskyld meg? 50-talet ringde og ville ha manuset sitt tilbake. Det er berre å bita tennene saman og sjå ferdig. Må nett sjekka om Baby klarar å redda ei jomfru i naud til slutt. Eg håpar Edgar Wright kryssar Atlanteren snart, og tek opp tråden frå tidlegare suksessar. Baby Driver kan han skriva av på tabbekvoten.
Brit Aksnes
Brit Aksnes er frilans kulturarbeidar og fast filmmeldar i Dag og Tid.
Fleire artiklar
Teikning: May Linn Clement
Å forveksla aggressor med forsvarar
«Etter at Putin kom til makta hausten 1999, har Russland ført ei heil rad med krigar.»
Den nyfødde kalven.
Foto: Hilde Lussand Selheim
Ei ny Ameline er fødd
Vårsøg – også kalla Tripso sidan ho var så skvetten som ung, spissa øyro for ingenting og trippa med beina inn og ut av fjøset – fekk ein ny kalv natt til 13. mai.
Emma (Fanny L. Bornedal) arbeider som nattevakt ved rettsmedisinsk institutt, der foreldra i si tid vart utsette for drapsforsøk.
Foto: Another World Entertainment
Skrekkeleg skuffande
Likte du Nattevakten, kjem du ikkje til å elska Nattevakten: Demoner går i arv, dersom det var det du håpte på.
Som låtskrivar er Jessica Pratt meir oppteken av stemningar enn forteljingar, meiner Øyvind Vågnes.
Foto: Samuel Hess
Mindre er meir
Den nye plata til Jessica Pratt, Here in the Pitch, er hennar beste så langt.
Blaz (Aristote Luyindula) (t.v.) har ikkje stor tiltru til systemet, men aktivisten Haby (Anta Diaw) kjempar for å forbetre tilhøva i den falleferdige bustadblokka deira.
Foto: Laurent le Crabe
Oppussinga
Ladj Ly lenar seg mot melodrama etter ein rå debut.
Papiravisa