Fluge på veggen i eige liv
Når ein får gjennomført ein god idé, kan resultatet bli meir enn godt.
Regissørane Petter Aaberg og Sverre Kvamme debuterer med ein dokumentarfilm som handlar om å velje livet.
Foto: Indie Film AS
Dokumentar
Regi: Sverre Kvamme og Petter Aaberg
Nattebarn
Med: regissørane, familie og kjærasten til Petter Aaberg
Kinofilm
Sverre og Petter har kjent kvarandre sidan dei gjekk på filmfolkehøgskulen i Lofoten. Petter slit med sjølvmordstankar, og med kamera i hand bestemmer venene seg for å filma Petters nattestidleit etter andre som slit.
Kamera går og går
Heimefilmar no til dags er ikkje som for berre nokre år sidan, takk vera lett tilgjengeleg teknologi, rimelege og gode kamera, mobiltelefonar som slår digitalkameraa frå 10–15 år sidan ned i støvlane, og programvare som gjer at «alle» kan redigera sin eigen film. Men «alle» har ikkje god idear, auge for situasjonar, pågangsmotet som skal til for å oppsøka situasjonane, og ikkje minst – tolmodet til å redigera time etter time etter time med råmateriale.
Med Gopro-kameraet festa til dashbordet susar Petter og Sverre rundt som to unge riddarar på eit krosstog: Med vondt skal vondt adresserast. Det som alltid kjem i farvatnet av slike filmar, er om det kan trigga alt sårbare personar. Då skal det ofte ligga eit element av kynisme eller skjønnmåling bak, og det kan ikkje Nattebarn skuldast for.
Ikkje åleine
For nokre fine folk dei har klart å få tak i på natteferdene sine! Destruktive sjeler som samtidig gjerne ikkje vil vera nettopp det, og som eg kjenner eg blir håpefull på vegner av. Det at Petter byr på seg sjølv og sine problem, gjer nok at intervjuobjekta deira blir ekstra ærlege. Og kanskje dei gjer at Petter blir ekstra ærleg sjølv?
Særleg det som gjeld kjærasten, framstår som sårt og vanskeleg, men også kor nydeleg akseptert Petter faktisk er, trass i utfordringar med sjølvtillit, psykisk helse og seksualitet. Og den einaste noko eksplisitte sexscena i filmen fortener medalje for relevans og ryggrad. Tanken på at unge menneske får sett dette, gjer meg oppriktig glad.
I det heile klarar Nattebarn balansegangen mellom klein sjølvhjelpsfilm og rå dokumentar på utmerkt vis. Ein får omtanke og forståing for dei mange lagnadene utan å mistenkja nokon for å ha nokon anna baktanke enn å visa at det finst mange som slit der inne, der ute.
Brit Aksnes
Brit Aksnes er frilans kulturarbeidar og fast filmmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Dokumentar
Regi: Sverre Kvamme og Petter Aaberg
Nattebarn
Med: regissørane, familie og kjærasten til Petter Aaberg
Kinofilm
Sverre og Petter har kjent kvarandre sidan dei gjekk på filmfolkehøgskulen i Lofoten. Petter slit med sjølvmordstankar, og med kamera i hand bestemmer venene seg for å filma Petters nattestidleit etter andre som slit.
Kamera går og går
Heimefilmar no til dags er ikkje som for berre nokre år sidan, takk vera lett tilgjengeleg teknologi, rimelege og gode kamera, mobiltelefonar som slår digitalkameraa frå 10–15 år sidan ned i støvlane, og programvare som gjer at «alle» kan redigera sin eigen film. Men «alle» har ikkje god idear, auge for situasjonar, pågangsmotet som skal til for å oppsøka situasjonane, og ikkje minst – tolmodet til å redigera time etter time etter time med råmateriale.
Med Gopro-kameraet festa til dashbordet susar Petter og Sverre rundt som to unge riddarar på eit krosstog: Med vondt skal vondt adresserast. Det som alltid kjem i farvatnet av slike filmar, er om det kan trigga alt sårbare personar. Då skal det ofte ligga eit element av kynisme eller skjønnmåling bak, og det kan ikkje Nattebarn skuldast for.
Ikkje åleine
For nokre fine folk dei har klart å få tak i på natteferdene sine! Destruktive sjeler som samtidig gjerne ikkje vil vera nettopp det, og som eg kjenner eg blir håpefull på vegner av. Det at Petter byr på seg sjølv og sine problem, gjer nok at intervjuobjekta deira blir ekstra ærlege. Og kanskje dei gjer at Petter blir ekstra ærleg sjølv?
Særleg det som gjeld kjærasten, framstår som sårt og vanskeleg, men også kor nydeleg akseptert Petter faktisk er, trass i utfordringar med sjølvtillit, psykisk helse og seksualitet. Og den einaste noko eksplisitte sexscena i filmen fortener medalje for relevans og ryggrad. Tanken på at unge menneske får sett dette, gjer meg oppriktig glad.
I det heile klarar Nattebarn balansegangen mellom klein sjølvhjelpsfilm og rå dokumentar på utmerkt vis. Ein får omtanke og forståing for dei mange lagnadene utan å mistenkja nokon for å ha nokon anna baktanke enn å visa at det finst mange som slit der inne, der ute.
Brit Aksnes
Brit Aksnes er frilans kulturarbeidar og fast filmmeldar i Dag og Tid.
Fleire artiklar
Titusenvis av menneske har samla seg framfor parlamentet i Tbilisi dei siste vekene, i protest mot det dei kallar «den russiske lova».
Foto: Ida Lødemel Tvedt
Krossveg i den georgiske draumen
TBILISI: Demonstrasjonane i Georgia kjem til å eskalere fram mot 17. mai.
Mange meiner at det er no landet tek vegvalet mellom Russland og Vesten.
Utvalsleiar Line Eldring leverer NOU-rapporten om EØS-avtalen til utanriksminister Espen Barth Eide (Ap).
Foto: Terje Pedersen / NTB
Kva er alternativet til EØS-medlemskap?
Anna Kleiva er forfattar og omsetjar.
Foto: Privat
Anna Kleiva er ny diktskribent i Dag og Tid
«Eg ser fram til å arbeida meir med einskilde dikt frå ulike forfattarar.»
Palestinarar på veg ut av Rafah måndag, etter at Israel varsla nye åtak i byen lengst sørvest i Gaza.
Foto: Ramadan Abed / Reuters / NTB
Den raude streken i Rafah
Kanskje skal sluttspelet i Gaza-krigen stå i Rafah. Det blir neppe kort.
Foto: Hatem Khaled / NTB
Krasnik og eg
Dei som følger debatten, kan sjå to ulike haldningar til Israel og Palestina utfalde seg.