Den nye amerikanske draumen?
Å sjå Nomadland er som å ta eit djupt innpust og senka skuldrene.
Frances McDormand spelar kvinna som set seg i bilen og køyrer av garde.
Foto: Searchlight Pictures
Drama
Regi: Chloé Zhao
Nomadland
Med: Frances McDormand, David Strathairn, Linda May
Kinofilm
Etter å ha mista jobb og hus tek Fern (McDormand) til landevegen i varebilen sin, til liks med mange andre huslause, godt vaksne amerikanarar. Mellom lausjobbar og campingplassar veks sterke band og ekte venskap fram.
Dei tapres heim
Nomadland liknar ikkje ein einaste film eg har sett før, tenkte eg mens eg såg denne nydelege filmen her om dagen. Både historia og vinklinga er så original, så uamerikansk, og samtidig kanskje alt me tidlegare har knytt til det frie, amerikanske livet, «land of the free, home of the brave».
Tenka seg til at den nye amerikanske draumen kanskje er å køyra rundt som faktiske nomadar. For mange kan dette verta realitet, kanskje særleg med alle som står arbeidsledige i koronakjølvatnet. Ein av dei mange jobbane Fern tek, er sesongarbeid ved eit av dei massive Amazon-lagerhusa. Eg tenkjer fyrst at no kjem beisk kritikk av giganten som i praksis både gjer butikkarbeidarar arbeidslause og køyrer eit beinhardt regime mot dei som ser seg nøydde å arbeida for dei. Kritikken må ein tenkja seg til sjølv, og det gjeld i grunnen det meste i Nomadland. På mange måtar er det endå meir effektivt – trankapslar smakar betre enn flytande tran, men det viktigaste er at ein får i seg tran, ikkje sant?
Oppløftande
Hatten av for regissør Chloé Zhao, som sjølv har adaptert manuset ut frå boka til Jessica Bruder, og som har fått med seg så bra folk på alt frå foto (Joshua James Richards) til musikk (Ludovico Einaudi). Ut frå rulleteksten kjem det klart fram at dei medverkande i filmen, som Swankie, Bill og Linda, spelar seg sjølve, slik Bruder skildra dei i boka si.
Det fine er kor godt alltid gode Frances McDormand og David Strathairn glir inn. Med ei rollebesetning aldersmessig langt over Hollywoods vanlege kriterium om ungdom og venleik, sit eg og heiar på kjærleiken som om eg var ein tenåring, vel vitande om at ingenting her går på normale skinner, men det mååå jo bli noko mellom Fern og Dave!
Til å ha eit så dystert utgangspunkt som heimløyse, arbeidsløyse og klare parallellar til den økonomiske depresjonen på 30-talet, er Nomadland det minst deprimerande eg har sett på lenge. Tvert imot, så blir eg enormt håpefull og kjenner at verda er ein plass det framleis kan bli noko av. Klart ein kan ha eit godt liv utan all verdas gods og gull! Ein betre påminnar om at det er god helse og gode relasjonar som betyr noko, treng du ikkje sjå etter om du vil ha det i filmform.
Brit Aksnes
Brit Aksnes er frilans kulturarbeidar og fast filmmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Drama
Regi: Chloé Zhao
Nomadland
Med: Frances McDormand, David Strathairn, Linda May
Kinofilm
Etter å ha mista jobb og hus tek Fern (McDormand) til landevegen i varebilen sin, til liks med mange andre huslause, godt vaksne amerikanarar. Mellom lausjobbar og campingplassar veks sterke band og ekte venskap fram.
Dei tapres heim
Nomadland liknar ikkje ein einaste film eg har sett før, tenkte eg mens eg såg denne nydelege filmen her om dagen. Både historia og vinklinga er så original, så uamerikansk, og samtidig kanskje alt me tidlegare har knytt til det frie, amerikanske livet, «land of the free, home of the brave».
Tenka seg til at den nye amerikanske draumen kanskje er å køyra rundt som faktiske nomadar. For mange kan dette verta realitet, kanskje særleg med alle som står arbeidsledige i koronakjølvatnet. Ein av dei mange jobbane Fern tek, er sesongarbeid ved eit av dei massive Amazon-lagerhusa. Eg tenkjer fyrst at no kjem beisk kritikk av giganten som i praksis både gjer butikkarbeidarar arbeidslause og køyrer eit beinhardt regime mot dei som ser seg nøydde å arbeida for dei. Kritikken må ein tenkja seg til sjølv, og det gjeld i grunnen det meste i Nomadland. På mange måtar er det endå meir effektivt – trankapslar smakar betre enn flytande tran, men det viktigaste er at ein får i seg tran, ikkje sant?
Oppløftande
Hatten av for regissør Chloé Zhao, som sjølv har adaptert manuset ut frå boka til Jessica Bruder, og som har fått med seg så bra folk på alt frå foto (Joshua James Richards) til musikk (Ludovico Einaudi). Ut frå rulleteksten kjem det klart fram at dei medverkande i filmen, som Swankie, Bill og Linda, spelar seg sjølve, slik Bruder skildra dei i boka si.
Det fine er kor godt alltid gode Frances McDormand og David Strathairn glir inn. Med ei rollebesetning aldersmessig langt over Hollywoods vanlege kriterium om ungdom og venleik, sit eg og heiar på kjærleiken som om eg var ein tenåring, vel vitande om at ingenting her går på normale skinner, men det mååå jo bli noko mellom Fern og Dave!
Til å ha eit så dystert utgangspunkt som heimløyse, arbeidsløyse og klare parallellar til den økonomiske depresjonen på 30-talet, er Nomadland det minst deprimerande eg har sett på lenge. Tvert imot, så blir eg enormt håpefull og kjenner at verda er ein plass det framleis kan bli noko av. Klart ein kan ha eit godt liv utan all verdas gods og gull! Ein betre påminnar om at det er god helse og gode relasjonar som betyr noko, treng du ikkje sjå etter om du vil ha det i filmform.
Brit Aksnes
Brit Aksnes er frilans kulturarbeidar og fast filmmeldar i Dag og Tid.
Til å ha eit så dystert utgangspunkt, er Nomadland det minst deprimerande eg har sett på lenge.
Fleire artiklar
Kjersti Halvorsen er psykolog og forfattar.
Foto: Lina Hindrum
Fadesar og fasadar
Roboten blir til mens vi ror.
Det er naturleg å rykkja til når ein skjønar at laget ein spelar eller heiar på, rykkjer ned (jf. opprykk, nedrykk), skriv Kristin Fridtun. Her tek Ranheims Mads Reginiussen til tårene etter nedrykk i eliteseriekampen i fotball mellom Rosenborg og Ranheim på Lerkendal Stadion (3-2).
Foto: Ole Martin Wold / NTB
I rykk og napp
Det er naturleg å rykkja til når ein skjønar at laget ein spelar eller heiar på, rykkjer ned.
Penélope Cruz i rolla som mor til Adriana eller Andrea, spelt av Luana Giuliani.
Foto: Wildside
Roma – ein lukka by
Filmmelding: Italiensk oppvekstdrama sveipt i 70-talet skildrar tronge kjønnsnormer og fridomstrong.
Studentar på Universitetsbiblioteket på Blindern i Oslo.
Foto: Håkon Mosvold Larsen / NTB
Ja til skule, nei til studentfabrikk
Diverre er samarbeidet mellom skulen og høgre utdanningsinstitusjonar ofte dårleg.
Ragnar Bjerkreim har teke utgangspunkt i Josef-forteljinga i 1. Mosebok. Prosjektet tek for seg flukt, emigrasjon og folkevandring til ulike tider og på ulike kontinent.
Foto: Gry Monica Hellevik
Gjennom byar, under bru
Ragnar Bjerkreims Stjernesti famnar breitt, med mange røyster og opne landskap.