… så forblir dei eigentleg berre gutar, om dei heiter Prebz og Dennis. Det høver nok best for målgruppa.
Preben Fjell og Dennis Vareide møttest på folkehøgskule. Resten er historie, som det heiter.
Foto: North Sea Productions
Dokumentar
Regi: Kaspar Synnevåg
Prebz og Denniz – The Movie
Med: Prebz, Dennis og kompani.
I 2009 byrja Preben Fjell og Dennis Vareide på folkehøgskule. Med felles interesse for dataspeling fann dei ut at dei skulle starta opp ein norsktalande YouTube-kanal der andre kunne følgja med på når dei spela. Ungar over heile landet gjekk etter kort tid gut av huse for å følgja dei nye heltane.
Fenomenn
For dei av lesarane som ikkje kjenner Prebz og Dennis, og det kan fort vera ganske mange, dristar eg meg til å samanlikna med eit anna TV-konsept som moglegvis er meir kjent, nemleg amerikanske Jackass, der ein tek utfordringar med ulik grad av smerte, pinlege situasjonar og ekle smakar. Dette tok også dei to unge mennene til med, noko som nok auka populariteten betydeleg, og skaffa dei innbringande oppdrag, som kjøpesenterunderhaldning laurdagar rundt om i landet. På kort tid vart dei rett og slett rike superkjendisar – mange barns største draum, diverre. At to godt vaksne gutar framleis diggar å dabba og klaska høge nevar med småtassar, er i beste fall barnleg glede. I verste fall er det eit bevis på at den største gleda du kan ha, det er å tena lette pengar. Mest sannsynleg trur eg det er ein kombinasjon.
Bak mål
Gleda fansen har, er noko av det beste med filmen. Ho er genuin slik berre ungar kan vera genuine. Det betyr ikkje at barna er noko kvalitetsbarometer, men det er heller ikkje jobben deira og ikkje målet med filmen, for den del. Når det skortar på anna enn kleine utfordringar, som å slå kvarandre i ballane og køyra fort med bil, prøver filmskaparane å få inn litt alvor. Prebz har teke ein slankeoperasjon, og han skal gå med ein tung ryggsekk, tilsvarande vekta han har teke av, opp til fjellet Ulriken i Bergen. Dette verkar likevel meir som eit verkemiddel for å legitimera at dei vil gjera butikk av det som alt er god butikk, enn å peika på problem med unge og overvekt. Eg har vanskar med å sjå kva som er poenget med filmen. Alt Prebz og Dennis driv med på YouTube, er jo bak kamera, så at ein filmar at dei filmar bak kamera, er relativt formålslaust. Då sit ein att med ein slags godt klipt YouTube-episode – ikkje ein god film.
Brit Aksnes
Brit Aksnes er frilans kulturarbeidar og fast filmmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Dokumentar
Regi: Kaspar Synnevåg
Prebz og Denniz – The Movie
Med: Prebz, Dennis og kompani.
I 2009 byrja Preben Fjell og Dennis Vareide på folkehøgskule. Med felles interesse for dataspeling fann dei ut at dei skulle starta opp ein norsktalande YouTube-kanal der andre kunne følgja med på når dei spela. Ungar over heile landet gjekk etter kort tid gut av huse for å følgja dei nye heltane.
Fenomenn
For dei av lesarane som ikkje kjenner Prebz og Dennis, og det kan fort vera ganske mange, dristar eg meg til å samanlikna med eit anna TV-konsept som moglegvis er meir kjent, nemleg amerikanske Jackass, der ein tek utfordringar med ulik grad av smerte, pinlege situasjonar og ekle smakar. Dette tok også dei to unge mennene til med, noko som nok auka populariteten betydeleg, og skaffa dei innbringande oppdrag, som kjøpesenterunderhaldning laurdagar rundt om i landet. På kort tid vart dei rett og slett rike superkjendisar – mange barns største draum, diverre. At to godt vaksne gutar framleis diggar å dabba og klaska høge nevar med småtassar, er i beste fall barnleg glede. I verste fall er det eit bevis på at den største gleda du kan ha, det er å tena lette pengar. Mest sannsynleg trur eg det er ein kombinasjon.
Bak mål
Gleda fansen har, er noko av det beste med filmen. Ho er genuin slik berre ungar kan vera genuine. Det betyr ikkje at barna er noko kvalitetsbarometer, men det er heller ikkje jobben deira og ikkje målet med filmen, for den del. Når det skortar på anna enn kleine utfordringar, som å slå kvarandre i ballane og køyra fort med bil, prøver filmskaparane å få inn litt alvor. Prebz har teke ein slankeoperasjon, og han skal gå med ein tung ryggsekk, tilsvarande vekta han har teke av, opp til fjellet Ulriken i Bergen. Dette verkar likevel meir som eit verkemiddel for å legitimera at dei vil gjera butikk av det som alt er god butikk, enn å peika på problem med unge og overvekt. Eg har vanskar med å sjå kva som er poenget med filmen. Alt Prebz og Dennis driv med på YouTube, er jo bak kamera, så at ein filmar at dei filmar bak kamera, er relativt formålslaust. Då sit ein att med ein slags godt klipt YouTube-episode – ikkje ein god film.
Brit Aksnes
Brit Aksnes er frilans kulturarbeidar og fast filmmeldar i Dag og Tid.
Fleire artiklar
Teikning: May Linn Clement
Å forveksla aggressor med forsvarar
«Etter at Putin kom til makta hausten 1999, har Russland ført ei heil rad med krigar.»
Den nyfødde kalven.
Foto: Hilde Lussand Selheim
Ei ny Ameline er fødd
Vårsøg – også kalla Tripso sidan ho var så skvetten som ung, spissa øyro for ingenting og trippa med beina inn og ut av fjøset – fekk ein ny kalv natt til 13. mai.
Emma (Fanny L. Bornedal) arbeider som nattevakt ved rettsmedisinsk institutt, der foreldra i si tid vart utsette for drapsforsøk.
Foto: Another World Entertainment
Skrekkeleg skuffande
Likte du Nattevakten, kjem du ikkje til å elska Nattevakten: Demoner går i arv, dersom det var det du håpte på.
Som låtskrivar er Jessica Pratt meir oppteken av stemningar enn forteljingar, meiner Øyvind Vågnes.
Foto: Samuel Hess
Mindre er meir
Den nye plata til Jessica Pratt, Here in the Pitch, er hennar beste så langt.
Blaz (Aristote Luyindula) (t.v.) har ikkje stor tiltru til systemet, men aktivisten Haby (Anta Diaw) kjempar for å forbetre tilhøva i den falleferdige bustadblokka deira.
Foto: Laurent le Crabe
Oppussinga
Ladj Ly lenar seg mot melodrama etter ein rå debut.