Bok

Det er ikkje openbert

Jonny Halberg tar oss med på ei reise i død, sorg, løyndomar og familiedynamikk, men òg i ypparleg språkføring og forteljarkunst.

Jonny Halberg er ein prislønt forfattar som òg har skrive filmmanus og er litteraturkritikar.
Jonny Halberg er ein prislønt forfattar som òg har skrive filmmanus og er litteraturkritikar.
Publisert

Ein stad i Jonny Halbergs siste roman Johannes’ åpenbaring heiter det: «Han laget en grimase og sa, enormt plaget: ’Det er mat om fem minutter.’» Kven i all verda kan seie ei så kvardagsleg setning på ein «enormt plaget» måte?

Scena dreier seg om at far til Johannes, som òg heiter Johannes, står over han mens han søv på sofaen. Når sonen vaknar, får han middagskallet av den enormt plaga faren. Denne scena er symptomatisk for mysteriet Far, som romanen viklar ut litt og litt.

Krim og kvalitetar

Vår Johannes, eg-personen, reiser heim til farens gravferd. Han har livnært seg som standupkomikar og har ikkje snakka med faren på fleire år etter å ha brukt familien som utgangspunkt for scenemateriale. Gamle-Johannes var lege og godt likt der han verka på Skatøy. No har han hengt seg, og familien strøymer på til gravferda. Johannes finn løyndomar i både gamle dokument etter faren og blant familiemedlemene, og litt etter litt dannar det seg eit bilde av faren som er langt meir komplekst enn det han hadde frå før.

Sjølve notidshandlinga går føre seg i dagane rundt gravferda, men vi blir tatt med tilbake til andre tider og stader, og vender tilbake til notida med nye bitar i puslespelet.

Jonny Halberg har oppvist mange ulike kvalitetar i forfattarskapet sitt, og dei fleste av dei kokar ned til ei forteljarevne – om det så handlar om å stå tett på menneske, bygd og skjebne, som i Trass (1996) og Flommen (2000), å vere tåresprettande morosam, som i All verdens ulykker (2007), eller å vise fram ei velutvikla kompositorisk forståing, som i novellesamlinga Like nord for kirka (2016).

Digital tilgang – heilt utan binding

Prøv ein månad for kr 49.
Deretter kr 199 per månad. Stopp når du vil.


Eller kjøp eit anna abonnement